SHAHKÜP 32:35 - DAÜLANGPÜ LAIHING (BSI)

³⁵ Bhüh yempeyü ngelei, ngei hapa bhüh yemhen, Jom dodaihen hepak ngoikahen; Mehenangkü jom shangponghen nyih ngoikünyüke, jom dihen lomi peikünyüke.

SHAHKÜP 32:35 Iomraidhean Croise

KAHBHAO 4:23

Lamekh-i chenyüha kü e, ngelei shah bangtuh; Lamekhei nyüha nyi, ngei mehe enya, bangtuh: Ngei kü ma yahphopü nangkü, ngei shennyak hük jütepih. Ngei kü bheiphopü nangkü ngei nethe hük jütepih.

2 SAMUEL 22:48

Büpayü ngei aokpü danghüpü Kahvang; hatü jatthü ngelei la phangei tuhpeih.

2 ONGPATHÜ 9:7

Nüngi nüngei shembü Ahab am shem jütükkemtuh, hatü ngei ngelei chongphobü thibüthü, hatü ngelei lebü chongphobüthülei iy Jezebel homei yenhüpü bhüh yemhen hih.

MENVIH KESHO 94:1

Oh Shembüpa, nüngü bhühyempü Kahvang, nüngü bhüh yempü Kahvang, nüngei müknyinshekhang nyahütuh.

MÜLANGPÜ 32:34

Shaang, nüng leituh, hatü ngei nüng kü epü shingei nanglakthü müei daituh, hatü ngelei vangsho phongshan am shekü shongkahen. Shejoongpa, mechem hepak ngoihenshang ngei khüei mang thahpüthü jomei mang nangkü hanghihühen” shei eteke.

KANDOK 4:19

Nemeipüthülei lemü shangmang vangnyak monha, jom mepa kü huluh shuohnya, nenyingnyu.

ISAIAH 13:22

Haleipü shem adokei shuwthüi, hatü ongshemthülei mahuthüi changtei changteitü vaühen. Babylon mahhen nyih ngoiteke; pinnyü nyih lushi nenyuhen.

ISAIAH 5:19

Jeni eehen shingvaishi Shembüpai dükhen shei epü douthü shülangi nyingshah shei epüthü onyükei!

ISAIAH 60:22

Peü mü maanpü phangi wong kohpü jat, hatü maanpü shemdepi jat longpü leihen. Ngeiyü Shembüpa; mechem hepak ngoihen, ngei lomi hapa dükhen.

ISAIAH 8:15

Jom longi huluh shuohtü dohen, hatü ngümtükhen; jomphong taikam kü mantü yah-ei lüdaihen.

JEREMIAH 13:16

Büpai vangnyak koei peikü shekü, hatü vangngai pibom kü nüngei la-i kahshangthü kü huluh shuohhü shekü, Shembüpa, ammei Kahvang kü müknyinshekhang shuohtuh. Mechem nüngi vangngai kü veihen, büpai shangmang hatü vangnyak leitüknyeih.

JEREMIAH 20:11

Shejao Shembüpayü ngei mü wong kohpü hampa kei nyüpeih; hanangkü ngei kü shüveipüthü huluh shuohhen hatü aokpü nedanghen. Jomi neaokhen hatü hingmei veü ponghen. Jomei veü mechemao nebehen.

JEREMIAH 23:12

Hanangkü jomei lemü vangnyak lemnyü kei nyuhen, hapa kü jom changei deiyei dohühen. Jom shanghahpü bong kü ngei jom kü vongshüh koei peihen shei Shembüpai enyüke.

JEREMIAH 51:56

Babylon khüei vepathü peikahen; Pinnyülei veshanthü yepei lüdaihen, hatü jomei lahhan bhagdaihen. Mehenangkü Shembüpayü mang kü shüveipü Kahvang; büpai lomei ha kü shemhen.

JEREMIAH 6:21

Hanangkü Shembüpai hapakei enyüke: Veituh, ngei hapa nanglakthü khüei huluh yaong haüphongnyeih; jomi ha kü huluh shuohtü dohen; nyühipa, hashih naüha hatü chingyow, hatü küphüthü chemi mahhen.

JEREMIAH 8:12

Jomi veüshi düknyüke, hatü jiühitnalai mang thahnyüke, shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

EZEKIEL 7:5

Jeiyong Shembüpai hapakei enyüke; Vongshüh hük pheikü hük am touei peikünyüke:

HOSEA 13:12

Ephraim amei mang jaoshi nyüpeih, büpalei mangü nyangei jaoshi nyüpeih.

LEVI 19:18

Ammi bhüh teyem, nevaijü laophülei nanglak hük eela-ei te-e, shejao nüngi laophü kü kei laophülei chingyowpa kü bamtuh. Ngeiyü Shembüpa.

NAHUM 1:2

Shembüpayü mükhakpü, bhüh yempü Kahvang nyüke; Shembüpai bhüh yemnyüpeih, hatü mongshih maei nyüpeih. Shembüpai büpalei vepathü khüei bhüh yemnyeih, hatü büpalei vepathü khüei mongshih jaoei tuhnyeih.

NAHUM 1:6

Büpa mongshihjü üpa yaongaokhenang? Büpa nemei-i mongshihpü üpai nenaokhenang? Büpa mongshihpü awlom kei vamnyüke; büpa tou kü yaongnyüthüao bhihla kei nihdainyeih.

HABAKKUK 2:3

Mehenangkü ittükpü hepak shingvaishi shao-üng manghkhang hük nyüke; Hapayü dohpütenpü nang enyüke; hatü ha shahshem nevai. Hapayü pheidaijoong dantuh, hapa hingmei jiüshasha, nepheidaipih.

ROM SHAHSHA APPÜ 12:19

Ngelei küphüthü, am nyingi bhüh teyem, shejao Kahvang mongshihpü kü shing tuhphongtuh; mehenangkü ha nyangei nyüke, “Bhüh yempeyü ngelei; ngei ha kü shemhen shei Shembüpai enyüke.”

ROM SHAHSHA APPÜ 13:4

Mehenangkü büpayü am meihen shingvaishi Kahvang chongphobü nyüke. Shejao ammi nejiüpü dükjema, ammi nyemtuh; mehenangkü vanglem lempü ami angsha kü yanlu nenonyih. Nejiüpü dükpü am kü mongshih vamei hanghi shuohhen Kahvangei chongphobü nyüke.

SHAHKÜP 32:43

Büpalei nanglakthü mü mongongtuh, Oh jatthü; Mehenangkü büpai laophülei nanglak mahpü bhüh yemhen; Büpai vepathü kü bhüh yemhen, hatü büpai laophülei nanglakei mang tükhen.

HEBREW 10:30

Mehenangkü, “Bhüh yempeyü ngelei, ngei ha kü shemhen.” Hatü shao, “Shembüpai laophülei nanglakthü shahphenhen” shei üpai e, ha jeni nyingei nyüke.

1 PETER 2:8

Shao lebü lai kü hapakei enyüke: “Jom huluh shuohhüpü yaong, hatü jom dohüpü yaongnyü-ü hapa hih.” Jom huluh shuohpeih; mehenangkü jomi ha shah nebang; jomi hapa dükhen demtükpü am nyuteke.

2 PETER 2:3

Jom hahnempai jomei lupülempü shahthüi am leipü thüei jom nanglei danghen. Jom khüei shahphenhen shelei mebü temei nyüke, hatü jom mahtükhühen Hük shishi nenyu.

1 SAMUEL 26:10

Davidi, “Vanyangyem Shembüpai jütükhen, nevaijü büpalei hantet ngoiyei dihen nevaijü vehok kü daiyei mahdaihen.