SHAHKÜP 30:1 - DAÜLANGPÜ LAIHING (BSI)

¹ Shaang ngei am kü moihiman hük nevaijü thaüvaü hük jehen shuohnyüpeih. Mechem hathü douthü kemei am kü vamkahen hatü Shembüpa, ammei Kahvangi mih jatthü touei am haitüktü am jom mü nyuhenshangkü, ngei am kü jehen shuohpü deih-ei dangtuh.

SHAHKÜP 30:1 Iomraidhean Croise

KAHBHAO 4:14

Shinnyih nüngi ngei hapa kahdok leipü changtüknyu khih, hatü ngei nüng toueipü daiyei joshi nyuhen; ngeiyü hapa kahdok kü benhayaha shing nelingi longteipü am vaihen khih hatü hanei ami ngei pongjema jütükhen khih” shei e.

1 ONGPATHÜ 8:34

nüngi vangsho leipü ha bangtuh, hatü nüngei Israel nanglakthülei mang tükeishuoh, hatü nüngi jomei chebü chepa kü shuohpü kahdokei shao müei leituh.

2 SHÜPPÜKENGPÜ 30:9

Ammi Shembüpa touei mong lepjema ammei vepathüi yah-ei lüdaipü ammei jeihinaü hatü hapeüthü kü phahji huhen hatü hapa kahdokei müei leikahen; mehenangkü Shembüpa, ammei Kahvangü phahji yahyangpü Kahvang nyüke. Am-üng büpa touei mong lepjema büpalei dhe am toueipü nelepdaipih” shei e.

NEHEMIAH 1:9

shejao amphong mong lepei ngelei shahkung bangei hathü dükjema, amphong kahdoknyü junghijang peü lemei haishi nyujao ngei am thaiyei leiyei ngei kü khümhen jepü shingei tuhhen shei epü shah deih-ei dangnyüke.’

ISAIAH 46:8

Hapa deih-ei danghümao, hatü leyei peihümao, ammei mongei ha deihhümao, Oh mang shennyakthü.

JEREMIAH 29:14

Ammi ngei danghen shei Shembüpai enyüke, hatü ngei mepa shing leipü am wüpküpei müei daipa, hapa shingei-üng müei leilanghen.

JEREMIAH 3:13

Shembüpa, ammei Kahvang khüei mang thahteke, püdhüm meipü peü phangei kung amei kahvang lajeithü kü bampü khih, hatü ngei epü kü nebang shei deih-ei dangtuh shei Shembüpai enyüke.

JEREMIAH 8:3

Ngei melemei jom changtükhen, ha mang jathiliyü yemmü nyupü leimeyü didaipü-üng lümhen shei Jeiyong Shembüpai enyüke.

EZEKIEL 18:28

Mehenangkü büpai thahpü mangthü peü deih-ei dangpü nangkü hatü haleipü mong lepei leipü nangkü büpa hingmei yemmü nyuhen; büpa nedihen.

EZEKIEL 6:9

Hahepak kü nedi-i wüpküpei nyupüthüi mekei jomei mükbongjuyungpü mongdang homei ngei toueipü yandaipa, hatü jom hanghihüpa, ha deih-ei danghen. Haphei küang jomi thahpü mang hatü jiühitnalaipü douthü kü jiühitei deihhen.

ZEKHARIAH 10:9

Ngei jom jatthü touei yantüklangmao, tailu kahdokeiyao jomi ngei deih-ei danghen, jom hatü jomei hapeüthü yangei nyuhen, hatü müeileihen.

LUK SHAHSHA APPÜ 15:17

Shejao mechem büpa mong hüngei deihpa, büpai laophü nyingi e, “Opalei shemei nang shapüthüyü hahtao aoei nyüpeih, shejao ngeiyü hatouei aeipai dinyu khih!

SHAHKÜP 28:28

Shembüpai amphong ngapüyoipai, mükphüngpai hatü sholi nethahnengoi-i leitükhen.

SHAHKÜP 28:64

Shembüpai am jatthü peü touei junghük kübü junghük dohpü ngoishi haitükhen, hatü ammi nevaijü ambü ampai nenyingpü yaong, hatü pü kahvangthü kü khümhen.

SHAHKÜP 29:27

Hanangkü hapa laitap kü nyangei nyupü thaüvaüthü koei peihühen shingvaishi Shembüpa mongshih vampü khih.

SHAHKÜP 29:28

Shembüpa longi mongshihteke, hatü büpa mongshihpai jom jomei kahdok leipü bhiyei lebü kung kahdokei haitükteke hatü halei jom shinnyih thahshi nyüke” shei eteihen.

SHAHKÜP 30:15

Veituh, shinnyih ngei ammi jehen shingvaishi ten nevaijü mei, hatü yangnyuyem nevaijü dipü tuhphünyeih.

SHAHKÜP 30:19

Shinnyih ngei vangsho hatü kahdok kü am nangkü denpü vaihen nyüknyeih; ngei am touei yangnyuyem hatü dipü, moihiman hatü thaüvaü tuhphünyeih. Am hatü ammei hapeüthü yemmü nyuhen shingvaishi yangnyuyem jetuh,

SHAHKÜP 32:36

Shembüpai laophülei nanglak dah shakhühen, Mechem jom wong kemhen, aa nevaijü bümei hükao ne-aoi wong kemdaipü büpai eehenshang, Shembüpai laophülei nanglak kü phahjihen.