SHAHKÜP 32:25 - DAÜLANGPÜ LAIHING (BSI)

²⁵ Chingyangshong kü yannah-i jom hahimoi neshiüi leihühen, awdep shemong kü nyempü hanpai mahühen, nethe nela hatü amma naü, hatü shosho pungdaipü peü mahkemhen.

SHAHKÜP 32:25 Iomraidhean Croise

2 ONGPATHÜ 7:5

Hanangkü pibom kü jom Aram amei baümtapei aong. Shejao mechem jomi baümtap jung phihük ngoipa, halei shennyak hükao nenyuja;

2 SHÜPPÜKENGPÜ 36:17

Hanangkü büpai jom khüei Babylon ongpa vamhü, hatü büpai jomei daülangpü shemei thehila yani mahhü; hatü büpai nephahji-i thehila, viüdaipüthü nevaijü nekam neyaongaokpüthü peü büpalei lak kü shuoh.

ISAIAH 30:16

“Hami koyei kü uotü nyaihen” shei epü nangkü, ami hapakei-üng nyaihen! “Hami longi la shangshi mokpü koyei kü nyaihen hih” shei ammi epü nangkü am kü changpüthüao longi la shangshi nyukahen.

JEREMIAH 44:7

Shaang Shembüpa, Jeiyong Kahvang, Israel Kahvangi hapakei enyüke: Judah leipü baha, nyüha hashih naüha jütüktü lihila netuhhen mü mehekei am nyingi henüng keipü shanghah vongshüh koei peihahnya?

JEREMIAH 44:8

Ammei lakdoui hatü am nyupü Ijip kahdokei lebü kahvangthü kü moila shuoh-ei mehekei ngei mongshihhünya? Am laophü nying mahhen, hatü kahdoknyü jatthü peü touei thaüvaü hatü eelatükpü dou hük leihen.

JEREMIAH 9:21

Dipü jenei ümha shadenei peiteke; hapa jenei ongshemei shüteke; hapai chingyangshong leipü hashihthü jütükhen, bhei leihshing leipü nethethü mahtükhen.

YOUNG LAI 1:20

Oh Shembüpa, ngei meshük ponghahnya, veituh; Ngelei mongkü tüngnyüke, Ngei nüng khüpü nangkü, chingyangshongei jüteishangtei, shemongei dipü mahpü mon nyüke.

YOUNG LAI 4:4

Aeipülepai chehathüyü yei aongei shaapdok kü khadai; Chehathüi het yünyüke, shejao üpaiyao jom kü hahying neshuohnyu.

EZEKIEL 7:15

Chingyangshongei depülaopü, shemongei cham hatü shaühile-i maei nyüke. Kahlei phaülei nyupüthüi yani mahhen, chingnyülei nyupüthü cham hatü shaühile-i dikemhen.

HOSEA 11:6

Jomei chingnyüthü kü yan vamhen, hatü jomei küpjanthü dohtükhen.

HOSEA 9:12

Jomi hapeüthü bühlangmao, ngei jom hashih shihphonghen. Mechem ngei jom yakphonghen, jomü onyükei shei ponghen.

HOSEA 9:16

Ephraimü kaodaiteke, jomei tünglang vandai, jom betjük nejükhen. Jomi hapeüthü bühjao jomi vaüpü moihiyangthü ngei jütükhen.

LEVI 26:25

Vangpüshuwpü mangtükpü shingvaishi bhüh hahhen ngei vehok koei peikahen, hatü ammei chingnyüthü mongei yanglem yemei thaiyei küpshi nyulangmao ngei am touei nemeiaokbenüng dinten shuohhen, hatü ammei vepathülei lak kü lanei shuohtükhen.

MIKA 6:14

Ammi hahhen shejao shümoh nemeihen; ammei shünyü aeipai kongmü nyuhen. Ammi thaiyei yoei tuhhen shejao ne-angaokhen, mehe ammi yoei tuhhen, ha ngei vehok kü mahtükhen.

2 KORINT 7:5

Mechem ham Macedonialei peipa, hamei büm nyiumei kü nenyu, shejao hamphongi lem peü philei shangpongpeih– shakei dehilao, mongei nyempü nyupeih.