SHAHKÜP 30:9 - DAÜLANGPÜ LAIHING (BSI)

⁹ Shembüpa, ammei Kahvangi ammei lakdou lemphü kü dahüshehühen, ammi hapeü longi bühhen, yemhimak longi anghen hatü ammei kah kü hahying longi vamhen. Shembüpai ammei bühipa kü dahüshehühen mongpü kei büpai amphong dahüshehühen mongonghen.

SHAHKÜP 30:9 Iomraidhean Croise

ISAIAH 62:4

Am kü hajük kü, “Yaktükpü am” nevaijü ammei kahdok kü, “Lavüngtoipü” shei nenyükhen; Shejao ngei amphong kü, “Hephzibah” hatü ammei kahdok kü, “Beulah” shei men ja menhen. Mehenangkü Shembüpai am kü mong hahhen, hatü ammei kahdok shem yemhen.

ISAIAH 62:5

Nethe hüki nela hük mü shem yempü keiha, am Lingbüi am mü shem yemhen. Doidainyüi laophülei baha mü mongongpü keiha, ammei Kahvangi am mü mongonghen.

ISAIAH 65:19

Ngei Jerusalem kü mongonghen, hatü nanglakthü kü mongmeihen. Hajük kü halei theppü hatü vaüpü eepü ngeü nedanhen.

JEREMIAH 31:27

Ngei Israel hatü Judah phang kü hangku hatü yemhimak li chemi haihen hepak ngoikünyüke shei Shembüpai enyüke.

JEREMIAH 31:28

Ngei jom bhitükhen, vütükhen, yaktükhen, mangtükhen hatü shanghah koei peihen lishi dükpü keiha jom linghen hatü sheihenao lishi dükhen.

JEREMIAH 32:41

Ngei jom kü doumei dükpü kü mongonghen hatü ngelei mongdang hatü laangha kempai hapa kahdok kü jom hingmei sheiphonghen.”

JEREMIAH 33:9

Kahdoknyü jatthü peü touei hapa chingnyü homei ngei kü mongongpü men, vihpülüpü hatü müknyinshekhang koei peihen hatü ngei jom kü dükshuohpü doumei jomi danhen; hatü ngei hapa kü dapüshepü chingmeivangmei shuohpü nangkü jom nyemei kheühen.

LEVI 26:4

ngei hepak vangpan jiüshi vang shomhen, hatü kahdoki sheili vamhühen, hatü kah kübü betjük püthüi betjük jükkahen.

LEVI 26:6

Ngei ammei kahdok kü chingmeivangmei shuohhen hatü am lakbowlayangei nyuhen; üpaiyao am nenyemhühen: Ngei kahdok kübü meishih nyahmang nüngtükhen hatü ammei kahdok kü vehok nevamhühen.

ZEPHANIAH 3:17

Shembüpa, ammei Kahvang amphong mü nyüke, büpa kü am yanghen wong nyüke. Büpai am kü mongongpü longpü nyuhen, Büpa bampü kü büpaiam kü yangnyu ja lingphahen, Büpai am shak kü mongong longpai mohitap kü kei kesho lokhen.

LUK SHAHSHA APPÜ 15:32

Shejao jeni mo hah-ei mongongshah; mehenangkü nüngei naüpeü didai-i nyuteke, hatü yem leiteke; büpa mahdai-i nyuteke, shejao dangteke” shei e.

JOHAN 15:11

Ngelei mongong am kü nyuhen hatü am mongongpü changhühen shingvaishi ngei hathü am kü epeih.

SHAHKÜP 28:4

Shembüpai am kü hühiha, hahying hatü yemhimak, mohoh, mi moihimanphahen.

SHAHKÜP 28:63

Shembüpai am dahüshehühen mongongpü keiha büpai am mahtükhenao mongonghen. Amphongi yahhen kahdok kübü am bhitükhen.

SHAHKÜP 30:8

Amphongi shao Shembüpalei ven danhen hatü shinnyih ngei am kü shuohpü büpalei shahkungthü noteihen.

SHAHKÜP 7:14

Nanglak üamiyao am kei moihiman nedanghen; ammi baha nevaijü nyüha hapeü neshiüi nevaijü ammei yemhimak mepaiyao cheha neshiüi nenyuhen.