SHAHKÜP 3:20 - DAÜLANGPÜ LAIHING (BSI)

²⁰ Shembüpai amphong kü hamü dükpü keiha Shembüpai jom kü Jordan heshüphi kü shuohpü kahdok mangyah thahshi hatü jom halei chingmei kü manguo thahshi amphongi ammei jeihinaüthü Israel am kü sheühtuh. Hapheikü mon ngei am kü shuohpü kahdokei nyokei leihen.”

SHAHKÜP 3:20 Iomraidhean Croise

BHEI-IE 32:18

Israel am peüi laophülei kahmük phaihan mangdang thahshi ham shemei nyokei neleipih.

BHEI-IE 32:22

hatü Shembüpai kahdok neütükphei kü mon amphong shemei leiaokhen; mehenangkü ammi Shembüpa hatü Israel am kü etükpü keiha jiühühen vongbong. Hapheikü mon Jordan yung heongphiyü ammei kahdok shei Shembüpa tou kü nyinghen.

SHAHKÜP 12:9

mehenangkü am nyiumeishing hatü Shembüpa, ammei Kahvangi am kü mükjüp shuohpü kahdok mangngoi.

SHAHKÜP 3:21

Hahepak kü ngei Joshua kü, “Sihon hi Og ongpa nyi kü Shembüpa, ammei Kahvangi dükshuohpü lemphüli nüngei müki lekei eeteke. Ammi homei daihen ongchingthü peü kü Shembüpai aihük mü dükhen.

JOSHUA 1:15

Shembüpa, ammei Kahvangi am kü shuohpü kahdok kü am nyiushem meipükei Shembüpai jom kao nyiushemmei mangshuoh thahshi amphongi ammei jeihinaüthü kü sheühtuh. Hapheikü am nyokei leiyei Shembüpa chongphobü Mosai Jordan apshaphi kü am kü shuohpü kahdokei chongkhenei nyutuh.”

JOSHUA 22:2

“Shembüpa chongphobü Mosai epükei ammi lemphü dükteke, hatü ngei epü peü ammi ven danei dükteke.

JOSHUA 22:4

Shaang, Shembüpa, ammei Kahvangi ammei jeihinaüthü kü büpai lahpükei nyiushemmei shuohteke, sheyü Shembüpalei chongphobü Mosai Jordan yungdangei am kü yahphopü kahdokei nyokei leituh.

JOSHUA 22:8

“Mop longi koei yemhimak longi müei, hon, ngin, melangnyiam, nyiam hatü ashakviha longi koei shemei leituh, hatü vepa leipü aetpü mopthü ammei jeihinaü mü hanteituh” shei moihimanei etü leishihteke.

JOSHUA 22:9

Hanangkü Reuben, Gad hatü bhaosheipü Manasseh am Israel am mü yanei Kanan kahdok Shiloh kübü Shembüpai jom kü Mosa homei shuohpü Gilead kahdokei nyokei lei.