SHAHKÜP 28:38 - DAÜLANGPÜ LAIHING (BSI)

³⁸ Ammi kah kü sheili longi sheihen shejao maani mon vethen; mehenangkü shouki hahtükhen.

SHAHKÜP 28:38 Iomraidhean Croise

1 ONGPATHÜ 8:37

Mechem kahdok kü shaühile nevaijü chamhilem, nevaijü aplük pelüki hahbongdongjük mangtükhen, nevaijü laonghiyaki nevaijü mechem nüngei nanglakthü jomei vepathüi chingthü hahhen, nevaijü mechem dinhiai nevaijü tüngpüaipü peihenshang,

MÜLANGPÜ 10:4

Nüngi ngelei nanglakthü neleishihjema, ngenyih ngei ammei kahdok kü shoukhanbaong yah-ei peikahen.

ISAIAH 5:10

Nyalingngupai kahmoi an kü nyalingngupai jiü dok shet mon bhithen, hatü shelivang dok kho hük mü büali sheijü, hapa kü dok anpüshet mon vethen.

JEREMIAH 12:13

Jomi hah sheiteke, shejao hüh vetteke; jom nyingi nyiueinangteke, shejao meheyao nanglei nedang. Shembüpai mongshihpü nangkü jom hahvetpeyü veüshi nyuhen.

JOEL 1:4

Mepa haümmei hahpü shouki hahtü aopa, ha khongmü peipü shouki hahtük; mepa khongmü peipü shouki hahtü aopa, ha phaukei daipü shouki hahtük; mepa phaukei daipü shouki hahtü aopa, ha ngaüh-ei hahpü shouki hahtük.

JOEL 2:25

Ngei am khüei shompü ngelei veshan longpü, haümei hahpü, khongmü peipü, phaukei daipü, hatü ngaüh-ei hahpü shoukthüi ammei sheili peü hahtükpü nangkü ngei nyokei am kü shemhen.

JOEL 2:3

Awi kei jomi pühivung hahtüknyüke; Jom pheilei awlom bahnyüke, jomei shesha philei kahdokü Eden pe kei nyüke; Jomei ngaümpheilei kahdokü kongmü meheyao ne-aoi hahtükteke.

AMOS 4:9

Ngei ammei pe hatü nyalingngupai kahthü chami jütükteke; shoukhanbaongi ammei adhapü, hatü olive püthü hahtükteke, shejao am ngei touei mong nelep shei Shembüpai enyüke.

MIKA 6:15

Ammi sheili sheihen shejao ha ammi nevetpih; ammi olive kübü mainga bhithen, shejao ha ammi nenoteiaokpih; ammi nyalingngupai ngümhen, shejao ha kübü yiü neyinghen.

HAGGAI 1:6

Ammi longi sheiteke, shejao maani mon vetteke. Ammi hahnyüke, shejao nemohnyu. Ammi yingnyüke, shejao yungle nemeinyu. Ammi ashakviha ümnyüke, shejao mechemao shaamluki nenyunyu. Ammi latpü lop khoungwu kü hühen shingvaishi latnyüke.”

HAGGAI 1:9

Ammi longi danghen ongyangnyüke. Ammi mehe shemei yah-ei leipa, ha ngei ngü-i dutükpeih. Mehekei ngei ha düknya? Mehenangkü amphong laophülei shemdou dükei nang nekoh-i nyu-aa kü ngelei shem pheni lupdaitü nyüke.

MALAKI 2:3

Ngei ammei dhe kü ammi moilapü yemhimakei nühinami nyiohen, hatü am hapa nühinam shingei yah-ei daihen.

SHAHKÜP 28:42

Ammei pü hatü sheilivungla kemei laonghiyaki hahtükhen,