SHAHKÜP 32:12 - DAÜLANGPÜ LAIHING (BSI)

¹² Lebü kahvang leipü sheühpü neyah-i Shembüpa moni büpalei nanglakthü mülangteke.

SHAHKÜP 32:12 Iomraidhean Croise

NEHEMIAH 9:12

Nyihnüng nüngi jom phum shemnyüi mü, hatü yanüng nüngi jom dailem kü aw shemnyü shuoh.

JOB SHAHSHA APPÜ 15:19

Kahdokü jom kü mon shuoh, hatü halei jom lemnyong kü mülanghen mü yenthüng nepeih.

MENVIH KESHO 136:16

büpai jahpan homei laophülei nanglak mülangpeih, büpa bampü den kü nyunyeih;

MENVIH KESHO 27:11

Nüngei lem hushih, Oh Shembüpa; vepathü longi nyupü nangkü ngei yanglemei mülangtuh.

MENVIH KESHO 78:14

Nyihnüng büpai jom phumi mühü, hatü yanüng vangngai awi mühüteke.

MENVIH KESHO 80:1

Hami epü banglangshih, Oh Israel Mi Yombü, mi khong keiha Joseph müpüba! Cherubim ong uoshing kü uopü nüngi;

MENVIH KESHO 81:9

Am touei lebü kahvang ne-anghen vongbong; ammi mih-ei kahvang kü tekhüm.

ISAIAH 46:4

Ngei ammei Kahvang hatü am viüei shosho pungpü thahshi ngei am junghen. Ngei am lingpeih, hatü ngei am kü junghen; Ngei am kü sheühhen hatü yanghen.

ISAIAH 63:14

Mohohthü kahjishongei müei yiüpü keiha, jom kü Shembüpalei laanghai nyiushemmei shuohpeih. Hapa keiha nüngi laophülei men müknyinshekhanghühen shingvaishi nüngi laophülei nanglakthü mülangpeih.

HOSEA 11:4

Ngei hangku kü yahyang shinshangei bampü nangkü vü-i shentü mülangpeih, Ngei jomei bhagchong kübü püdü nolangpeih, hatü aümei shaei jom kü ühyingpeih.

SHAHKÜP 1:31

Büpai laophülei hapeü müpü keiha Shembüpa, ammei Kahvangi lemyang kemei kü hapa shing thahshi müteke.

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

SHAHKÜP 4:35

Shembüpayü Kahvang; büpa kei lebü üpayao neshiü shei am kü nyinghühen shingvaishi Shembüpai am kü hapa hupeih.

SHAHKÜP 4:39

Kahdok hatü vangsho kü Shembüpayü Kahvang; büpa kei lebü neshiü shei shinnyih ammei mongkü nebetüki tuhtuh, hatü nyingtuh.

JOSHUA 24:17

mehenangkü hamei bühipa Ijip kahdokei aa laphen kübü hamei müki eeshi yashanyale longi düktü müei leipeyü Shembüpa, hamei Kahvang hih. Ham daipü lemyang kemei kü, hatü hami peih-ei daipü nanglakthü kübü büpai ham yangpeih;