SHAHKÜP 30:10 - DAÜLANGPÜ LAIHING (BSI)

¹⁰ Shejao ammi shahkung lai kü nyangei nyupükei Shembüpalei shah banghen, hatü ammei mongdang kempai hatü laangha kempai Shembüpa, ammei Kahvang touei nyokei leihen vongbong.

SHAHKÜP 30:10 Iomraidhean Croise

NEHEMIAH 1:9

shejao amphong mong lepei ngelei shahkung bangei hathü dükjema, amphong kahdoknyü junghijang peü lemei haishi nyujao ngei am thaiyei leiyei ngei kü khümhen jepü shingei tuhhen shei epü shah deih-ei dangnyüke.’

EZEKIEL 18:21

Shejao mang shennyak hük laophüi dükpü mang peü kübü mong lepei leiyei ngelei shahkungthü dükei, mehe shahhing hatü jiüpa, ha dükjema, hingmei hapa shennyakü nedi-i yemmü nyuhen.

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

EZEKIEL 33:14

Shao, ngei mang shennyak hük kü “Hingmei nüng dihen” shei ejao büpai laophülei mang kübü mong lepei mehe shahhing, hatü jiüpa, ha dükjema;

EZEKIEL 33:19

Hatü mechem mang shennyaki laophülei mang kübü mong lepei mehe shahhing hatü jiüpa, ha dükjema, büpai hapa dükpai yemmü nyuhen.

ZEKHARIAH 6:15

Tailu shingei nyupüthü peikahen hatü Shembüpalei phopshem lingei leihen kü sheühhen, hatü Jeiyong Shembüpai am touei ngei shompü khih shei nyinghen. Hingmei, ammi Shembüpa, ammei Kahvangei shah bangjema, hapa jiükahen.

PHONGSHANTHÜ DOU 26:20

shejao shongpüba kü Damaska, hapheikü Jerusalem, hatü Judea kahmük kempülei hatü Kung am kao jom mong lepei Kahvang touei leihen, hatü jom mong leppü doui huhen epeih.

PHONGSHANTHÜ DOU 3:19

Hanangkü mong leptuh, hatü ammei mang thitei yaktükphahen shingvaishi Kahvang touei lepei leituh,

1 KORINT 7:19

Japtükpao nejapao meheyao nevai, shejao Kahvangei shah bangpü mon lemphü hih.

SHAHKÜP 29:21

Shembüpai hapa vangpüshuwpü shahkung laitap kü nyangei nyupü thaüvaüthüi ha shennyak shangponghühen shingvaishi Israel am jatthü khong kübü loukei ngaihen.

SHAHKÜP 30:11

Shinnyih ngei am kü shuohpü shahkungthüyü longi wongpü nevaijü ammi nedükaokshampü nevai.

SHAHKÜP 30:2

Hatü ngei shinnyih am kü epükei mechem am hatü ammei hühihathüi Shembüpa, ammei Kahvang touei nyokei leihen hatü ammei mongdang kempai, laangha kempai büpalei shah banghenshang,

SHAHKÜP 30:8

Amphongi shao Shembüpalei ven danhen hatü shinnyih ngei am kü shuohpü büpalei shahkungthü noteihen.

SHAHKÜP 4:29

Shejao ammi halei Shembüpa, ammei Kahvang kü veijema, hatü ammei mong kempai büpa yemjema, ammi büpa danghen.

SHAHKÜP 6:5

Shembüpa, ammei Kahvang kü ammei mongdang kempai, ammei laangha kempai hatü ammei wong kempai bamtuh.