SHAHKÜP 29:19 - DAÜLANGPÜ LAIHING (BSI)

¹⁹ Shinnyih hamü omei nyupü üpaiyao hapa lappü dantüktü laophülei mong vaanei, ngei mongpü lem kü longteijao meihen shei tedeih. Hapai am nemeipü hatü meipü peü aihük mü lomohhen.

SHAHKÜP 29:19 Iomraidhean Croise

KAHBHAO 2:17

shejao nüngi manghimei nyingpü pü leipü tehah; mechem nüngi haleipü hahhen, nüng hingmei ha nyih-üng dihen” shei shahkung shuoh.

2 ONGPATHÜ 24:4

hatü nyeinya vaishi büpai mang neshiüpü iy longi yenhü. Mehenangkü büpai Jerusalemü mang neshiüpü iy yenpai mahü, hatü Shembüpai mang tükhen nemong.

MENVIH KESHO 10:11

Büpai laophü nyingi, “Kahvangi ha betüktih; büpai laophülei dhe jümlangtü sheyü ne-eenyih” shei enyüke.

MENVIH KESHO 36:2

Jomei mang yemei nedangaokpih, hatü hapa nenyonghüpih shei jomei mükhimongi jom yawhlangnyeih.

MENVIH KESHO 49:18

Jomei yangnyu yangkü jom mongongshi nyujao, hatü jom aokpüthangpü eeyei shennyakthüi jom kü vihjao,

KANDOK 29:1

Longi lohhah pheikü üpai mong vaanei nyuhenshang, yanglem neshiüi topshi mahhen.

CHONGVENBÜ 11:9

Oh themei, lamei, nüngei thehila nyihthü kü mongongtuh, hatü thehila hepak kü nüngei mong mongonghütuh. Nüngei mongi lümpü lem kü kamtuh, hatü nüngei mük kü meipü düktuh, shejao hathü dou lemphü kü Kahvangi nüng shahphen shingei müei deihen shei deih-ei dangtuh.

JEREMIAH 18:12

Shejao jomi nüng kü jangei, “Hayü nadang neshiü. Hami hamei küpjanthü kü kamhen; ham peüi hamei mang mongdang vaanpü lem kü mühen” shei ephahen.

JEREMIAH 3:17

Hahepak kü Jerusalem keyü Shembüpalei ong uoshing shei nyükhen, hatü jatthü peü halei Shembüpa nyushing Jerusalemei thaihen hatü jomi hajük kü mong vaanei jomei mangi mongpü lem kü nedaihen.

JEREMIAH 36:29

Shao ongpa Jehoiakim kü Shembüpai hapakei enyüke shei etuh: Nüngi hapa laidü jaktüktü, “Mehekei nüngi Babylon ong peiyei hapa kahdok mangtüktü haleipü nyüha baha hatü yemhimak kemei jütükhen shei nyangpa?” shei eteke.

JEREMIAH 44:27

Mehenangkü ngei jom kü mei shing nevai, shanghah shuohhen nangkü veishi nyuhen; Ijiplei nyupü Jehoda am peü mangmahkem thahshi yan hatü münghishaü homei dihükemhen.

JEREMIAH 7:24

Shejao jomi ha nebang, hatü jomei dhaong neshaang, shejao jomei mang mong vaanei jomi deihhahpü lem kü kam, hatü sheshalei nevai, ngaümphei lemei veipeih.

EZEKIEL 13:16

Jerusalem kü chingmeivangmei neshiüshiüi chingmeivangmei nyüpeih shei Jerusalem nang teteivanei manghkhang eepüthü neshiü’ shei ngei ehen” shei Shembüpa Kahvangi enyüke.

EZEKIEL 13:22

Ammei shahshemi daülangpü shennyakei mong maanhüteke, hatü nemeipüthü kü jomei mang lem kübü nyokei leiyei yanghen nevai-i hapa lem kübü lepei neleihen mongnang thongteke.

EZEKIEL 14:7

Mechem Israel am hük nevaijü Israel am mü nyupü kung shennyak hanei-i lajeithü kü mong shuohtüktü ngei toueipü yanei lüdai pheikü thibü hük kü pheyuhen peihenshang, ngei, Shembüpai büpa kü shangpükei jangpü shuohhen.

EZEKIEL 14:8

Ngei büpa khüei yaonghen; ngei büpayü lappü hük hatü mihnyi yangnyai leihühen. Ngei büpayü ngelei nanglak khong kübü katitükhen. Shejüang ammi ngeiyü Shembüpa shei nyinghen.

BHEI-IE 15:30

Shejao Israel am vaituh, lakeiloipü am vaituh, üpai nyingshangi mang thahhenshang, büpai Shembüpa nyonghüteke; hapa keipü shennyakü jütükhen.

BHEI-IE 15:39

Shembüpai am kü shuohpü shahkungthü deih-ei danghen shingvaishi hapa vitem kü veihen, hatü ammi hathü ven bangei dükhen, hatü ammi laophülei mükhimongi lümpülei daiyei ngei toueipü neyanhen.

ROM SHAHSHA APPÜ 1:21

mehenangkü jomi Kahvang nyingjao jomi büpa kü Kahvang kei dhüm neshuoh nevaijü büpa kü menvih neshuoh, shejao jomei mongdeih yahlak neshiüi leidai, hatü jomei sholi kü vangnyaki madai.

2 KORINT 10:5

Hami Kahvangei kihikon khüei shah dakteipü hatü changmeipai lem bangtükpü bentüknyeih, hatü hami deihpü lemphü Khristalei ven danhen nangkü yepei tuhlangnyeih.

EPHESIA 4:17

Shaang ngei Shembüpalei men kü ha kangei enyeih: am hajük kü Kung am nyupükei yahlak neshiüpü chudeih mongdang jüktü tenyu.

EPHESIA 5:6

Amphong üpa kao angsha shah-i telutelemhah; mehenangkü hathü douthü nangkü ven nedanpüthü touei Kahvang mongshihpü peinyüpeih.

SHAHKÜP 17:2

Shembüpai am kü shuohpü jila kü chemi nyupü nyüha nevaijü baha hüki Shembüpa, ammei Kahvangi vangeishuwpü mangtüktü mang thahjema,

SHAHKÜP 28:15

Shejao ammi Shembüpa, ammei Kahvangi epü nebangjema hatü ngei shinnyih am kü shuohpü büpalei shahkungthü kenhingei nedükjema hathü thaüvaü kemei am kü hetkahen.

SHAHKÜP 29:12

Shinnyih am hatouei Shembüpa, ammei Kahvangi am mü lingpü vangpüshuwpü kü shühen hatü vangeishuwhen shingvaishi,

SHAHKÜP 29:18

Shinnyih hamü yaongshi nyupü baha, nyüha, shemongsha nevaijü jathili üpaiyao Shembüpa, jenei Kahvang toueipü nelepdaihen hatü ha jatthülei kahvangthü kü nekhümhen kentuh. Hapayü shahyakpü pü tünglang hatü leü nemeipü pü kei nyukahen.

SHAHKÜP 29:20

Hapa keipü shennyak khüei nyukahen. Hapa laitap kü nyangei nyupü thaüvaü kemei büpa kü hethen, hatü vangsho phang kübü büpalei men thittükhen.