SHAHKÜP 4:34 - DAÜLANGPÜ LAIHING (BSI)

³⁴ Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

SHAHKÜP 4:34 Iomraidhean Croise

MENVIH KESHO 136:12

büpalei laklu wong longpai, büpa bampü den kü nyunyeih;

MENVIH KESHO 24:8

Müknyinshekhang ongpayü üpaang? Büpayü wonghingan kohpü Shembüpa, vehok kü wong kohpü Shembüpa.

MENVIH KESHO 78:12

Chebü chepa ami eeshi Ijip kahdok, hatü Zoan shingmeijilei büpai yashanpü douthü dükpeih.

MÜLANGPÜ 1:9

Büpai büpalei nanglakthü kü, “Veituh, ha Israel hapeüthüyü longi danyüke hatü jen mao wong kohpüpa nyüke.

MÜLANGPÜ 10:21

Hahepak kü Shembüpai Mosa kü, “Shanghahshi Ijip kahdok kü shangmang peihen nüngi vangsho philei lak haongtuh” shei eteke.

MÜLANGPÜ 10:7

Pharaohlei lakchongbüthüi büpa kü, “Meshükpa hapa shennyaki jen kü shanghah shuohhenang? Shembüpa, jomei Kahvang kü khümhen Israel am leishihtuh; Ijip kahdok lomohdainyu khih shei nüngi nenyingnyu je?” shei eteke.

MÜLANGPÜ 13:3

Mosai nanglakthü kü, “Am Ijip leipü aa vaipü kahdok leipü vamei daipü nyih, shinnyih deih-ei dangtuh; mehenangkü Shembüpai büpalei wonghingani am müei ngailangteke. Daw shihpü aan tehah.

MÜLANGPÜ 14:30

Hapa keiha Shembüpai Israel am yang, hatü Israel ami Ijip am dipü yungphaangei eeteke.

MÜLANGPÜ 15:11

“Oh Shembüpa, kahvangthü khongkü nüng keipü üpa nyüpa? Daülangshemshepü kü nüng keiha den ngoipü, müknyinshekhang kü nyemshihanshi, yashanyale dükpü üpa nyüpa?

MÜLANGPÜ 19:4

‘Ngei Ijip am kü mehe dükshuohpa ha ammi eeteke, hatü alangi cheha yang kü haütü piyei deipükei ngei am hatoumü ngei nyushingei müei leipeih.

MÜLANGPÜ 3:10

Hanangkü ngelei nanglak Israel am Ijip kahdok leipü mülanghen ngei nüng Pharaoh touei shomhen” shei e.

MÜLANGPÜ 6:6

Hanangkü Israel am kü, “Ngeiyü Shembüpa, hatü ngei am yanghen hatü Ijip amei aa vaipü laphen kübü bümei leihühen. Ngei jom kü shahphenpü yah-ei peihen nangkü ngelei nyempühanpü lak nohen hatü ngei am angei leihen.

MÜLANGPÜ 7:3

Shejao ngei Pharaohlei mong vaanhühen; Ijip kahdok kü ngei nyeinya yashanyale dou dükshuohjao,

ISAIAH 51:9

Paotuh, paotuh, wong antuh, hatü ham yangshih, Oh Shembüpa; Paotuh, peihdaipü nyihthü kü keiha, meyangmeyangpü denshemthü kü keiha. Rahab khih mü nihtükpü hatü dragon kü peiyei hümtükpeyü nüng nevaipü je?

JEREMIAH 21:5

Ngei ngelei lak haongei, wong kohpü lak noei mongshih longpai am khüei hokhen.

JEREMIAH 32:21

Nüngi Israel am Ijip leipü nyangeihepü, yashanyale, laklu wong longpai hatü nyempühanpü longpü hutü müei leipeih.

BHEI-IE 20:16

shejao mechem hami Shembüpa kü leneiwongei phoppa, büpai hami lenpü danei vangsho phongshan hük shomei ham Ijip leipü müei daipeih. Shaang hamphong ammei kahmük vaungjung kübü Kadesh chingnyülei nyüpeih.

SHAHKÜP 1:30

Shembüpa, ammei Kahvangi am mühen, büpai ammei müki eeshi Ijiplei hatü jahpanei lingpükei am shingvaishi büpai hokkahen.

SHAHKÜP 10:21

Büpayü ammei Kahvang, hatü büpai am shingvaishi longpü hatü nyembenüng yashanyale dükpü ammei müki eeteke.

SHAHKÜP 11:2

Hapayü ammei hapeüthüi nevai shejao ammi Shembüpa, ammei Kahvangi mehe dükpa, ha mongkü pongnyüke; büpa longpü, büpalei ngan, büpalei wong,

SHAHKÜP 26:8

Hanangkü Shembüpalei laklu wong longpai, hatü nyemshi hanshi yashanyalepü ngani ham Ijip leipü müei leipeih.

SHAHKÜP 29:3

Shembüpai nyembenüng cham, yashanyale hatü thamapü dou longi dükshuohpü ammei müki eeteke.

SHAHKÜP 33:29

Amphongü moihimanpü, Oh Israel! Am keiha üam nyüpa? Shembüpai yangpü nanglakthü, Büpayü ammei Ii hatü sheühbü, hatü ammei yanlu. Ammei vepathüi am kü yüei peikahen, hatü ammi jomei dok kü shouphen.”

SHAHKÜP 34:12

Mehenangkü Israel am touei Mosai dükpü keiha üpaiyao nganhilong hatü nyempühanpü dou nedükangpih.

SHAHKÜP 5:15

Amphongü Ijiplei aa vaihampeih, hatü Shembüpa, ammei Kahvangi büpalei laklu wong longpai am müei leipeih. Hanangkü Shembüpa, ammei Kahvangi hapa Sabbath nyih themhen enyüke.

SHAHKÜP 6:21

ammi jomphong kü, “Jenü Ijip am Pharaoh ongpalei aa vaihampeih, shejao Shembüpa laklu wong longpai Ijip leipü jen müei leipeih” shei etuh.

SHAHKÜP 7:19

Ammei müki eeshi nyembenüng chamhilem, yashanyale, thamapü dou dükpü hatü Shembüpalei wong longpai am müei leipü deihtuh. Ammi shaang nyempü shennyakthü peü kü Shembüpa, ammei Kahvangi aihük mü dükkahen.

SHAHKÜP 9:29

Shejao hathüyü nüngi nüng lompü vaihen shingvaishi jelangpü nanglakthü hatü nüngei laklu wong longpai Ijip leipü nüngi mülangpü nanglakthü khih.”

JOSHUA 24:7

Mechem jomi Shembüpa kü lenshuohpa, büpai am hatü Ijip am aa kü vangnyak longpü vamhüpeih, hatü yungi leamei leiyei jom lümlangpeih. Ngei Ijip am kü mehe dük, ha ammei müki eeteke. Hapheikü jahpanei am hepak luangi nyupeih.

1 PETER 5:6

Hanangkü Kahvangei laklu wong longpü phangkü am maanpü leituh; shejüang hepak jiüpü kü büpai am longei anshihhen.