SHAHKÜP 4:1 - DAÜLANGPÜ LAIHING (BSI)

¹ Mosai nanglakthü kü eteke, “Oh Israel am, ngei am kü nyuhpü shahkungnyüthü bangtuh. Am yemmü nyuhen hatü daiyei Shembüpa, ammei ambü ampa Kahvangi am kü shuohpü kahdok yah-aokhen shingvaishi hathü bangtuh.

SHAHKÜP 4:1 Iomraidhean Croise

MENVIH KESHO 105:45

Hathü kemei jomi büpalei shahkungthü banghen, hatü dükhen nangkü ha vampeih. Shembüpalei men longtuh.

MENVIH KESHO 119:4

Kenhingei dükhen shingvaishi nüngi nüngei shahkungthü shuoh.

MÜLANGPÜ 18:20

Nüngi jom kü Kahvangei shahkungnyüthü nyuh-eishuoh, hatü jom mekei nyuhen, mehe dükhen nih-ei veneishuoh.

JEREMIAH 11:6

Shembüpai ngei kü, “Ha shahthü peü Judah jilathü hatü Jerusalem chingyangshong kü baongeishuoh. Vangpüshuwpü shahthü bangtuh hatü düktuh.

EZEKIEL 11:20

Shejüang jomi ngelei shahkung hatü vanglemthü kü mühen. Jomü ngelei nanglak, hatü ngeiyü jomei Kahvang vaihen.

EZEKIEL 20:11

Jomi ha dükei yemmü nyuhen nangkü ngei ngelei vanglem hatü shahkung jom kü shuohpeih.

EZEKIEL 20:21

Shejao hapa hühihathüi ngei khüei yaongteke: Jomi ngelei vanglem kü nemü, ngelei shahkung noteihen khih shei jomi kenhingei nedeih, hatü ngelei Sabbath mangtükpeih. Jomi hathü paoh bangei düklangmeyü yemmü nyuhen. Hanangkü jahpanei nyushi ngelei mongshih ngei jom kü khüpeilangei shuohhen deihpeih.

EZEKIEL 36:27

Ngei am kü laangha ja hük shihphahen, hatü ngelei shahkungnyü kü mühühen, hatü ngelei vanglem noteihen kenhinghühen.

EZEKIEL 37:24

Ngei chongphobü David keipü ong hüki jom kü ong vaihühen, hatü jom peü shak kü mi yombü hük mon nyuhen. Jomi ngelei shahkungnyü phei mühen, hatü ngelei vanglemthü kenhingei noteihen.

LEVI 18:5

Ngei am kü shuohpü shahkungthü hatü vanglem kü mütuh; hapa dükpai am yemmü nyuhen. Ngei ammei Shembüpa.”

LEVI 19:19

Ngelei shahkungnyüthü noteituh. Ammi haümyem yah-ei lebü yemha mü tejemteihü. Ammei kah kü sheili lem nyi chemi teshei; nevaijü vilem laolao nyi yah-ei dakpü ashakviha te-ow.

LEVI 19:37

Ngei epü hatü ngelei shahkungnyüthü peü düktuh, hatü ha kü mütuh. Ngeiyü Shembüpa.

LEVI 20:8

Ngelei shahkungnyüthü noteituh, hatü ha phei mütuh. Ngeiyü am daühüpü Shembüpa.

LEVI 22:31

Ngelei shahkungnyüthü düktuh, hatü ha kü mütuh. Ngeiyü Shembüpa.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

JOHAN 15:14

Ngei am kü epü dükjema amphongü ngelei küphüthü.

ROM SHAHSHA APPÜ 10:5

Mosai shahkung leipü peipü daülangshemshepü nang nyangshingkü hapakei enyüke: “Üpai hathü dükhenshang hathü homei yangnyu nyuhen.”

SHAHKÜP 1:3

Jom Ijip tuhtü daipü vangbong pinyi mü len anpühükpabü shongpü nyih kü Shembüpai Israel am nang mehe Mosa kü eshuohpa, ha büpai jomphong kü eshuohteke.

SHAHKÜP 1:8

Veituh, hapa kahdokü ngei am kü shuohtepih. Ammei bühipa Abraham, Isak hatü Jakob hatü jomei hühihathü kü Shembüpai shuohhen shei lahpü kahdokei shüei hapa yahtuh’ ” shei eteke.

SHAHKÜP 11:1

Shembüpa, ammei Kahvang kü bamtuh hatü düngei büpalei shahkungthü bangtuh.

SHAHKÜP 11:32

ngei shinnyih am touei tuhphopü shahkungthü ven banghen kenhingtuh.

SHAHKÜP 13:1

Thibü nevaijü mangh tetpü am hanei am touei peiyei amphong kü yashanyalepü nevaijü thamabenüng shah eyei,

SHAHKÜP 16:20

Shembüpa, ammei Kahvangi am kü shuohpü kahdok yah-aokhen hatü halei yüluei nyuaokhen shingvaishi shahhing mon etuh.

SHAHKÜP 30:16

Mehenangkü ngei shinnyih am kü Shembüpa, ammei Kahvang kü bamhen, büpalei lemthü kü kamhen, hatü büpalei shahkungthü hatü vanglemthü noteihen shuohnyüpeih; shejüang am yangnyu nyuhen hatü dahenshehen, hatü Shembüpa, ammei Kahvangi ammi yahhen nyupü kahdokei am kü moihimanphahen.

SHAHKÜP 30:19

Shinnyih ngei vangsho hatü kahdok kü am nangkü denpü vaihen nyüknyeih; ngei am touei yangnyuyem hatü dipü, moihiman hatü thaüvaü tuhphünyeih. Am hatü ammei hapeüthü yemmü nyuhen shingvaishi yangnyuyem jetuh,

SHAHKÜP 30:20

hatü ammi Shembüpa, ammei Kahvang kü bamtuh, büpalei shah bangtuh hatü büpa kü wongshongi shoungtuh. Mehenangkü Shembüpayü ammei yangnyu nyüke, hatü büpai ammei bühipa Abraham, Isak hatü Jakob kü shuohhen shei lahpü kahdokei vangbong longi nyuhen.

SHAHKÜP 4:40

Am hatü ammei hühihathü meishi nyuhen shingvaishi hatü Shembüpa, ammei Kahvangi den shing am kü shuohpü kahdok kü den luangi nyuhen shingvaishi shinnyih ngei am kü shuohpü shahkungthü bangei düktuh.

SHAHKÜP 4:45

Hapayü jomphong Ijip leipü vamei daipheikü Mosai jom kü shuohpü shahkungnyü nyüke,

SHAHKÜP 4:8

Ngei shinnyih amphong kü shuohpü shahhing shahkung kei lebü longpü üam jatthülei hapa keipü shahkung hatü vanglemthü nyüpa?

SHAHKÜP 5:1

Mosai Israel am peü chemi nyükei thaihütü jomphong kü eteke: “Oh Israel am, shinnyih ngei ammi danshi epü shahkungnyüthü bangtuh. Hathü nyingei yahtuh hatü dou leiyei düktuh.

SHAHKÜP 5:33

Amphong nyuhen shingvaishi shuohpü kahdokei yangnyu shoshoei daeisheyei yüluei nyuhen shingvaishi Shembüpa, ammei Kahvangi epü lem kü kamtuh.”

SHAHKÜP 6:1

Hathüyü am Jordan yung homei daiyei ammi mükjüp yahhen kahdokei dükhen shingvaishi Shembüpa, ammei Kahvangi ngei kü nyuhtuh shei ephopü shahkungnyüthü nyüke.

SHAHKÜP 6:24

Hanangkü Shembüpa i jen kü hathü shahkung banghen hatü shaangpükei moihimanei jen yemmü nyuhen shingvaishi Shembüpa, jenei Kahvang kü dhüm shuohhen epeih.

SHAHKÜP 7:11

Hanangkü am kü nyuhpü peü bangtuh hatü shinnyih ngei am kü shuohpü shahkungnyüthü peü bangtuh.

SHAHKÜP 8:1

Am nyuaokhen, daeisheyei nyuhen hatü ammei bühipa kü Shembüpai lahpü kahdok thahei yah-aokhen shingvaishi shinnyih ngei am kü shuohpü shahkungnyüthü peü düktuh.

SHAHKÜP 8:11

Shembüpa, ammei Kahvang nebetükhen lituh, hatü büpalei shahkungthü hükao neshaihen kenhingtuh.

SHAHKÜP 9:1

Oh Israel am, bangtuh! Shinnyih ammi Jordan yungdang homei am mü longpü, hatü wong kohpü jatthü vangsho kü shongshi penyü showtükpü chingnyüthü yahhen hepak ngoinyüke.

JOSHUA 3:9

Hahepak kü Joshua-i Israel am kü, “Hatouei heihkei, hatü Shembüpa, ammei Kahvangei shah bangtuh.