SHAHKÜP 29:28 - DAÜLANGPÜ LAIHING (BSI)

²⁸ Shembüpa longi mongshihteke, hatü büpa mongshihpai jom jomei kahdok leipü bhiyei lebü kung kahdokei haitükteke hatü halei jom shinnyih thahshi nyüke” shei eteihen.

SHAHKÜP 29:28 Iomraidhean Croise

1 ONGPATHÜ 14:15

Shembüpai Israel am kü bheihen, hatü yungei pingu jenlenpükei nyuhen. Büpai chebü chepa kü shuohpü hapa meipü kahdok kübü bhitükhen, hatü Euphrates yung homei haitükkemhen; mehenangkü jomi Asherah nyüha kahvangei lajeithü lingpü nangkü Shembüpa mongshih.

2 ONGPATHÜ 17:18

Hanangkü Shembüpai Israel am kü mongshih, hatü büpa toueipü jom changtük; Judah jat mü lenei hükao ne-ao.

2 ONGPATHÜ 17:23

hatü Shembüpai büpa chongphopü thibüthü homei epükei Israel am büpa toueipü mangchangtük thahshi hapa mang kübü neyan. Hanangkü Israel amü laophülei kahdok kübü Assyria kahdokei shinnyih thahshi wüpküpei daiyei nyüpeih.

2 ONGPATHÜ 17:6

Hoshea ong vaipü bong shüpabü kü Assyria ongpai Samaria omei yah, hatü Israel am kemei Assyrialei wüpei deilang. Büpai hathü hanei Habor Yungnyü yopailei Gozan kahdok Halah chingnyülei tuh, hatü haneiyü Media chingnyülei tuhteke.

2 SHÜPPÜKENGPÜ 7:20

ngei Israel am kü shuohpü kahdok kübü bhitükhen, hatü ngei kü khümhen daütükpü hapa phopshem yaktükhen. Ngei ha ngei toueipü yaktükhen, hatü mih jatthü touei kandok hük nevaijü shahsho kü shihhen mü leitükhen,

EZRA 9:7

Hamei bühipathülei nyih kübü shinnyih thahshi hami mang longpü thahteke; hamei mang tata kü ham, hamei ongthü, hamei ngongpathü kemei shinnyihpü keiha kung amei ongthü kü shuoh, yani mah, wüpküpei dai, mop aetlangkem, hatü hai danghüpeih.

MENVIH KESHO 52:5

Shejao Kahvangi am den shing mangtükhen; büpai nüng aetlanghen, hatü ammei shemei nenyuaokhen. Yemmü nyupü kahdok kübü büpai nüng bhitükhen.

MENVIH KESHO 78:2

Shahlap eyei ngelei ju kahen; aivang mebü shahjo ngei ekahen.

KANDOK 2:22

Shejao mang shennyakthü hapa kahdok kübü mahtükhen, hatü nemeipüthü haleipü bhitükhen.

KANDOK 25:2

Kahvangei müknyinshekhangü shahhidouthü joei tuhhen ha nyüke, shejao ongpalei dou-ü hathü yemei danghen nyüke.

JEREMIAH 42:10

Ammi hapa kahdokei nyujema, ngei am linghen hatü nevütükhen; ngei am sheiphonghen shejao nebhitükhen; mehenangkü ngei am kü shuohpü shanghah eeyei ngei mongshangnyeih.

EZEKIEL 19:12

Shejao mongshih-ei hapa bhiyei kahdokei yaktükpeih. Heong vanglüki hapa kü jentü betjük kemei kaongtük; hapalei pükaothü kaudai hatü awi hahtük.

EZEKIEL 19:13

Shaang hapayü bhih kahdok yung neshiüpü kahvan kü sheiphong.

DANIEL 2:22

Büpai chülohpü hatü shajothü shakei vamhünyeih; Büpai vangnyak kü mehe joshi nyu, ha nyingnyüpeih, hatü vangngaiyü büpa mü nyunyeih.

DANIEL 9:7

Oh Shembüpa, nüngü daülangpü, shejao shinnyih hamü veüi jümtü nyüpeih– Judah shennyakthü hatü Jerusalem nanglakthü yopailei hatü tailuei Israel nanglakthü kung kahdokei nüngi haitükpeyü jomi nüng kü hingnelempü nangkü khih.

SHAHKÜP 28:25

Shembüpai am vepathüi aokhühen. Amphongi jom touei lem hük kü mon peihen shejao jom toueipü amphong lem nyet kü nyaihen, hatü kahdoknyü nanglaki am mehe ponghahnya ha eeyei nyemhen.

SHAHKÜP 28:36

Shembüpai am nevaijü ammei bühipai nenyingpü lebü kung kahdokei am hatü ammei ong deishihhen. Halei amphongi yaong hatü pü-i lingpü kahvangthü chongphohen.

SHAHKÜP 28:64

Shembüpai am jatthü peü touei junghük kübü junghük dohpü ngoishi haitükhen, hatü ammi nevaijü ambü ampai nenyingpü yaong, hatü pü kahvangthü kü khümhen.

SHAHKÜP 30:1

Shaang ngei am kü moihiman hük nevaijü thaüvaü hük jehen shuohnyüpeih. Mechem hathü douthü kemei am kü vamkahen hatü Shembüpa, ammei Kahvangi mih jatthü touei am haitüktü am jom mü nyuhenshangkü, ngei am kü jehen shuohpü deih-ei dangtuh.

SHAHKÜP 32:34

Shembüpai hathü peü jaoei hepak vangpan ngoijü hanghihühen mon dannyüke.

SHAHKÜP 4:27

Am maani mon tuhphongtü kemei lebü jatthü touei haitükhen.

SHAHKÜP 6:24

Hanangkü Shembüpa i jen kü hathü shahkung banghen hatü shaangpükei moihimanei jen yemmü nyuhen shingvaishi Shembüpa, jenei Kahvang kü dhüm shuohhen epeih.

SHAHKÜP 8:18

Shejao hayü Shembüpa, ammei Kahvangi shemmei leihüpeih shei deihtuh, hatü büpai shinnyih thahshi ammei bühipa kü lahtükpü lakshing düknyüpeih.