SHAHKÜP 4:31 - DAÜLANGPÜ LAIHING (BSI)

³¹ Mehenangkü Shembüpa, ammei Kahvangü phahjipü Kahvang nyüke; büpai am netuhphonghen nevaijü nemahtükhen, hatü büpai ammei bühipa mü vangtükpü nebetükhen.

SHAHKÜP 4:31 Iomraidhean Croise

1 SHÜPPÜKENGPÜ 28:20

Davidi cheha Solomon kü, “Wong kohtuh hatü monglongtuh hatü dou düktuh. Nüng tenyem nevaijü mongtemaan; mehenangkü Shembüpa Kahvang, üpa ngei chongphonya, büpa nüng mü nyüke. Hapa Phopshem dou mangtem thahshi büpai nüng kü neshaiphapih nevaijü netuhphongpih.

2 SHÜPPÜKENGPÜ 30:9

Ammi Shembüpa touei mong lepjema ammei vepathüi yah-ei lüdaipü ammei jeihinaü hatü hapeüthü kü phahji huhen hatü hapa kahdokei müei leikahen; mehenangkü Shembüpa, ammei Kahvangü phahji yahyangpü Kahvang nyüke. Am-üng büpa touei mong lepjema büpalei dhe am toueipü nelepdaipih” shei e.

NEHEMIAH 1:5

Hahepak kü ngei, “Oh Shembüpa, vangpüshuwpü jiüshangi nopü hatü üami nüng kü bam hatü nüngei shahkung jiüshi düknya, hathü kü bampü hupü longpü hatü nyempühanpü vangsho Kahvang;

NEHEMIAH 9:31

Shejao nüngei phahji yahyang homei nüngi jom nedohtük nevaijü neyakphong; mehenangkü nüngü phahji yahyangpü Kahvang.

MENVIH KESHO 103:8

Shembüpayü shinshangpü, hatü phahjipü, mongshihhen youngmü, hatü bampü kü bhashahshi nyüke.

MENVIH KESHO 105:8

Büpalei vangpüshuwpü büpai düngei deihshi nyüke, büpai etükpü shahthü denshem haja thahshi deihshi nyüke.

MENVIH KESHO 111:4

Büpayü büpalei thamapü douthü homei men-e leiteke; Shembüpayü phahji yahyangpü nyüke.

MENVIH KESHO 111:5

Büpa kü nyempüthü kü büpai hahying shuohnyeih; büpai lahpü düngei deihshi nyunyeih.

MENVIH KESHO 111:9

Büpai laophülei nanglakkü yemleipü shuohteke; büpai laophülei vangpüshuwpü shuohteke. Büpalei men daülangi, hatü nyemshi nyüke.

MENVIH KESHO 116:5

Phahjipü hatü daülangpeyü Shembüpa; jenei Kahvangü phahjinyeih.

MENVIH KESHO 86:15

Shejao nüngü phahji yahyangpü Kahvang, Oh Shembüpa, mongshihhen youngmü, bampü hatü shahhing epü kü bhashahshi nyüke.

MENVIH KESHO 86:5

Mehenangkü nüngü meipü, hatü mang tükpü, Oh Shembüpa, nüng kü nyükpüthü peükü bampü bhashahshi shuohnyüke.

MÜLANGPÜ 6:8

Ngei Abraham, Isak, hatü Jakob kü shuohhen shei lahpü kahdokei am müei leihen, hatü denden shing am lompü vaihen ngei am kü shuohhen. Ngeiyü Shembüpa” shei etuh.

JEREMIAH 14:21

Nüngei men kü ham tengümtük; Nüngei müknyinshekhang ong uoshing dhüm neshiüi teleitük; Ham mü nüngi vangteipü deih-ei dangtuh, hatü ha temangtük.

JEREMIAH 30:11

Ngei nüng mü nyüpeih, hatü nüng yanghen shei Shembüpai enyüke. Ngei am yanei deishihpü jatthü peü mahtükjao, Ngei am chemjalak kü nemahtükpih. Ngei am kü hanghi neshuoh-i netuhpih, shejao hayü shahhingi dükhen; Am kü hanghi neshuoh-i neleishihpih.”

LEVI 26:42

shejüang ngei Jakob mü vangeishuwpü deih-ei danghen, hatü Isak mü hatü Abraham mü ngei vangteishuwteipü deih-ei danghen, hatü ngei jom kü shuohhen lahpü kahdok deih-ei danghen.

LEVI 26:44

Shejao jom vepa kahdokei nyujoong ngei jom mü vangteipü mangei chemjalak kü netuhphonghen, hatü nemahtükhen; mehenangkü ngeiyü Shembüpa, jomei Kahvang.

LEVI 26:45

Ngei jomei Kahvang vaihen shingvaishi ngei jatthüi eeshi Ijip kahdok leipü jomei chebü chepa mü vangteipü ngei jom kü phahjiei deih-ei danghen. Ngeiyü Shembüpa.

JONAH 4:2

Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

BHEI-IE 14:18

“Shembüpayü mongshih anpü youngmü, hatü bampü kü bhashahshi. Mang hatü pungpüshaipü mang tüknyeih. Shejao büpai nemeipüthü kü hanghi neshuoh-i netuhphongnyih. Bühipai thahpü mang nangkü hühiha den jem den ali thahshi büpai hanghihünyeih.”

LUK SHAHSHA APPÜ 1:72

Hapakei hamei bühipa kü büpai lahpü phahji huteke, hatü büpalei daülangpü vangpüshuwpü deih-ei dangteke.

SHAHKÜP 31:6

Am wongkoh monglongtuh. Ammi jom kü tenyem nevaijü tehan; mehenangkü Shembüpa, ammei Kahvang am mü daikahen; büpai am netuhphongpih.”

SHAHKÜP 31:8

Shembüpa, büpa nyingi am shekü daihen hatü am mü nyuhen; büpai mechemao am netuhphonghen. Hanangkü am tenyem, tehan.”

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

JOSHUA 1:5

Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.