SHAHKÜP 29:1 - DAÜLANGPÜ LAIHING (BSI)

¹ Hathüyü Shembüpai Israel am mü Sinai Kahshangei lingpü vangpüshuwpü mü üei Moab kahdokei Shembüpai Israel am mü vangpüshuwpü linghen Mosa kü eshuohpü laphen nyüke.

SHAHKÜP 29:1 Iomraidhean Croise

2 ONGPATHÜ 23:3

Ongpai shemnyü touei yaongtü Shembüpa phei mühen, büpalei shahkungnyüthü, vanglemthü peü büpalei mongdang hatü laangha kempai vangpüshuwpü laitapei nyangei nyupükei dükhen shei Shembüpa touei vangpüshuwpü ling.

MENVIH KESHO 105:27

Büpai jom mü nyangeihepü dük, Ham amei kahdokei yashanyale dükteke.

JEREMIAH 11:2

“Hapa vangteishuwteipü leipü shah bangtuh, hatü hapa Judah nanglak hatü Jerusalemei nyupüthü kü etuh.

JEREMIAH 11:6

Shembüpai ngei kü, “Ha shahthü peü Judah jilathü hatü Jerusalem chingyangshong kü baongeishuoh. Vangpüshuwpü shahthü bangtuh hatü düktuh.

JEREMIAH 31:32

Ngei Ijip leipü jomei lak kü düktü müei leipü hepak kü chebü chepa mü lingpü vangpüshuwpü keiha hapayü nechongkahen. Ngei jomei baha kei nyujao jomi ngelei vangpüshuwpü mangtükpeih shei Shembüpai enyüke.

JEREMIAH 34:18

Üami ngelei vangpüshuwpü mangtük, hatü jomi ngei touei lingpü vangpüshuwpü nedük, ngei hathü keyü jomi mohoh cheha nyi anshi kaktü ha aa kü jom kamei deipükei linghen.

LEVI 26:46

Hathüyü Shembüpai büpa hatü nanglakthü aa kü Mosa homei Sinai Kahshangei shuohpü shahkungnyüthü hatü kangpü nyüke.

LEVI 27:34

Hathü shahkungnyüthüyü Shembüpai Israel nanglakthü shingvaishi Mosa homei Sinai Kahshangei shuohpü nyüke.

PHONGSHANTHÜ DOU 3:25

Amphongü thibüthülei hühihathü hatü Kahvangi ambü Abraham mü, ‘Nüngei lihilathü kü kahdoknyü jat peüi moihimanhen danghen’ shei vangei epeih.”

SHAHKÜP 1:1

Hapayü Mosai Israel am kü Jordan yungyen heongphi kübü jahpanei nyushi epü shahthü nyüke. Jomphongü Jordan kahji Suph yopailei Paran hatü Tophel, Laban, Hazeroth hatü Di-zahab aa kü nyuteke.

SHAHKÜP 28:68

Amphong halei ne-yei nyokei neshompih shei elangmao Shembüpai amphong shao Ijiplei jahas kü uoei shomtükhen. Halei amphongi ammei vepathü kü laophü nyingi aa vaihen shingvaishi yuhen, shejao üpaiyao amphong neshakhen.

SHAHKÜP 29:12

Shinnyih am hatouei Shembüpa, ammei Kahvangi am mü lingpü vangpüshuwpü kü shühen hatü vangeishuwhen shingvaishi,

SHAHKÜP 29:2

Mosai Israel am peü nyükei jom kü eteke: “Shembüpai Ijiplei Pharaoh ongpa, büpalei lakchongbüthü hatü büpalei kahdok kü mehe dükshuohpa ha peü ammei müki eeteke.

SHAHKÜP 29:21

Shembüpai hapa vangpüshuwpü shahkung laitap kü nyangei nyupü thaüvaüthüi ha shennyak shangponghühen shingvaishi Israel am jatthü khong kübü loukei ngaihen.

SHAHKÜP 29:25

hatü hapa kü jangpeyü, “Hapayü Shembüpa, jomei chebü chepalei Kahvangi jom Ijip leipü müei daipü hepak kü jom mü vangpüshuwpü mangtükpü nangkü,

SHAHKÜP 4:10

Büpai ngei kü Sinai Kahshangei, “Jom hapa kahdokei nyupü thahshi ngei kü dhüm shuohhen nyinghen hatü jomei hapeüthü kü hapa nyuhhen shingvaishi nanglakthüi ngei epü banghen thaihütuh” shei eshingkü amphong Shembüpa touei yaongpü deih-ei dangtuh.

SHAHKÜP 4:13

Ammi dükhen shingvaishi büpai vangpüshuwpü shahkungnyüthü an yaongshung nyi kü nyangtü am kü shuohteke.

SHAHKÜP 4:23

Shembüpa, ammei Kahvangi am mü vangeishuwpü nebetükhen kentuh; Shembüpa, ammei Kahvangi nemongpü kü am nyingi lajei mepa keiyao teling.

HEBREW 8:9

hayü ngei Ijip kahdok leipü mülangpü ngelei laki müei daipü nyih chebü chepa mü lingpü vangpüshuwpü kei nevai; Mehenangkü jomi ngelei vangpüshuwpü kü nedoh-i nenyu; Hanangkü ngei jom baong neyemi tuhpeih shei Shembüpai enyüke.

1 SAMUEL 12:24

Shembüpa kü mon nyemtuh, hatü mong kempai hinglemei büpa chongphotuh, hatü büpai am shing mehe dou longpü dükpa ha deih-ei dangtuh.