SHAHKÜP 33:1 - DAÜLANGPÜ LAIHING (BSI)

¹ Hapayü Kahvang shennyak Mosai büpa didaishekü Israel am kü moihiman shuohpü nyüke:

SHAHKÜP 33:1 Iomraidhean Croise

KAHBHAO 27:4

hatü ngei kü ngei hahhüpükei phai cheütü deikei, hatü ngei dishekü nüng kü moihiman shuohhen hih” shei e.

KAHBHAO 49:1

Hapheikü Jakobi chehathü peü kü nyüktü, “Ngei shonei thaikei, hatü ngei ngoikahen nyih kü mehe vamkahen ngei ha amphong kü ephüshah” shei e.

KAHBHAO 49:28

Hathüyü Israel phang anpünyi nyüke, hatü hathüyü chepai jom kü moihimanpü hepak kü jom kü epeih; jom peü kü jom kü jiüpü moihiman shuoh-ei moihimanteke.

1 ONGPATHÜ 13:1

Shembüpai epü nangkü Judah leipü Kahvang shennyak hük Jeroboami moila shuohnüng shei moidü touei yaongshi nyushi aongei Bethel ngoiteke.

1 ONGPATHÜ 13:6

Jeroboam ongpai hapa Kahvang shennyak kü, “Shembüpa nüngei Kahvang kü ngelei lak meihen shingvaishi phopshih” shei e. Hanangkü hapa Kahvang shennyaki Shembüpa kü phop, hatü ongpalei lak sheleipü keiha meidai.

1 SHÜPPÜKENGPÜ 23:14

Kahvang shennyak Mosalei hapeüthüyü Levi jat aimü ieteke.

2 SHÜPPÜKENGPÜ 8:14

Chepa Davidi dükpü vanglem keiha büpai ngongpathü khong hanpü aimü jomei dousho kü dükhü, hatü Levi ami kesho mühen hatü ngongpathü kü nyihjeih dükhen dousho aimü hanteke. Shao büpai shaden yombüthü jomei khong hanei nyupü aimü shaden peü yomhen Kahvang shennyak Davidi hanpükei hanteke.

MENVIH KESHO 90:1

Shembüpa, nüngü denshem peü kü ham nyushing nyuhampeih;

JEREMIAH 35:4

Ngei jomphong Shembüpalei shemei Kahvang shennyak Igdaliahlei cheha Hananei chehathülei dungnukei müei dei. Hapayü lebü lakchongbüthülei dungnuk kü dhienei nyu, hatü phopshem shaden yombü Maaseiah, Shallumei chehalei dungnuk dok kü nyuteke.

JOHAN 14:27

Ngei am mü chingmei tuhphünyeih; ngelei chingmei ngei am kü shuohnyeih. Kahdoknyüi shuohpükei ngei am kü neshuohnyih. Ammei mong teshanghü nevaijü tenyemhü.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

1 TIMOTI 6:11

Shejao Kahvang shennyak nüng payü hathü peü yaktüktuh; daülangshemshepü, Kahvang nyingpü, hinglempü, bampü, munenpü, inyainyempü changei daituh.

2 TIMOTI 3:17

shejüang Kahvangei shennyakthü peü doumei peü shingvaishi dükaokhen temtüktü nyuhen nyüke.

JOSHUA 14:6

Shaang Gilgalei nyushi Judah am shennyakthü Joshua touei pei, hatü Kenizz am Jephunnehlei cheha Kalebi büpa kü, “Kahvang shennyak Mosa kü Kadesh-Barnealei nyushi ji nang Shembüpai mehe eshuoh, ha jung nüngi nyingei nyüke.

2 PETER 1:21

Mehenangkü thihivam shah-ü shennyaki mongpü kübü nevam, shejao Laangha Daülangpai jom müpai shennyakthüi Kahvang leipü yah-ei epeih.

SHAHPHENBÜTHÜ 13:6

Hahepak kü hapa nyühai chepaha touei heih-ei büpa kü, “Kahvang shennyak hük ngei touei peiküpeih, hatü büpayü veiheni Kahvangei phongshan kei nyemshi shüke; büpa kü meleipü peiküpa shei ngei nepheshuoh-angpih, hatü büpai büpalei men ne-ephaangpih;

1 SAMUEL 2:27

Shaang Kahvang shennyak hük Eli touei peiyei büpa kü e, “Shembüpai hapakei enyüke: Ijiplei Pharaoh ong phangkü aa vaishi nyushi ngei nüngei bühipa Aaron kü shakei vamei hutepih.