SHAHKÜP 29:23 - DAÜLANGPÜ LAIHING (BSI)

²³ Kahdok bahiyang kemei kü hüm hatü awkaong meli kü kei aw bah-ei kong leidaihen; meheyao nesheiaokhen; meheyao nekohkahen. Hapayü Shembüpai mongshih-ei Sodom hatü Gomorrah, Admah hatü Zeboiim mahtükpükei nyukahen.

SHAHKÜP 29:23 Iomraidhean Croise

KAHBHAO 14:2

Sodom am Bera ongpa, Gomorrah am Birsha ongpa, Admah am Shinab ongpa, Zeboiim am Shemeber ongpa, hatü Bela (Zoar) amei ongpa hathü mü hokteke.

1 ONGPATHÜ 9:8

Hapa Phopshemü nyüphinya yakshing kei leihen, hatü peihpü leihpü peüi yashanei naamnyi nyiyei, “Shembüpai hapa kahdok hatü hapa Phopshem kü mehekei hapakei dükshuohpa yo?” shei ehen.

1 ONGPATHÜ 9:9

Shennyakthüi jangei, “Mehenangkü jomi Shembüpa jomei Kahvang, üpai jomei chebü chepa Ijip leipü müei leipa, ha yakphongtü lebü kahvangthü kü shongtü hapa kü khümei chongphopü nangkü Shembüpai jom kü hapa shanghah vongshüh yahshuohpü khih” shei ehen.

2 ONGPATHÜ 22:13

“Daituh, hatü ngei, nanglakthü hatü Judah am kempü shingvaishi hapa dangpü Lai kü mehe enya, hapa Shembüpa kü phekei. Jen khüei Shembüpai mongshihpü longpü nyüke; mehenangkü jenei bühipai jen kü nyangei nyupü keiha düktuh shei epü ha shah nebangi nyupü khih” shei e.

JOB SHAHSHA APPÜ 18:15

Büpalei shem mongei meheyao nenyuhen; büpa nyushingei awkaong yaong nyüke.

MENVIH KESHO 107:34

Shennyakthü nemeipü nangkü büpai betjük jükpü kahdok hüm kohpü kahdok leitüknyeih.

ISAIAH 1:7

Ammei kahmük lavüngtoidaiteke, ammei chingnyüthü awi hahtükteke, ammei müki eeshi kung ami ammei kahdok kowtükteke; Kung ami kowtükhinüng lavüngtoiyei leidaiteke.

ISAIAH 13:19

Kahvangi noei yaktük shingkü ongchingthü khongkü müknyinshekhangshi nyupü Babylon ami changmeiyei deihpü Babylon chingnyü-ü Sodom hatü Gomorrah kei leidaihen.

ISAIAH 34:9

Edom amei shohinga kemei kahmongei ngamdaihen, hatü kahdok cheü kemei awkaong meli kei leidaihen; jomei kahdokü aw jakteipü kahsha kei leidaihen.

ISAIAH 64:11

Hamei bühipai nüng kü menvih shuohhampü hamei daülangpü Phopshemü awi shamtükteke, hatü hamei veinyuhüpü shingthü peü lavüngtoidaiteke.

JEREMIAH 17:6

Büpayü bhih kahdok leipü phenha kei, nyiushemmei peishingkü büpai hapa ne-eehen. Büpayü bhih kahdok shaampü shingei, hatü üpaiyao nenyupü hüm kahdokei nyuhen.

JEREMIAH 20:16

Hapa shennyakü Shembüpai nephahji-i noei yaktükpü ching kei nyuhütuh; Büpai dhom mü vaüpü eepü, hatü haümhah phei kü thep nyükpü danhütuh.

JEREMIAH 49:18

Sodom hatü Gomorrah nyi mü chingyowthü paoh-ei yaktükpü keiha, üpayao halei nenyuhen shei Shembüpai enyüke.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

EZEKIEL 47:11

Shejao haleipü nyaühut nedaüdaihen; hapayü hüm vamhen nangkü tuhphonghen.

LEVI 26:32

Ngei ammei kahdok chemjalak kü mangtükpü eeyei ammei kahdokei nyunüng peipü vepathüi hapa kü yashanhen.

AMOS 4:11

Ngei Sodom hatü Gomorrah mahtükpükei, ngei am hanei mahtük. Amü awbhaong leipü leppü awjung kei nyuteke, shejao am ngei touei mong nelep shei Shembüpai enyüke.

ZEPHANIAH 2:9

Hingmei, ngeiyü vanyangyem Kahvang, Israel amei Kahvang. Hingmei, Moab hatü Ammon amü Sodom hatü Gomorrah kei mahtükhen. Hapa shing kü phenha longei, hüm kahsha leiyei denden yaktükpü shing leitükhen. Ngelei nanglak aopüthüi hapa shing aetlanghen, hatü ngelei jathili-i ha kahdok jomei mükjüp vailanghen.

LUK SHAHSHA APPÜ 17:29

shejao Loti Sodom tuhtü daipü nyih vangsho leipü awvang hatü awkaong meli vüei aw bah-ei jom peü mahdaipeih.

ROM SHAHSHA APPÜ 9:29

Hapayü Isaiah-i shelei epükei: “Jeiyong Shembüpai jen kü hühihathü netuhlang meyü, jenü Sodom hatü Gomorrah am kei leidaihah shepeih.”

JUD SHAHSHA APPÜ 1:7

Ha aihük mü Sodom, Gomorrah hatü shinpü chingnyüthüi mükbongjuyung hatü nyongnyongpü kü lanei shuohpeih. Jomü nedohnetenpü molo awi hanghipü lappü nyüpeih.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

SHAHPHENBÜTHÜ 9:45

Abimelekh-i helu hapa chingnyü hah, hatü halei nyupü shennyakthü jü; büpai hapa chingnyü hahtü hüm haiphong.