SHAHKÜP 32:39 - DAÜLANGPÜ LAIHING (BSI)

³⁹ Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

SHAHKÜP 32:39 Iomraidhean Croise

2 ONGPATHÜ 20:5

“Nüng nyokei leituh, hatü ngelei nanglakthü mübü Hezekiah kü hei etuh, ‘Shembüpa, ambü Davidei Kahvangi hapakei enyüke: Nüngi phoppü ngei dantepih, hatü nüngei mükphi ngei eetepih; ngei nüng meihühen hih. Nyih jempabü kü nüngi Shembüpalei shemei aonghen.

2 ONGPATHÜ 5:7

Mechem Israel ongpai hapa lai iepa, büpai laophülei büm-ow shaaktü, “Ngeiyü Kahvang je? Ngei mih jütü yangei leishih-aokhen je? Mehekei hapa shennyaki ngomdin kohpü shennyak meihütuh shei shah shompa? Büpayü ngei mü hokhen lem yemhen khenyu khih” shei e.

NEHEMIAH 9:6

Nüng monha Shembüpa, nüngi vangshothü hatü vangsho lithilenthü, kahdoknyü hatü ha shak kü nyupü peü, yungching hatü halei nyupü peü lingpeih. Nüngi hathü peü kü yangnyu shuoh, hatü vangshothüi nüng kü khümnyüke.

JOB SHAHSHA APPÜ 10:13

Shejao hathü nüngi nüngei mongei joei tuhlang. Hapayü nüngei mükhong khih shei ngei nyingpeih.

JOB SHAHSHA APPÜ 10:7

Ngei pungei neshiü shei nüngi nyingei nyüke, hatü nüngei lak kübü üpaiyao ngei neyangaokpih shei nüngi nyingei nyüke.

JOB SHAHSHA APPÜ 5:18

Mehenangkü büpai kaw shahünyeih, hatü büpai ma yahhünyeih, shejao büpalei laki-üng hameitüknyeih,

MENVIH KESHO 102:27

Shejao nüngü den kü aihük, nüngei bongthü dohpü neshiü.

MENVIH KESHO 102:28

Nüngei chongphobülei hapeüthü yangei nyuhen; jomei hühihathü nüng nyushingei chonglingei nyuhen.

MENVIH KESHO 18:31

Shembüpa mü nyeiyei Kahvang üpa nyüpa? Jenei Kahvang mü lenei üpa yaongnyü nyüpa?

MENVIH KESHO 50:22

Ha deihtuh, am Kahvang betükpüthü, hei nevaijema üpaiyao yanghen neshiüi ngei khihmü shaaktükhen.

MENVIH KESHO 51:8

Ngei mongongmonglepü jung bangshah; nüngi ngümtükpü vangtaothüao mongonghütuh.

MENVIH KESHO 68:20

Jenei Kahvangü jen yemleipü Kahvang. Dipü kübü yanghenü Shembüpa, jenei Kahvang leipü peinyeih.

MENVIH KESHO 86:10

Mehenangkü nüngü longpü, hatü thamapü douthü düknyüke; nüng monha Kahvang.

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

MÜLANGPÜ 4:7

Hahepak kü Shembüpai, “Shao nüngei lak ashak mongei thutuh” shei e. Hanangkü büpai büpalei lak ashak mongei thuteke, hatü mechem büpai lak aokei ngaipa, büpalei lebü hangshuw kei meidaitü chongjateke.

CHONGVENBÜ 3:3

jühen hepak hük, hatü hapa meihühen hepak hük; bentükhen hepak hük, hatü hapa linghen hepak hük;

ISAIAH 19:22

Shembüpai Ijip am kü cham peihüei tok shuohhen; büpai jom kü tok shuohhen hatü meitükhühen. Jomi Shembüpa touei lepei leihen, hatü jomi phoppü büpai danhen hatü jom meihühen.

ISAIAH 30:26

Mechem Shembüpai laophülei nanglakthülei makaw thünghen, hatü büpai ma yahhüpü makaw meihühen; hapa nyih lennyü vanghenyü kei khanghen, hatü vanghenyü-ü nyih nyet helushoei hepü keiha shing nyet nyahen.

ISAIAH 41:4

Üpai hapa dükei heihpa? Üpai büshah tuhhen hannya? Ngei, Shembüpa chongpangpülei nyupeih, Ngei, Shembüpa dohpü thahshi nyukahen.

ISAIAH 43:10

Amü ngelei denbüthü, ammi ngei nyinghen, hatü hinglemhen, hatü ngeiyü Kahvang shei nyinghen shingvaishi ngeijepü ngelei chongphobüthü shei Shembüpai enyüke. Ngei mü lenei üpa kahvangao nenyuham, nevaijü ngei mü üpa kahvangao nechongkahen.

ISAIAH 43:12

Mehe vamhen ngei ha am kü tetei e, hatü am kü sheühpeih. Ngei mü lenei lebü kahvang am mü nenyuangpih. “Amphongü ngelei denbüthü” shei Shembüpai enyüke.

ISAIAH 43:13

Ngeiyü Kahvang, hatü aivang den mebü nedoh-i “Ngeiyü Büpa” nyukahen. Ngelei lakmong leipü üpayao yanghen neaok; ngei mehe dük, ha üpaiyao yeiyanüng neaok.

ISAIAH 45:18

Shembüpai hapakei enyüke: Üpai vangshothü lingpa, büpayü Kahvang; Büpa, üpai kahdoknyü shükpa, hatü lingpa, büpai ha lingpeih; Büpai hapayü kong mü tuhhen nelingangpih, shejao halei hangkuli nyuhen nangkü lingpeih. “Ngeiyü Shembüpa, lebü Kahvang neshiü” shei büpai enyüke.

ISAIAH 45:22

Ngei touei mong lepei leikei, hatü yemleipü yahtuh kahdoknyü hangkuli peü! Mehenangkü ngei mon Kahvang, hatü lebü üpayao neshiüpih.

ISAIAH 45:5

Ngeiyü Shembüpa, hatü ngei keipü lebü neshiü; ngei mü lenei Kahvang neshiü. Nüngi ngei nenyingjao ngei nüng wong kohhühen;

ISAIAH 46:4

Ngei ammei Kahvang hatü am viüei shosho pungpü thahshi ngei am junghen. Ngei am lingpeih, hatü ngei am kü junghen; Ngei am kü sheühhen hatü yanghen.

ISAIAH 48:12

Ngei nyüklangpü, Oh Jakob, hatü Israel, ngei epü bangtuh: Ngeiyü Kahvang; Ngeiyü chongpangpü hatü dohpü.

EZEKIEL 37:12

Hanangkü teteivanei hathü kü Shembüpai hapakei enyüke shei etuh: “Ngei ammei mahngchongthü aphen, hatü am mahngchong leipü paohühen, Oh ngelei nanglak, hatü ngei am Israel kahdokei müei leihen.

EZEKIEL 37:3

Büpai ngei kü, “Shennyak ha, hathü vangtao yem leikahen aoküla?” shei pheteke. “Oh Shembüpa, nüngi-üng nying” shei ngei jangei e.

HOSEA 5:14

Mehenangkü ngeiyü Ephraim am tou kü mailang hük keiha, hatü Judah am touei mailang longpü kei nyuhen. Ngei jom khih mü shaaktüktü lüdaihen, Mechem ngei jom shüei daihen, üpaiyao jom neyangaokhen.

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

MIKA 5:8

Jakob nanglak aopüthüyü jatthü chi kü, nanglak longi chi kü, phaüyem chi kü mailang hük keiha; mithü khong kü mailang cheha kei jom kü laongei shükhen, hatü bhin mü bhin mü shaaktükhen, hatü üpaiyao jom neyanghen.

JOHAN 8:24

Ammei mang kü am dihen hih shei ngei am kü etepih; ammi ngeiyü büpa shei hingnelempü thahshi amphongü ammei mang kü dihen” shei e.

SHAHKÜP 32:12

Lebü kahvang leipü sheühpü neyah-i Shembüpa moni büpalei nanglakthü mülangteke.

SHAHKÜP 4:35

Shembüpayü Kahvang; büpa kei lebü üpayao neshiü shei am kü nyinghühen shingvaishi Shembüpai am kü hapa hupeih.

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

HEBREW 1:12

ashak kei nüngi jom dütükhen, hatü ashak kei ow yeiyadaihen, Shejao nüng düngei lakshing, hatü nüngei bongthü nekemdaihen.”

SHAKEI VAMPÜ 1:11

“Nüngi mehe eenya, ha lai hük kü nyangtü attoi nyet, Ephesia, Smyrna, Pergamum, Thiatira, Sardis, Philadelphia hatü Laodikea touei shomtuh” shei eyei dan.

SHAKEI VAMPÜ 2:8

Smyrna kübü attoi leipü phongshan kü nyangtuh: Hathüyü chongpangpü hatü dohpü, üpa di hatü yangei lei, büpalei shahthü:

1 SAMUEL 2:6

Shembüpai jünyeih hatü yangei leishihnyeih; büpai mahngchongei müei yünyeih, hatü yangei leishihnyeih.