SHAHKÜP 32:6 - DAÜLANGPÜ LAIHING (BSI)

⁶ Ammi Shembüpa kü hapa keiha düknyu je? Oh ngapa, hatü sholi neshiüpü nanglakthü. Büpayü ammei pa hatü am lingbü nevaipü je?

SHAHKÜP 32:6 Iomraidhean Croise

2 SAMUEL 7:24

Hatü nüngi Israel nanglakthü düngei nüng lompü nanglak vaihen shingvaishi lingei tuh, hatü Oh Shembüpa, nüngi jomei Kahvang vaiteke.

JOB SHAHSHA APPÜ 10:8

Nüngei laki shükpeih hatü lingpeih; shejema shaang nüngi ha nyokei mangtükhen je?

MENVIH KESHO 100:3

Shembüpayü Kahvang shei nyingtuh. Jen lingpeyü büpa, hatü jenü büpalei; jenü büpalei nanglak, hatü büpalei yemhah shingei haümpü mithü.

MENVIH KESHO 116:12

Shembüpai lemphü mei dükpü kü ngei büpa kü mehe shemshuohhen?

MENVIH KESHO 149:2

Israel ami laophü Lingbü kü mongmeituh; Zion hapeüthüi jomei ongpa kü mongongtuh.

MENVIH KESHO 74:18

Mekei vepathüi nüng kü yaünya, hatü nelipüthüi nüngei men ne-ienelemnya ha deih-ei dangtuh, Oh Shembüpa.

MENVIH KESHO 74:2

Nüngi shelei jeyei tuhpü nanglakthü, nüngei mükjüp vaihen nüngi angei leipüthü deih-ei dangtuh. Nüng peiyei nyupü Zion Kahshang deih-ei dangtuh.

MENVIH KESHO 95:6

Oh peikei, jeni aümei khümshah, jeni Shembüpa, jen Lingbü kü lashüh-i shüngei aümei khümshah!

MÜLANGPÜ 15:16

Nyemhühanhüpü jom shangkü peiteke; Oh Shembüpa, nüngei laklu wong longpai nüngei nanglakthü mangpei thahshi nüngi angei leipü, nanglakthü manghomkem thahshi, nyempai yaong keiha yaongdaiteke.

MÜLANGPÜ 4:22

Hahepak kü nüngi Pharaoh kü, “Israel amü ngelei hashongpa shei Shembüpai enyüke” shei etuh.

ISAIAH 1:2

Bangtuh, Oh vangshothü, dhaong shaangtuh, Oh kahdoknyü! Mehenangkü Shembüpai eteke: “Ngei hashihthü haümei laongteke, shejao jomphongi ngei khüei yaongteke.

ISAIAH 27:11

Mechem hapalei kaohilak dihen, hathüyü bhaglanghen; nyühathü peiyei hathü yah-ei aw kü jaktükhen. Mehenangkü hapa nanglakthü kü danaokpü neshiü. Hanangkü jomei Lingbüi jom kü nephahji hatü neshinshang.”

ISAIAH 43:1

Shejao shaang Shembüpa, üpai am lingpa, Oh Jakob, üpai am vamhüpa, Oh Israel, büpai hapakei enyüke: Am tenyem; mehenangkü ngei am angei leitepih; Ngelei men kü am nyükei leipeih, amphongü ngelei lompü.

ISAIAH 43:7

ngelei müknyinshekhang shingvaishi ngei lingpü, ngei shükpüthü, üam ngelei men kü nyük, hathü leishihtuh shei ehen.

ISAIAH 44:2

Üpai am lingpa hatü üpai am wom mongei shükpa? Hapa Shembüpai hapakei enyüke: Am tenyem, Oh Jakob, ngelei chongphobü, Ngei jepü Jeshurun.

ISAIAH 63:16

Abraham hatü Jakobi ham nenyingjao, nüng hamei Pa; Nüngü, Oh Shembüpa, hamei Pa; Aivang den mebü nüngei menü ham Yangbü.

ISAIAH 64:8

Shejao Oh Shembüpa, nüngü hamei Pa; hamü haüm kahdok, nüngü dük shükbü; ham peü nüngei laki lingpü nüngei lakdouthü.

JEREMIAH 4:22

Ngelei nanglakthüyü ngapathü khih; jomi ngei nenyingnyu. Jomü sholi neshiüpü hashihthü; jom kü danaokpü neshiü. Jomü ten dükhen longi manpüthü, shejao mei dükhen nenyingnyu.

JEREMIAH 5:21

Oh ngapa hatü sholi neshiüpü nanglakthü; am kü mük nyüke, shejao ne-eenyu; am kü dhaong nyüke, shejao nedannyu.

HOSEA 13:13

Nyü hüki hapeü bühshingkü tüngpükei büpa kao peiteke, shejao büpa neliha vaipü nangkü bühhen hepak ngoijajao büpa vangngailei nevamhünyu.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

JOHAN 8:41

Amphongiyü ampa ami mehe dük, ha düknyüke” shei e. Jomi büpa kü, “Hamphongü shounghathü nevaipih; hamei pa hük nyüpeih, hayü Kahvang” shei e.

PHONGSHANTHÜ DOU 20:28

Am laophü nyingi hatü Laangha Daülangpai amphong veibü vaihen tuhpü mithü peü thaeimaei yomtuh; laophülei Halei iy homei shakei tuhpü Kahvangei attoi kü mi yomtuh.

ROM SHAHSHA APPÜ 8:15

Mehenangkü amphongi nyipabü nyemhen aa laangha neyah, shejao ungei yahpü laangha yahpeih. Mechem jeni, “Abba! Opa!” shei lenhen,

1 KORINT 6:20

Mehenangkü amphongü bhei shuohtü shakpeih; hanangkü ammei büm kü Kahvang müknyinshekhanghütuh.

GALATIA 3:26

mehenangkü Jisu Khrista kü hinglempü homei am peü Kahvangei hapeüthü leiteke.

GALATIA 4:6

Amphongü hapeüthü vaipü nangkü Kahvangi Chehalei Laangha jenei mongdangei shompeih, hatü hapa Laanghai, “Abba!” “Opa!” shei lennyüke.

SHAHKÜP 1:31

Büpai laophülei hapeü müpü keiha Shembüpa, ammei Kahvangi lemyang kemei kü hapa shing thahshi müteke.

SHAHKÜP 14:1

Amphongü Shembüpa, ammei Kahvangei hapeüthü nyüke. Didaipü am kü mahng thepshingkü amphongi shangbasho tejap nevaijü sho tekup;

SHAHKÜP 32:15

Jakobi moh-eileyei hahteke, Jeshurun nitteke hatü khüei yaongteke. Jom hahyingi moh-ei nitteke, jomi jom lingpü Kahvang tuhphong, hatü jom yemleipü Yaong yaktük.

SHAHKÜP 32:18

Am bühpü paümpü Yaong ammi yakphong, am kü yangnyu shuohpü Kahvang betük.

SHAHKÜP 32:28

Israel amü sholi neshiüpü jatli, jom kü danaokpü kon neshiü.

2 PETER 2:1

Shejao shahshem nyuhbüthü am nanglak khongkü vamteke, hatü ha aihük mü amphong khongkü shahshem nyuhbüthü vamkahen. Jomi joei tenbenüng chudeih koei peikahen; jomi jom angei leipü Shembüpa yaktükhen, hatü laophü nyingkü lomi mahhen koei peikahen.

1 JOHAN 3:1

Jenphong kü Kahvang hathü shei nyükhen mü Opai mekeipü bampü jen kü shuohpa veituh, hatü jenphongü hakei-üng vaitei. Kahdoknyüi jen nenyingpeyü jomi büpa nenyingpü nangkü nyüke.