SHAHKÜP 4:39 - DAÜLANGPÜ LAIHING (BSI)

³⁹ Kahdok hatü vangsho kü Shembüpayü Kahvang; büpa kei lebü neshiü shei shinnyih ammei mongkü nebetüki tuhtuh, hatü nyingtuh.

SHAHKÜP 4:39 Iomraidhean Croise

2 SAMUEL 7:22

Oh Shembüpa Kahvang, nüng meshük longpüang! Nüng kei üpayao neshiü; hatü nüng mü lenei lebü kahvang üpayao neshiü shei hamei dhaongi danei nyüpeih.

1 SHÜPPÜKENGPÜ 17:20

Nüng keiha üpayao neshiü, Oh Shembüpa, hatü nüng mü lenei lebü Kahvang neshiü; hathü peü hamei dhaongi danei nyüpeih,

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

1 SHÜPPÜKENGPÜ 29:11

Oh Shembüpa, lupülongpü, ngan, müknyinshekhang, aokpü hatü dhemeilaüma vangsholei hatü kahdoknyülei nyupü kemei nüngei. Oh Shembüpa, ongchingao nüngei, hatü nüngü lemphü shak kü shangjing.

2 SHÜPPÜKENGPÜ 20:6

wongmü phopei e, “Oh Shembüpa, hamei bühipa Kahvang; nüngü vangsho leipü Kahvang nevaipü je? Nüngi jatthü ongching peü shak kü vanglem lemnyüke. Wong hi ngan kemei nüngei lakei nyüke; üpaiyao nüng khüei neyaongaokpih.

MENVIH KESHO 100:3

Shembüpayü Kahvang shei nyingtuh. Jen lingpeyü büpa, hatü jenü büpalei; jenü büpalei nanglak, hatü büpalei yemhah shingei haümpü mithü.

MENVIH KESHO 115:3

Hamei Kahvang vangsholei nyüpeih, büpai mehe na, ha düknyüpeih.

MENVIH KESHO 135:6

Shembüpai mehe mong, büpai ha kahdok, vangsho, hatü yungching ilangmong peü kü düknyeih.

MÜLANGPÜ 8:10

Pharaoh-i “Ngenyih phopshih” shei e. Hahepak kü Mosai, “Ngei nüngi epükei phopphahen, hatü Shembüpa, hamei Kahvang kei lebü kahvang neshiü shei nüngi nyinghen.

ISAIAH 1:3

Mohoh-i laophülei shembü, gadui laophülei shembüi het ühshing nyingnyüke, shejao Israel ami ha nenyingnyu, ngelei nanglaki ha nedanaoknyu.

ISAIAH 43:10

Amü ngelei denbüthü, ammi ngei nyinghen, hatü hinglemhen, hatü ngeiyü Kahvang shei nyinghen shingvaishi ngeijepü ngelei chongphobüthü shei Shembüpai enyüke. Ngei mü lenei üpa kahvangao nenyuham, nevaijü ngei mü üpa kahvangao nechongkahen.

ISAIAH 44:8

Amphong tenyem nevaijü tehan, Ngei shelei mebü-üng ha am kü ne-eangpü je? Amphongü ngelei denbüthü, Ngei mü lenei lebü Kahvang nyüpü je? Lebü Yaong neshiü; ngei hükao nyingei neshiüpih.”

ISAIAH 5:12

Jomei mohitap kü harp hatü lyre vüngei, tambourin hatü liping vüngei nyunyüke, shejao jomi Shembüpalei douthü kü ieyeilemei neshiü nevaijü büpalei lakdouthü kü dhüm shuohpü neshiü.

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

HOSEA 7:2

Shejao jomei douten kemei ngei deihshi nyüpeih shei jom kü leyei nepeinyu. Jomei mangi jom kü mük neshai-i veinyüpeih.

1 KORINT 8:4

Lajeithü kü jeetükpü hahying hahpü nang keyü, “Hingmei mü hapa kahdoknyü kü lajei neshiü, hatü Kahvang hük mü lenei lebü neshiü” shei jeni nyingnyüke.

1 KORINT 8:6

shejao jen shingvaishiyü Pa Kahvang hük, üpa leipü douthü peü vam, hatü üpa shingvaishi jen nyunya, hatü Shembüpa hük, Jisu Khrista, üpa homei douthü peü vam, hatü üpa homei jen nyunya, büpa nyüke.

SHAHKÜP 32:12

Lebü kahvang leipü sheühpü neyah-i Shembüpa moni büpalei nanglakthü mülangteke.

SHAHKÜP 32:29

Jom paoh kon kohlangmeyü jom dohpütenpü mekei nyuhen hapa yao-aokhen vaipeih.

SHAHKÜP 4:35

Shembüpayü Kahvang; büpa kei lebü üpayao neshiü shei am kü nyinghühen shingvaishi Shembüpai am kü hapa hupeih.

SHAHKÜP 6:4

Bangtuh, Oh Israel, Shembüpa, hatü Shembüpa monha jenei Kahvang shei deihtuh.

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

JOSHUA 2:11

Hami ha jung danhinüng am kü nyempai hamei mong mahdai; mehenangkü Shembüpa, ammei Kahvangü vangsho shangpa kü hatü kahdoknyü kü Kahvang khih.

1 SAMUEL 2:2

Shembüpa keiha daülangpü üpayao neshiü; nüng mü lenpü üpayao neshiü; Jenei Kahvang kei Yaong üpayao neshiü.