SHAHKÜP 31:6 - DAÜLANGPÜ LAIHING (BSI)

⁶ Am wongkoh monglongtuh. Ammi jom kü tenyem nevaijü tehan; mehenangkü Shembüpa, ammei Kahvang am mü daikahen; büpai am netuhphongpih.”

SHAHKÜP 31:6 Iomraidhean Croise

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

KAHBHAO 28:15

Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

2 SAMUEL 10:12

Am wong kohtuh, hatü jenei nanglak hatü jenei Kahvangei chingnyüthü shingvaishi monglongshi hokshah; Shembüpai mehe büpa kü mei, ha dükphahen” shei e.

1 ONGPATHÜ 2:2

Sheyü ngei didaihen hepak ngoiteke, “Nüng wong kohtuh hatü monglongtuh,

1 ONGPATHÜ 6:13

Ngei Israel nanglakthü mü nyuhen, hatü ngei jomphong netuhphongpih” shei e.

1 ONGPATHÜ 8:57

Shembüpa jenei Kahvang, jenei bühipa mü nyupü keiha jen mao nyukahen; büpai jen netuhphongpih nevaijü neyakphongpih.

1 SHÜPPÜKENGPÜ 22:13

Israel am shingvaishi Mosa homei Shembüpai shuohpü shahkung hatü vanglemthü kenhingei dükjema nüngi aokpü danghen. Nüng wong kohtuh hatü monglongtuh. Nüng tenyem nevaijü mongtemaan.”

1 SHÜPPÜKENGPÜ 28:10

Hanangkü nüng kenhingtuh; mehenangkü daülangpü shem hük vehen Shembüpai nüng jeteke; nüng wong kohtuh hatü dou düktuh” shei eteke.

1 SHÜPPÜKENGPÜ 28:20

Davidi cheha Solomon kü, “Wong kohtuh hatü monglongtuh hatü dou düktuh. Nüng tenyem nevaijü mongtemaan; mehenangkü Shembüpa Kahvang, üpa ngei chongphonya, büpa nüng mü nyüke. Hapa Phopshem dou mangtem thahshi büpai nüng kü neshaiphapih nevaijü netuhphongpih.

2 SHÜPPÜKENGPÜ 32:7

“Amphong wongkoh monglongtuh. Ammi Assyria ongpa hatü büpa mü nyupü veshan khongnyü eeyei am tenyem nevaijü mongtemaan; mehenangkü büpa mao nyeipü hük jen mü nyüpeih.

MENVIH KESHO 27:1

Shembüpayü ngelei vangngai, hatü ngei yemleipü; ngei üpa kü nyemhen? Shembüpayü ngelei yangnyu loishing; ngei üam kü nyemnüng?

MENVIH KESHO 27:14

Shembüpa omdantuh, wong kohtuh, monglongtuh, Shembüpa omdantuh.

MENVIH KESHO 94:14

Mehenangkü Shembüpai laophülei nanglak netuhphonghen; büpai laophülei mükjüp neyakphonghen.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

ISAIAH 51:12

Ngeiyü am nyiushem meihüpü Shembüpa, Didai mahdaihen hangku kü mehekei ammi nyemnya? Jomü phenha kei kaudaihen shennyakthü mon.

JEREMIAH 1:8

Nüngi hathü kü tenyem; mehenangkü ngei nüng mü nyüpeih, hatü nüng yanghen” shei eteke.

JEREMIAH 32:40

Ngei jom kü doumei dükpü nedohhen, jom ngei toueipü nelüdaihen nangkü ngei jom mongdhüng vamhühen.

HAGGAI 2:4

Shejao shaang wong kohtuh, Oh Zerubbabel, monglongtuh Jehozadakei cheha Joshua ngongchong; kahmük kü nyupü nanglakthü peü monglongtuh” shei Shembüpai enyüke. “Dou düktuh;

ZEKHARIAH 8:13

Oh Judah hatü Israel phang, jatthü khongkü am thaüvaütükpü jat nyuteke, shejao ngei am yanghen, hatü amü moihimanpü hük vaihen. Tenyem, shejao monglongtuh.”

BHEI-IE 13:20

Kahdok kü kahcheü nyüla, pünyü vunglong nyüla veituh. Hapa kahdok leipü betjük vaümei leikei.” (Hapayü shongpü nyalingngupai shümpü hepak shiüteke.)

BHEI-IE 13:9

Benjamin kü Raphulei cheha Palti;

BHEI-IE 14:9

Shembüpa khüei mon teyaongkei, hatü hapa kahdok leipü shennyakthü kü tenyemkei; mehenangkü jeni jom neüaokshasha hih. Shembüpa jen mü nyüpeih, hatü jom yangpü jomei kahvangthü neütükteke; hanangkü tenyemkei” shei eteke.

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.

1 KORINT 16:13

Thashimashi nyutuh, vaipü kü wong kohshi yaongtuh, am monglongtuh hatü wong kohtuh.

EPHESIA 6:10

Shompülei, Shembüpa kü hatü büpalei ngan kü wong kohtuh.

SHAHKÜP 1:21

Veituh, Shembüpa, ammei Kahvangi hapa kahdok am kü shuohteke. Aongtuh hatü Shembüpai ambü ampa amei Kahvangi am kü epü keiha hapa kahdok yahtuh. Am nyemei hanei tenyu” shei eteke.

SHAHKÜP 1:29

Shejao ngei amphong kü, “Jom kü tenyem” shei etepih.

SHAHKÜP 11:8

Amphongi Jordan yungyen homei hapa kahdok yah-aokhen shingvaishi,

SHAHKÜP 20:1

Mechem amphongi ammei vepathü mü hoknüng daihen hatü koyei, koyei kharithü hatü veshanthü am mü nyeishi eehenshang, ammi jom kü tenyem; mehenangkü Ijip leipü am müei leipü Shembüpa, ammei Kahvang am mü nyukahen.

SHAHKÜP 31:23

Hahepak kü Shembüpai Nunei cheha Joshua kü, “Nüng wongkoh monglongtuh; mehenangkü ngei jom kü lahpü kahdokei nüngi Israel am müei daihen hatü ngei nüng mü nyukahen” shei e.

SHAHKÜP 31:7

Hahepak kü Mosai Joshua kü nyükei Israel am peü nyushi eteke, “Nüng wongkoh monglongtuh; mehenangkü Shembüpai jom kü shuohhen shei jomei chebü chepa kü lahpü kahdokei nüngi nanglakthü müei daihen, hatü nüngi jom kü mükjüp vaishi haneishuoh.

SHAHKÜP 31:8

Shembüpa, büpa nyingi am shekü daihen hatü am mü nyuhen; büpai mechemao am netuhphonghen. Hanangkü am tenyem, tehan.”

SHAHKÜP 4:31

Mehenangkü Shembüpa, ammei Kahvangü phahjipü Kahvang nyüke; büpai am netuhphonghen nevaijü nemahtükhen, hatü büpai ammei bühipa mü vangtükpü nebetükhen.

SHAHKÜP 7:18

Shejao jom kü tenyem; Shembüpa, ammei Kahvangi Ijip ongpa Pharaoh hatü nanglakthü kü mehe dükshuohpa ha meishi deihhahtuh.

2 TIMOTI 2:1

Nüng, ngelei hapeü, Jisu Khrista kü nyupü phahji kü wong kohtuh;

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

JOSHUA 1:9

Nüng wongkoh monglonghen shingvaishi ngei nüng kü etepih. Nüng tenyem nevaijü mong temaan; mehenangkü Shembüpa, nüngei Kahvang nüng dailem peü kü nyukahen.”

JOSHUA 10:25

Hahepak kü Joshua-i jomphong kü, “Am tenyem nevaijü tehan. Am wongkoh monglongtuh. Ammi hokpü vepathü peü kü Shembüpai hapakei mon dükhen” shei e.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

1 SAMUEL 12:22

Mehenangkü Shembüpai laophülei nanglak büpalei men longpü men kü neyakphongpih; mehenangkü amphongü büpalei nanglak leihühenü Shembüpai monghahpü dou hih.