SHAHKÜP 4:19 - DAÜLANGPÜ LAIHING (BSI)

¹⁹ Hatü mechem ami phumshangei ngangei veihen, vanghe, lennyü hatü lithathü kü aümei khümhen mü amphong lemnyong kü temühü. Shembüpa, ammei Kahvangi lebü jatlithüi hathü kü khümhen shingvaishi shuohteke.

SHAHKÜP 4:19 Iomraidhean Croise

KAHBHAO 1:14

Hapheikü Kahvangi, “Vangnyak kübü vangngai hanhen shingvaishi vangshangei vangngaithü vamtuh, hatü hathüi hepak vangpan, nyih hatü bongthü nyinghen nyangeihepü hük vaihütuh,

KAHBHAO 2:1

Hapa keiha vangshothü hatü kahdoknyü hatü halei nyupüthü lingei tem.

2 ONGPATHÜ 17:16

Jomi Shembüpa, jomei Kahvangei shahkungthü peü yaktük, hatü jomi jom shingvaishi mohoh cheha lajei nyi shükei ling, Asherah kahvangei lajei ling, hatü vangsho lithilen hatü Baal kahvang kü khüm.

2 ONGPATHÜ 21:3

Büpai chepa Hezekiah-i mangtükpü vaümchongthü ne leiyei ling; büpai Baal kahvang kü khümhen moidüthü hatü Asherah lajeithü Israel ongpa Ahabi lingpükei ling. Büpai lithathü peü kü khüm.

2 ONGPATHÜ 23:11

Judah ongthüi vanghe kü khümhen shingvaishi daütüktü Shembüpalei Phopshem shaden touei tuhpü koyeithü büpai deitükkem, hatü vanghe kü khümshingkü noteipü koyei kharithü aw kü jaktük. Hathüyü lakchongbü Nathan Melekhei shem kübü taishi nevai, shaden yopailei nyuteke.

2 SHÜPPÜKENGPÜ 33:3

Büpai chepa Hezekiah-i bentükpü vaümchongthü lingei lei, hatü Baal kahvangei moidüthü hatü Asherah nyüha kahvangei lajeithü ling. Büpai lithathü kü khüm.

NEHEMIAH 9:6

Nüng monha Shembüpa, nüngi vangshothü hatü vangsho lithilenthü, kahdoknyü hatü ha shak kü nyupü peü, yungching hatü halei nyupü peü lingpeih. Nüngi hathü peü kü yangnyu shuoh, hatü vangshothüi nüng kü khümnyüke.

MENVIH KESHO 19:3

Hathüi ne-enyu nevaijü shah neshiü; jomei ngeü nedanaoknyu.

JEREMIAH 19:13

Jerusalem leipü shemthü hatü Judah ongthüyü hapa Topheth shing kü, hatü shem adokei vangsho lithilen kü ayingshü jakei hatü lebü kahvangthü kü yiü moila shuoh-ei nyupü shemthü peü sheihdaihen.”

JEREMIAH 31:35

Üpai nyihnüng vangngai shingvaishi vanghe, hatü yanüng vangngai shuohhen nangkü lennyü hatü lithathü kü shahkung shuohnya, yungching yungmok ngeü vamhen mü üpai yungching pheühünya, ha Shembüpai hapakei enyüke: Jeiyong Shembüpayü büpalei men:

JEREMIAH 33:25

Shembüpai hapakei enyüke: Ngei paoh vangnyak hatü vangngai mü vangpüshuwpü neling hatü kahdok vangsho shahkung chanei netuhlangmeyü,

JEREMIAH 8:2

hatü jomi bamei chongphoei, ha phei müei, hatü khümei nyupü vanghenyü, lennyü hatü vangsho lithathü kü yeemei tuhhen; hathü üpaiyao thaiyei kahdokei dungei netuhhen, shejao chingyangshongei nühinam yaüpükei yaüshi tuhphonghen shei Shembüpai enyüke.

EZEKIEL 18:6

Büpai Israel amei lajeithü kü nekhümnyu, nevaijü khüampü khümshingei lajeithü kü moilapü hahying nehahnyu. Büpai chingyowpalei nyüha mü douten nedüknyu, nevaijü nyüha hük hangha tenpü hepak kü nejemnyu.

EZEKIEL 8:16

Hatü büpai ngei phopshem pekon mongei müei shü. Halei phopshem shaden touei shemshom hi moidü nyi aa kü baha jom hapünga hükshing phopshem philei dok mee, heong philei dhe meetü vanghe kü aümei shatü shatü khümei eeteke.

ZEPHANIAH 1:5

Shem adokei aongei vangsho lithilen kü aümei khümpüthü; Shembüpa, ngei kü aümei khümtü vangpheikü üami Molekh kahvang men kü vangeishuwnya,

MATHI 5:45

shejüang amphongü vangsholei nyupü Palei hapeüthü vaihen; mehenangkü büpai nemeipüthü hatü meipüthü kao aihük mü vanghenyü aonghünyeih, daülangpüthü hatü nedaünelangpüthü kao vang keihünyeih.

PHONGSHANTHÜ DOU 7:42

Shejao Kahvang jom toueipü yandai hatü vangsho lithilen kü khümhen shuohtük. Thibüthüi lai kü hapakei nyangei nyüke: “Bong pinyi jahpanei nyushi ammi ngei kü jakpü moila koei peila, Oh Israel phang?

ROM SHAHSHA APPÜ 1:25

mehenangkü jomi Kahvangei shahhing shahshem mü jeiteinyüke, hatü Lingbü nangjei lingpü douthü kü khümei chongphoteke, den den kü büpa vihtuh! Amen.

SHAHKÜP 13:10

Hathüyü yaongi shükei jütüktuh; mehenangkü amphong aa vaihampü Ijip kahdok leipü müei leipü Shembüpa, ammei Kahvang toueipü am mülanghen büpai khenyüke.

SHAHKÜP 13:5

Hapa keipü thibü nevaijü mangh tetpeyü jütüktuh; mehenangkü jomi Shembüpa, ammei Kahvang, üpai am aa vaihampü Ijip kahdok leipü müei leipa, büpa khüei yaongnyüke. Büpai Shembüpa, ammei Kahvangi epü lem kübü am mülanghen khenyüke. Am toueipü henüng keipü mang daütüktuh.

SHAHKÜP 17:3

hatü ngei epü nebangi lebü kahvangthü kü khümei, chongphoei nevaijü vanghe kü, lennyü kü nevaijü lithathü kü khümpü jung,

SHAHKÜP 4:18

nevaijü yungmongei nyupü nyah aimü mehe lajei keiyao lingei khümpai ammi mang nethahhen shingvaishi lituh.