SHAHKÜP 32:46 - DAÜLANGPÜ LAIHING (BSI)

⁴⁶ büpai jomphong kü, “Hapa shahkung kübü shahthü kenhingei banghen ammei hapeüthü kü eaokhen shingvaishi ngei shinnyih am kü epü shahthü peü mong kü jaotuh.

SHAHKÜP 32:46 Iomraidhean Croise

1 SHÜPPÜKENGPÜ 22:19

Shaang, ammei mongdang, laangha kempai Shembüpa, ammei Kahvang yemtuh. Ammi Shembüpalei Vangpüshuwpü Pela koei leihen hatü Shembüpalei men kü vehen phopshemei Kahvangei daülangpü douhinangthü leiyei tuhhen shingvaishi daülangpü shem vehen chongpangtuh” shei e.

MENVIH KESHO 78:5

Büpai Jakob kü shahkung hük lingei shuoh, hatü Israel am kü shahkungnyü temei shuoh. Büpai hamei bühipathükü jomei hühihathü kü nyuhhen,

KANDOK 12:28

Daülangshemshepü lem kü yangnyuyem nyüpeih, hapa lem kü kamjü dipü neshiü.

EZEKIEL 40:4

Hapa shennyaki ngei kü, “Shennyak ha, nüngei müki veituh, nüngei dhaongi bangtuh hatü ngei mehe huphahen, ha kü mong shuohtuh; hapa nadang kü nüng hatouei deipeih. Nüngi eepü lemphüli Israel phang kü etuh” shei ephüteke.

EZEKIEL 44:5

Shembüpai ngei kü eteke: Shennyak ha, meishi nenei hüngei veituh, hatü Shembüpalei shemei noteihen vanglem hatü hapalei shahkungthü ngei nüng kü ephahen ha meishi mong shuoh-ei bangtuh, hatü üam phopshem mongei shüaokhen, hatü üam neshüaokhen meishi nyingei tuhtuh.

AMOS 5:4

Shembüpai Israel nanglakthü kü hapakei enyüke: Ngei yemtuh hatü am yemmü nyuhen;

LUK SHAHSHA APPÜ 9:44

“Hathü shah ammei dhaongei shühahtuh: Shennyak Ha shennyakthülei lak kü lanei shuohtükhen.”

SHAHKÜP 11:18

Hathü shah ammei mongkü jaotuh; hathü ammei lak kü shatuh hatü ammei shangba kü khüamtuh.

SHAHKÜP 11:19

Ammei hapeüthü kü ha nyuhtuh; am shemei nyushingkü, lem kü kamshingkü, am shishingkü hatü paoshingkü hathü jung etuh.

SHAHKÜP 32:45

Mechem Mosai Israel am peü kü hathü shahjükthü ieyei tempa,

SHAHKÜP 4:6

Hathü kenhingei düktuh hatü lebü jatthüi amphongü longi nahpülangpü, nyingpühingpü jatli shei nyinghen hatü jomi, ha danei, “Hingmei, hapa longpü jatliyü nahpülangpü, nyingpühingpü jatli khih” shei ehen.

SHAHKÜP 4:9

Am kenhingtuh, hatü ammei müki lekei mehe eetepa, ha nebetükhen, nevaijü am yemmü nyupü thahshi ammei mongdang kübü hapa nemahtükhen kentuh. Ammei hühihathü kü ha nyuhtuh.

HEBREW 2:1

Hanangkü jeni mehe dan, ha kübü yanei nedeilanghen shingvaishi jeni longi kenhingei mong shuohhen khih.