SHAHKÜP 32:4 - DAÜLANGPÜ LAIHING (BSI)

⁴ Büpayü Yaongnyü, büpalei douthü den ngoishi nyüke, hatü büpalei lemthü peü shahhing nyüke. Büpayü monglemaokpü, nelunelempü Kahvang; büpayü daülangpü, hatü shahhing nyüke.

SHAHKÜP 32:4 Iomraidhean Croise

KAHBHAO 1:31

Kahvangi büpai lingpü lemphü kü meiangke shei mongongei vei, hatü om dhü hatü dhom shei vokpabü nyih nyuteke.

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

2 SAMUEL 22:47

Shembüpa yemmü nyüpeih! Ngelei Yaongnyü moihimantuh! Ngelei Kahvang, ngei yemleipü Yaongnyü longei anshihtuh!

2 SAMUEL 23:3

Israel Kahvangi eteke; Israel amei Yaongnyüi ngei kü eteke: Kahvang nyemshi üpai ngelei nanglak kü shahhing kü vanglem lemnya,

2 SHÜPPÜKENGPÜ 19:7

Hanangkü Shembüpa kü nyempü am mü nyuhütuh. Kenhingshi shahphentuh; mehenangkü Shembüpa, jenei Kahvang mü shahhing ne-epü, baong hanei noteipü hatü yawhdou neshiüpih” shei e.

NEHEMIAH 9:8

Büpalei mongdangi nüng kü hinglempü nüngi nying, hatü nüngi büpalei hühihathü kü Kanan, Hit, Amor, Perizz, Jebus hatü Girgash amei kahdok shuohhen büpa mü vangpüshuwpü lingteke. Nüngi lahtükpü lakshing tuh; mehenangkü nüngü shahhing nyüke.

JOB SHAHSHA APPÜ 34:10

Hanangkü amphong sholi kohpüthü, Kahvangi nemeipü düknyeih, Jeiyong Kahvangi nejiüpü dou düknyeih shei mechemao tedeih.

JOB SHAHSHA APPÜ 35:14

Nüngi büpa ne-eenyih shei enyüke, hatü nüngei nang büpa touei nyüpeih, hatü nüngi büpa dannyeih shei enyüke. Shejema meshük maanpü leitü büpai nüngi epü kü banghen?

JOB SHAHSHA APPÜ 36:23

Büpa daihen lem üpai büpa kü eshuohpa, nevaijü üpai büpa kü, “Nüng pungteke” shei eaokpa?

JOB SHAHSHA APPÜ 8:3

Kahvangi shahhing nyonghünyu je? Nevaijü Jeiyong Kahvangi jiüpüang nyonghünyu je?

MENVIH KESHO 100:5

Mehenangkü Shembüpayü meiangpeih; büpa bampü hatü shahhing epü denshem peü kü nyunyeih.

MENVIH KESHO 138:8

Shembüpai ngei shingvaishi büpalei mükhong jiühühen; nüngi bampü den kü nyunyeih, Oh Shembüpa; nüngei laki lingpü douthü nüngi tebetükma.

MENVIH KESHO 145:17

Shembüpai büpalei lemthü peü kü shahhing enyeih, hatü büpai dükpü lemphü kü bampü kohshi düknyeih.

MENVIH KESHO 146:6

Büpai vangsho hatü kahdok, yungching hatü haleipü lemphü lingpeih; büpa den kü shahhing nyunyeih.

MENVIH KESHO 18:2

Shembüpayü ngelei yaong, ngelei penyüsha hatü ngei yangbü; ngelei Kahvang, ngei loipü yaongnyü, ngelei inyüshung, ngelei yemleipü vaung hatü ngelei penyüsha.

MENVIH KESHO 18:46

Shembüpa yemmü nyüpeih, Ngelei yaongnyü kü vihtuh! Ngelei Yemleipüba Kahvangei men longhütuh.

MENVIH KESHO 19:7

Shembüpalei shahkungnyü den ngoipü, laangha jatonghünyeih. Shembüpalei shahkungü hinglembenüng; ngashi nyupüthüao nahhünyeih.

MENVIH KESHO 31:5

Nüngei lak kü ngei ngelei laangha shuohnyeih; nüngi ngei yangteke, Oh Shembüpa, hingshangpü Kahvang.

MENVIH KESHO 33:4

Mehenangkü Shembüpalei shah daülangi, hatü büpalei dou peü hingshangpai düknyüpeih.

MENVIH KESHO 78:35

Jomi Kahvangü jomei Yaongnyü, Jaipüba Kahvangü jom angei leipüba shei deih-ei dang.

MENVIH KESHO 9:16

Shembüpayü büpalei shahhingi nyingnyüpeih; hatü nemeipüthüyü laophülei laki linghahpü kü mannyüpeih.

MENVIH KESHO 90:16

Nüngei chongphobüthü kü nüngei douthü, hatü jomei hapeüthü kü nüngei dhemeilaüma hushih.

MENVIH KESHO 92:15

Hapai Shembüpayü shahhing shei hunyüke, büpayü ngelei Yaongnyü; büpa kü nedaünelangpü meheyao neshiü.

MENVIH KESHO 97:2

Büpa shonei phum hatü vangnyak nyüke; daülangshemshepü hatü shahhingi büpalei ong uoshing chongnyiam lingei nyüke.

MENVIH KESHO 98:3

Büpai Israel phangkü bampü, hatü shahhing epü deih-ei dangteke. Jenei Kahvangi aokpü dangpü kahdoknyü peüi eeteke.

MENVIH KESHO 99:4

Wong kohpü Ongpa, shahhing kü bampü, nüngi shahhing chonglingei tuhteke; nüngi Jakob kü shahhing, hatü daülangshemshepü dükteke.

MÜLANGPÜ 34:6

Hatü Shembüpai büpa shekü, “Shembüpa, Shembüpa, phahjipü hatü shinshangpü Kahvang, mongshih youngmü anpü, hatü bampü hatü monglempü kü den ngoipü.

CHONGVENBÜ 3:14

Kahvangi dükpü lemphüli denden kü nyukahen shei ngei nyingnyüke; ha kü meheyao ühen neaok, hatü haleipü yahlanghen neaok. Hangkui büpa kü dhüm shuohhen shingvaishi Kahvangi ha dükpeih.

ISAIAH 17:10

Ammi ha yemleipü Kahvang betük; ammi am loishing Yaong deih-ei nedang. Hanangkü ammi püthü meipü sheijao, hatü mih leipü nyalingngupai leiyei sheijao;

ISAIAH 25:1

Oh Shembüpa, nüngü ngelei Kahvang; Ngei nüng shangei anshihhen, hatü nüngei men longhen; mehenangkü shongei temtükpü küpjanthü nüngi yashanshi dükteke.

ISAIAH 26:4

Den kü Shembüpa kü hinglemtuh; mehenangkü Shembüpa, Jeiyong Kahvangü nedohnetenpü loishing Yaongnyü.

ISAIAH 28:16

Hanangkü Shembüpa Kahvangi, “Veituh, ngei Zionlei chongnyiam yaong, hatü dokhen yaong hük, chongnyiam shing wong kohhen shingvaishi douvang shongkaong yaong hük tuhnyüpeih. Üpai hapa kü hinglemhenshang, neshanghahhen.

ISAIAH 30:18

Hanangkü Shembüpai am kü phahjihen dannyüke, hatü büpai am kü shinshanghen yaongnyüke. Mehenangkü Shembüpayü shahhing Kahvang; Büpa kü omdanpü peü moihiman!

ISAIAH 32:2

Jom peüi vanglük kü joshing keiha, hatü yinglükpalei kü sho joshing keiha, kahngadok kü yung shapü keiha, hatü kahvan kahdok kü yaongnyü dhüm keiha nyukahen.

JEREMIAH 10:10

Shejao Shembüpayü hingshangpü Kahvang; büpayü vanyangyem Kahvang, nedohnetenpü Ongpa. Mechem büpa mongshihhen, kahdok jennyüpeih; jatthüi büpa mongshihpü nenenaoknyih.

JEREMIAH 9:24

shejao üami changmeinya, jomi Shembüpa nyingpü nangkü maühehütuh; ngei monghahpü douthüyü bampai, shahhingi hatü daülangpai hapa kahdoknyü kü dou düknyeih shei Shembüpai enyüke.

DANIEL 4:34

Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

HABAKKUK 1:12

Nüngü aivang den mebü nevaipü je? Oh Shembüpa, ngelei Kahvang, ngelei Daülangpüba. Nüng nedidaihen. Oh Shembüpa, hamei shahphenhen nüngi jom jeteke, hatü nüng, Oh Yaongnyü, ham kü hanghi shuohhühen shingvaishi nüngi jom wong kohhüteke.

HABAKKUK 1:13

Ten kü veihen nüngei mükü ahshi-üng daülangpü nyüke, hatü douten dükpü kü nüngi neveihünyu. Shejema mehekei lawlüppüthü kü nüngi hei-üng veishi nyudainya? hatü nemeipüthüi jom mü nyeinya daülangpüthü lühtükpü kü nenmü veishi nyudainya?

ZEPHANIAH 3:5

Shejao daülangpü Shembüpa jom mü nyüke; büpai nejiüpü nedüknyu. Nepjeih büpai neshai-i nanglakthü kü shahhing düknyeih, Shejao nedaünelangpüthüi douten dükpü kü neveünyu.

MATHI 5:48

Vangsho leipü Pa keiha amphong changpüshapü leituh.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 1:17

Mehenangkü shahkungü Mosa homei shuoh, shejao phahji hatü shahhingü Jisu Khrista homei peipeih.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JOHAN 5:22

Pa-i üpa kao shah nephennyih, shejao shahphenpü peü Ha kü shuohtükteke,

ROM SHAHSHA APPÜ 1:32

Hapa keipü dou dükpüthü dihen shangpeih shei jomphongi Kahvangei shahkungnyü nyingei nyüke, shejao jomi hathü dükpü mon nevai, shejao hathü dükpüthü kü jomi mongmeishi yahnyüke.

ROM SHAHSHA APPÜ 2:2

“Hapa keipü dou dükpüthü kü Kahvang shahphenpeyü shahhing kü jiüpü aimü nyüke shei hami nyingnyeih shei ammi enyüke.”

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

ROM SHAHSHA APPÜ 3:5

Shejao jen nedaünelangpai Kahvang nyeinya daülangshemshepü huaokjema, jeni mehe ehenang? Kahvangi jen kü hanghi shuohpeyü nejiü shei eaokhen je? (Ngei hayü hangkulei shahlem aimü enyeih.)

1 KORINT 10:4

hatü peüi aihük laangha yung ying. Mehenangkü jomphongü jom mü chemi daipü laangha yaong kübü yung ying, hatü hapa yaongü Khrista.

SHAHKÜP 10:18

Büpai hashihha hatü vaümnyü khüambaknyeih hatü lakeiloipü shennyakthü kü bamnyeih hatü jom kü hahying hatü ashakviha shuohnyüpeih.

SHAHKÜP 32:15

Jakobi moh-eileyei hahteke, Jeshurun nitteke hatü khüei yaongteke. Jom hahyingi moh-ei nitteke, jomi jom lingpü Kahvang tuhphong, hatü jom yemleipü Yaong yaktük.

SHAHKÜP 32:18

Am bühpü paümpü Yaong ammi yakphong, am kü yangnyu shuohpü Kahvang betük.

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

JAKOB 4:12

Yanghen aokpü hatü mahtükhen aokpü shahkung shuohbü hatü shahphenbü hük nyüke. Shejema laophülei chingyowpalei shahphenhen am üpaang?

1 PETER 2:6

Laihingi ha enyüke: “Veituh, ngei Zionlei jetükpü, hatü douvang yaong hük tuhnyeih, hatü üpai büpa kü hinglem, mechemao veü neponghen.”

1 SAMUEL 2:2

Shembüpa keiha daülangpü üpayao neshiü; nüng mü lenpü üpayao neshiü; Jenei Kahvang kei Yaong üpayao neshiü.