SHAHKÜP 30:7 - DAÜLANGPÜ LAIHING (BSI)

⁷ Shembüpa, ammei Kahvangi am kü jiühitpü hatü shüveipü vepathü kü thaüvaü kemei shuohhen.

SHAHKÜP 30:7 Iomraidhean Croise

MÜLANGPÜ 23:22

Shejao büpai epü kü ammi kenhingei bangjema, hatü ngei epü dükjema, ammei vepathü kü ngei vepa vaihen, hatü ngei ammei vepa khüei hokhen.

ISAIAH 10:12

Mechem Shembüpai Zion Kahshang hatü Jerusalem khüei dou peü dükkemhenshang, büpai, “Changmeipü hatü awdapü Assyria ongpa kü shüveihen” shei enyüke.

JEREMIAH 25:29

Veituh, ngelei men kü nyükpü hapa chingnyü kü shanghah koei peikünyeih, hatü am nehanghi-i nyuaokhen je? Am hangnehi-i nenyupih; mehenangkü ngei kahdoknyülei nyupüthü peü touei yan kü nyüknyüpeih shei Jeiyong Shembüpai enyüke.

JEREMIAH 30:16

Shejao üami am lühtükpa jomao lühtükhen, hatü ammei vepathü jom peü wüpküpei daihen. Üami am leipü aeteishepa jom kao aeteishehen, hatü üami am kü shüvei, jom kao shüveihen.

EZEKIEL 25:12

Shembüpa Kahvangi hapakei enyüke: “Mehenangkü Edom ami Judah am phang kü bhüh yem, hatü hapa dükpai pungpü nangkü,

EZEKIEL 25:15

Shembüpa Kahvangi hapakei enyüke: “Mehenangkü Philistia ami bhüh yem, hatü jomei mongei bhüh yemei deihpü nangkü, hatü aivang den mü ponghok vanshengpai Judah mahtükhen yempü nangkü,

EZEKIEL 25:3

Jomphong kü, ‘Shembüpa Kahvangei shah bangtuh. Shembüpa Kahvangi hapakei enyüke’ shei etuh: Mechem ngelei phopshem sheihtükpa, hatü Israel kahdok lavüngtoiyei nyupü hepak kü, hatü Judah nanglakthü wüpküpei daishingkü ‘Hüha’ shei epü nangkü,

EZEKIEL 25:6

Shembüpa Kahvangi hapakei enyüke: “Mehenangkü ammi Israel kahdok khüei ammei lak apei, la shoupei, mong kü ten kohshi mongongpü nangkü,

EZEKIEL 25:8

Shembüpa Kahvangi hapakei enyüke: Mehenangkü Moab hatü Seir ami, “Veituh, Judah amao lebü jatthü kei leidaiteke,” shei epü nangkü,

AMOS 1:11

Shembüpai hapakei enyüke: Edom amei mang jem nangkü, hatü ali shingvaishi ngei hanghi neyahlangpih; mehenangkü büpai yanlu noshi chenaü changtük, hatü phahji neshiüi dükteke; büpalei mongshih neyeplangi düngei aw kei bah-ei angteke.

AMOS 1:13

Shembüpai hapakei enyüke: Ammon amei mang jem nangkü, hatü ali shingvaishi ngei hanghi neyahlangpih; mehenangkü jomei kahmük viong dahen nangkü Gilead amei büm nekongpü nyühathülei vom shaaktükteke.

AMOS 1:3

Shembüpai hapakei enyüke: Damaska amei mang jem nangkü, hatü ali shingvaishi ngei hanghi neyahlangpih; mehenangkü pinnyüi Gilead am kü nyiamvüi bheiteke.

AMOS 1:6

Shembüpai hapakei enyüke: Gaza amei mang jem nangkü, hatü ali shingvaishi ngei hanghi neyahlangpih; mehenangkü jomi jat kemei wüpküpei yah-ei daiyei Edom am kü shuohtükteke.

AMOS 1:9

Shembüpai hapakei enyüke: Tyre amei mang jem nangkü, hatü ali shingvaishi ngei hanghi neyahlangpih. Mehenangkü jeihinaü mü vangteipü deih-ei nedangi jomi jat kemei wüpküpei deiyei Edom am kü yutükpeih.

OBADIAH 1:10

Anaü Jakob khüei hokpü nangkü, am veüi jümhühen; am denshing mahtükhen.

ZEKHARIAH 12:3

Hapa nyih, mechem kahdoknyü jatthü peü pinnyü khüei thaihen, ngei Jerusalemü jat peü shing nejenlenpü yaongnyü hük leihühen. Üami ha nohen kheteihenshang, jom nyingi mangshi ma yahhen.

BHEI-IE 24:14

Shaang ngei ngelei nanglakthü touei nyokei leidainyeih, shejao Israel ami pheilei ammei nanglakthü kü mehe dükphahen ngei leidai shekü hapa shahvüng ephüshah:

BHEI-IE 24:9

Mailang keiha jom lemeileyei nyunyüke; mailang chenyüi keiha üpai jom phukaokhen? Üpai am moihimannya, jom kao moihimanhen, hatü üami am kü thaüvaühen, jom kao thaüvaühen.”

SHAHKÜP 30:8

Amphongi shao Shembüpalei ven danhen hatü shinnyih ngei am kü shuohpü büpalei shahkungthü noteihen.

SHAHKÜP 7:15

Shembüpai amphong dinlem nemeipü peü kübü yanghen. Amphong Ijiplei ponghahpükei chamhilem nemeipai nehanghihüpih, shejao büpai ammei vepathü kü hathüi hanghihühen.