SHAHKÜP 4:30 - DAÜLANGPÜ LAIHING (BSI)

³⁰ Mechem am shangpong yakying kü nyuhen, hatü hathüi am kü dhaümhenshang, hahepak kü ammi Shembüpa, ammei Kahvang touei mong lepei leiyei büpalei shah banghen.

SHAHKÜP 4:30 Iomraidhean Croise

KAHBHAO 49:1

Hapheikü Jakobi chehathü peü kü nyüktü, “Ngei shonei thaikei, hatü ngei ngoikahen nyih kü mehe vamkahen ngei ha amphong kü ephüshah” shei e.

NEHEMIAH 1:9

shejao amphong mong lepei ngelei shahkung bangei hathü dükjema, amphong kahdoknyü junghijang peü lemei haishi nyujao ngei am thaiyei leiyei ngei kü khümhen jepü shingei tuhhen shei epü shah deih-ei dangnyüke.’

MENVIH KESHO 107:13

Hahepak kü jom shanghahpai Shembüpa kü nyük, hatü büpai jom shanghah kübü yang.

MENVIH KESHO 107:6

Hahepak kü jom shanghahpai Shembüpa kü nyük, hatü büpai jom shanghah kübü yang.

MENVIH KESHO 18:6

Shanghahpai ngei Shembüpa kü nyük; ngelei Kahvang kü sheühshih shei lenteke. Büpalei phopshem leipü büpai ngelei ngeü dan, hatü ngei lenpü büpalei dhaongi dan.

MENVIH KESHO 59:16

Shejao nüngei wong jung ngei kesho lokhen. Nepnüng ngei nüng bampü jung lokhen. Mehenangkü nüngü ngelei penyüsha, hatü ngei shanghahpü nyih ngei loishing nyupeih.

MÜLANGPÜ 18:8

Hahepak kü Mosai Jethro kü Shembüpai Pharaoh kü mehe dükpa, lemyangkü jomi mehe ponghahpa hatü Shembüpai jom mekei yangpa ha jung lemphüli jaüjateke.

ISAIAH 1:19

Amphongi-üng mongei ven bangjema, amphongi kahdok kü vampü meipü hahhen;

JEREMIAH 23:20

Büpalei mongei tempü peü mangjiü thahshi Shembüpalei mongshih nyokei neyahlanghen. Ngoikahen nyihthü kü nüngi ha lekei nyinghen.

JEREMIAH 4:1

Am mong lepei leijema, Oh Israel, ngei touei am lepei leijema, Ammi ngei toueipü jiühitnalai dou yaktükjema, hatü neleplüki nyujema,

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

JEREMIAH 7:23

Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

YOUNG LAI 3:40

Jeni jenei lem dokei veishah, hatü Shembüpa touei lepshah.

DANIEL 10:14

Dohpü nyih kü ammei nanglakthü kü mehe vamkahen ha nüng kü nih-ei ephahen ngei peiküpeih. Hapa manghkhangü ngoikahen nang epü khih.”

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

ZEKHARIAH 6:15

Tailu shingei nyupüthü peikahen hatü Shembüpalei phopshem lingei leihen kü sheühhen, hatü Jeiyong Shembüpai am touei ngei shompü khih shei nyinghen. Hingmei, ammi Shembüpa, ammei Kahvangei shah bangjema, hapa jiükahen.

BHEI-IE 24:20

Hapheikü Balaami manghkhang kü Amalek am kü veiteke, hatü hapa tetpüvanpü shah eteke: “Jatthü khongkü peü mü shongpeyü Amalek am, shejao hapalei dohpeyü denden kü mahhen ha nyüke.”

PHONGSHANTHÜ DOU 26:20

shejao shongpüba kü Damaska, hapheikü Jerusalem, hatü Judea kahmük kempülei hatü Kung am kao jom mong lepei Kahvang touei leihen, hatü jom mong leppü doui huhen epeih.

PHONGSHANTHÜ DOU 3:19

Hanangkü mong leptuh, hatü ammei mang thitei yaktükphahen shingvaishi Kahvang touei lepei leituh,

SHAHKÜP 30:10

Shejao ammi shahkung lai kü nyangei nyupükei Shembüpalei shah banghen, hatü ammei mongdang kempai hatü laangha kempai Shembüpa, ammei Kahvang touei nyokei leihen vongbong.

SHAHKÜP 30:2

Hatü ngei shinnyih am kü epükei mechem am hatü ammei hühihathüi Shembüpa, ammei Kahvang touei nyokei leihen hatü ammei mongdang kempai, laangha kempai büpalei shah banghenshang,

SHAHKÜP 31:17

Ha nyih ngei jom kü mongshihhen hatü jom yaktükhen; ngelei dhe jom toueipü jodaihen hatü jom mahtükhen. Shanghah longi jom kü peihen hatü hapa nyih ngei, jomei Kahvang, jom mü nenyupü nangkü hapa shanghah peipü khih shei nyinghen.

SHAHKÜP 31:21

hatü mechem shanghah longi jom kü peihen hapa kesho-i jom khüei denpü vaihen, jomei hühihathüi hapa nebetükhen. Shaang mebü ngei jom kü lahpü kahdokei müei mangpei shekü-üng jomi mehe dükhen shei deihnya, ha ngei nyingnyüke.

SHAHKÜP 31:29

Ngei didaipheikü amphongü yahlak neshiüi tendaihen hatü ngei epü shahkung kübü lepdaihen khih shei ngei nyingnyüke. Ngoikahen nyih kü am kü shanghah peikahen; mehenangkü ammi Shembüpa touei mang dou dükhen hatü ammei laki lingei büpa mongshihhühen.

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,