SHAHKÜP 32:47 - DAÜLANGPÜ LAIHING (BSI)

⁴⁷ Hathüyü nyienpü shah nevai, shejao ammei yangnyu nyüke. Hathü shah homei am Jordan yung homei heih-ei yahhen kahdokei am yüluei nyuaokhen” shei eteke.

SHAHKÜP 32:47 Iomraidhean Croise

KANDOK 3:18

Pinnyü kü shoungpüthü kü pinnyü-ü yangnyuyem pü; Pinnyü kü wongshongi khaaipüthü kü moihimanpü shei nyükhen.

KANDOK 3:22

Hathüyü nüng kü yangnyu, hatü nüngei üng kü bahpü chühiyük vaikahen.

KANDOK 4:13

Nyuhpüvenpü kü shounglangtuh; nüngi ha tedeitük; ha meishi yomtuh; mehenangkü hapayü nüngei yangnyu hih.

KANDOK 4:22

Üami hathü dang, jom shingvaishi hathüyü yangnyu, hatü büm kü meihüpü nyüke.

ISAIAH 45:19

Shangmang kahdokei uotü ngei joshi shah ne-eangpih; “Angsha kü ngei yemtuh” shei ngei Israel hapeüthü kü ngei ne-eangpih. Ngei, Shembüpai shahhing enyüpeih; mehe jiüpa, ha ngei baongnyüpeih.

LEVI 18:5

Ngei am kü shuohpü shahkungthü hatü vanglem kü mütuh; hapa dükpai am yemmü nyuhen. Ngei ammei Shembüpa.”

AMOS 5:4

Shembüpai Israel nanglakthü kü hapakei enyüke: Ngei yemtuh hatü am yemmü nyuhen;

MATHI 6:33

Shejao shongei Kahvang ongching hatü büpa daülangshemshepü yemtuh, hatü hathü douthü peü am kü yahphahen.

PHONGSHANTHÜ DOU 7:38

Büpayü jahpanei khong mü jenei bühipathü mü hatü Sinai Kahshangei büpa kü shah eshuohpü vangsho phongshan mü nyu, hatü jen kü shuohhen vanyangyem shah büpai yah.

SHAHKÜP 30:16

Mehenangkü ngei shinnyih am kü Shembüpa, ammei Kahvang kü bamhen, büpalei lemthü kü kamhen, hatü büpalei shahkungthü hatü vanglemthü noteihen shuohnyüpeih; shejüang am yangnyu nyuhen hatü dahenshehen, hatü Shembüpa, ammei Kahvangi ammi yahhen nyupü kahdokei am kü moihimanphahen.

SHAHKÜP 31:13

Ammei hühihathü üami hapa shahkungthü nedan, ha danhütuh, hatü jomi Jordan homei heih-ei yahhen kahdokei nyupü thahshi Shembüpa, ammei Kahvang kü nyemhen nyinghühen vongbong” shei jomphong kü eteke.

SHAHKÜP 33:25

Jomei penyüsha-ü nyiami lingtü nyuhen, hatü jom nyih meshük nyu, hapakei wong kohshi nyuhen.

SHAHKÜP 4:40

Am hatü ammei hühihathü meishi nyuhen shingvaishi hatü Shembüpa, ammei Kahvangi den shing am kü shuohpü kahdok kü den luangi nyuhen shingvaishi shinnyih ngei am kü shuohpü shahkungthü bangei düktuh.

SHAHKÜP 4:6

Hathü kenhingei düktuh hatü lebü jatthüi amphongü longi nahpülangpü, nyingpühingpü jatli shei nyinghen hatü jomi, ha danei, “Hingmei, hapa longpü jatliyü nahpülangpü, nyingpühingpü jatli khih” shei ehen.

SHAHKÜP 8:3

Büpai amphong aeiyeileyei ang, hatü am hatü ammei bühipai mechemao manghahpü manna hahhen shuohteke. Shennyaki aani mon yangnyu nenyunyih shejao Shembüpalei ju kübü vampü shah ieyei mon yangnyu nyunyüpeih shei am kü nyuhhen shingvaishi hapa dükteke.

1 TIMOTI 4:8

Büm shing aülaüei dükpü kü nanglei maani nyüpeih, shejao Kahvang nyingpü kü lem peü kü shaang hatü ngoikahen yangnyu shingvaishi lahpü nyüpeih.

2 PETER 1:16

Mechem hami ngan hatü jenei Shembüpa Jisu Khrista peipü am kü nyinghüpa, hami kon kohshi lingpü yimpilathü phei müei ne-e, shejao hamphongü büpalei müknyinshekhang müki eepü denbüthü hih.

2 PETER 1:3

Büpalei müknyinshekhang hatü meipai jen kü nyükpü büpa nyingpü homei yangnyu hatü Kahvang nyinghen shingvaishi napü lemphü büpalei ngan homei jen kü shuohteke.

SHAKEI VAMPÜ 22:14

Laophülei bhagthuh dhotüktü nyupüthü moihiman; mehenangkü jomphongü yangnyu pü kübü betjük hahhen jiüpü nyüpeih, hatü peshaden homei chingnyülei shüaokhen.