SHAHKÜP 32:2 - DAÜLANGPÜ LAIHING (BSI)

² Ngelei nyuhpü venpü vang keiha keikahen, hatü ngelei shahthü nyien keiha vükahen. Ngelei shah-ü phenni kü vanglah haipükei, hatü sheili bhao kü vang keipü keiha nyukahen.

SHAHKÜP 32:2 Iomraidhean Croise

2 SAMUEL 23:4

büpayü phum neshiüpü nepnüng vanghela vangngai le-angpeih.

MENVIH KESHO 65:10

Nüngi han hoktükpü kahdok kü yung changshi shomnyeih, hatü kahdok pha jiühünyeih; yungi hathü inhütü sheili longhünyüke.

MENVIH KESHO 72:6

Ongpayü kah kü vang keipü keiha, hatü kahdok kü vanglah haipü keiha nyuhen.

KANDOK 4:2

Mehenangkü ngei nüng kü nyingpü meipü shuohnyüpeih; hanangkü ngei nyuhpü teyaktük.

HOSEA 14:5

Ngei Israel am kü nyien kei nyuhen; büpa yangkheihchü kei punghen, Lebanon leipü cedar pü keiha büpa tünglang yiühen.

HOSEA 6:4

Shejao Shembüpai enyüke, Oh Ephraim hatü Judah, ngei am kü mehe dükhen? Ammi bampeyü dhom hepak kü nyaü hatü nyien kei lomi mahdainyüke.

AMOS 7:16

Hanangkü shaang Shembüpai mehe enya, ha bangtuh. “Nüngi Israel am khüei thihivam shah te-e; Isak am phang khüei chongteven” shei enyüke.

MIKA 5:6

Jomi Assyria kahdok yanlui, hatü Nimrodei kahdok kü yanlu haongtü vanglem lemhen. Mechem jom jenei viong thahshi peihenshang, büpai jen Assyria am lak kübü yanghen.

MIKA 5:7

Jakob nanglak aopüthüyü shennyak longi khongkü Shembüpai shompü nyien kei nyuhen, hatü shennyak hangku danei nenyupü phenha shang kübü vanglah kei nyuhen.

ZEKHARIAH 10:1

Bang hepak kü SHEMBÜPAleipü vang yütuh; Phumi vang leihüpeyü büpa nyüke. Büpai hangkuli kü vang shuohnyüke, hatü peüei kah kü sheili kohhünyüke.

HEBREW 6:7

Düngei keipü vangyung yingpü kahdoki kahling am kü jomi napü hahying vamhüpai Kahvangei moihiman danghünyeih.