SHAHKÜP 4:35 - DAÜLANGPÜ LAIHING (BSI)

³⁵ Shembüpayü Kahvang; büpa kei lebü üpayao neshiü shei am kü nyinghühen shingvaishi Shembüpai am kü hapa hupeih.

SHAHKÜP 4:35 Iomraidhean Croise

2 SAMUEL 22:32

Shembüpa mü lenei Kahvang üpa nyüpa? Jenei Kahvang mü lenei Yaongnyü üpa nyüpa?

2 SAMUEL 7:22

Oh Shembüpa Kahvang, nüng meshük longpüang! Nüng kei üpayao neshiü; hatü nüng mü lenei lebü kahvang üpayao neshiü shei hamei dhaongi danei nyüpeih.

1 ONGPATHÜ 8:60

shejüang kahdoknyü hangkuli peüi Shembüpayü Kahvang, lebü üpayao neshiü shei nyinghen.

2 ONGPATHÜ 19:19

Hanangkü shaang, Oh Shembüpa, hamei Kahvang, kahdoknyü ongchingthü peüi Oh Shembüpa, nüng monha Kahvang shei nyinghen shingvaishi nüngi ham büpalei lak kübü yangshih shei phopnyüpeih” shei phopei e.

1 SHÜPPÜKENGPÜ 17:20

Nüng keiha üpayao neshiü, Oh Shembüpa, hatü nüng mü lenei lebü Kahvang neshiü; hathü peü hamei dhaongi danei nyüpeih,

MENVIH KESHO 100:3

Shembüpayü Kahvang shei nyingtuh. Jen lingpeyü büpa, hatü jenü büpalei; jenü büpalei nanglak, hatü büpalei yemhah shingei haümpü mithü.

MENVIH KESHO 58:11

Nanglakthüi, “Hingmei daülangpüthü shing laklei nyüke; hingmei kahdoknyü kü shahhing shahphenpü Kahvang nyüke” shei ehen.

MENVIH KESHO 83:18

Shembüpalei men monha kahdoknyü kü peü mü Jaipüba shei jomi nyinghütuh.

MÜLANGPÜ 15:11

“Oh Shembüpa, kahvangthü khongkü nüng keipü üpa nyüpa? Daülangshemshepü kü nüng keiha den ngoipü, müknyinshekhang kü nyemshihanshi, yashanyale dükpü üpa nyüpa?

MÜLANGPÜ 8:10

Pharaoh-i “Ngenyih phopshih” shei e. Hahepak kü Mosai, “Ngei nüngi epükei phopphahen, hatü Shembüpa, hamei Kahvang kei lebü kahvang neshiü shei nüngi nyinghen.

MÜLANGPÜ 8:6

Hanangkü Aaroni Ijip amei yungthü shangkü büpalei lak haong, hatü louk vamei Ijip kahdok mateke.

MÜLANGPÜ 9:14

Hei nevaijema hapa kahdoknyü kü ngei kei üpayao neshiü shei nüngi nyinghen shangmü ngei hapa shan keyü nüng hatü lakchongbüthü hatü nüngei nanglakthü kü ngelei hanghi chetshi shomhen.

ISAIAH 43:10

Amü ngelei denbüthü, ammi ngei nyinghen, hatü hinglemhen, hatü ngeiyü Kahvang shei nyinghen shingvaishi ngeijepü ngelei chongphobüthü shei Shembüpai enyüke. Ngei mü lenei üpa kahvangao nenyuham, nevaijü ngei mü üpa kahvangao nechongkahen.

ISAIAH 44:6

Israel amei Ongpa, hatü Yemleibü, Jeiyong Shembüpai hapakei enyüke: “Ngeiyü chongpangpü hatü dohpü; Ngei mü lenei lebü Kahvang neshiüpih.

ISAIAH 44:8

Amphong tenyem nevaijü tehan, Ngei shelei mebü-üng ha am kü ne-eangpü je? Amphongü ngelei denbüthü, Ngei mü lenei lebü Kahvang nyüpü je? Lebü Yaong neshiü; ngei hükao nyingei neshiüpih.”

ISAIAH 45:18

Shembüpai hapakei enyüke: Üpai vangshothü lingpa, büpayü Kahvang; Büpa, üpai kahdoknyü shükpa, hatü lingpa, büpai ha lingpeih; Büpai hapayü kong mü tuhhen nelingangpih, shejao halei hangkuli nyuhen nangkü lingpeih. “Ngeiyü Shembüpa, lebü Kahvang neshiü” shei büpai enyüke.

ISAIAH 45:22

Ngei touei mong lepei leikei, hatü yemleipü yahtuh kahdoknyü hangkuli peü! Mehenangkü ngei mon Kahvang, hatü lebü üpayao neshiüpih.

ISAIAH 45:5

Ngeiyü Shembüpa, hatü ngei keipü lebü neshiü; ngei mü lenei Kahvang neshiü. Nüngi ngei nenyingjao ngei nüng wong kohhühen;

MARK 12:29

Jisui, “Shongpü shongnyü hükü ha khih: Bangtuh, Oh Israel! Shembüpa, jenei Kahvang, Shembüpayü hük mon.

MARK 12:32

Hahepak kü shahkung nyuhbüi büpa kü, “Nyuhbü, nüngi, ‘Kahvangü büpa mon, hatü büpa mü lenei lebü neshiü’ shei epeyü jiüshi eteke,

1 KORINT 8:4

Lajeithü kü jeetükpü hahying hahpü nang keyü, “Hingmei mü hapa kahdoknyü kü lajei neshiü, hatü Kahvang hük mü lenei lebü neshiü” shei jeni nyingnyüke.

1 KORINT 8:6

shejao jen shingvaishiyü Pa Kahvang hük, üpa leipü douthü peü vam, hatü üpa shingvaishi jen nyunya, hatü Shembüpa hük, Jisu Khrista, üpa homei douthü peü vam, hatü üpa homei jen nyunya, büpa nyüke.

SHAHKÜP 32:12

Lebü kahvang leipü sheühpü neyah-i Shembüpa moni büpalei nanglakthü mülangteke.

SHAHKÜP 32:23

Shanghah vongshüh-i jom kü chethühen, hatü ngelei lahhan kemei jom kü kaphen.

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

SHAHKÜP 33:26

Ammei Kahvang kei üpayao neshiü, Oh Jeshurun. Am kü sheühhen büpai vangshothü kü hatü büpalei wongi phumthü shingkü longteinyüke.

SHAHKÜP 4:39

Kahdok hatü vangsho kü Shembüpayü Kahvang; büpa kei lebü neshiü shei shinnyih ammei mongkü nebetüki tuhtuh, hatü nyingtuh.

SHAHKÜP 6:4

Bangtuh, Oh Israel, Shembüpa, hatü Shembüpa monha jenei Kahvang shei deihtuh.

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

1 SAMUEL 2:2

Shembüpa keiha daülangpü üpayao neshiü; nüng mü lenpü üpayao neshiü; Jenei Kahvang kei Yaong üpayao neshiü.