SHAHKÜP 28:15 - DAÜLANGPÜ LAIHING (BSI)

¹⁵ Shejao ammi Shembüpa, ammei Kahvangi epü nebangjema hatü ngei shinnyih am kü shuohpü büpalei shahkungthü kenhingei nedükjema hathü thaüvaü kemei am kü hetkahen.

SHAHKÜP 28:15 Iomraidhean Croise

KAHBHAO 3:14

Hanangkü Shembüpa Kahvangi hapa biü kü, “Nüngi ha dükpü nangkü, yemhimak peü khongkü nüng thaüvaütüktih; Nüngei vomi lüei nüng kamhen, hatü nüngei den kemei kübhih hahhen.

KAHBHAO 4:11

Sheyü nüng thaüvaü phangkü nyüke, hatü kah nelingaokhen. Mechem nüngi anaü jüpa hapalei iy jüphen ju kashi nyupükei kahdoki anaülei iy jüplangteke.

KAHBHAO 4:12

Nüngi kah lingjao hapai meheyao nekohhühen. Nüngü kahdoknyü kü shem neshiüi longteipü am vaihen” shei e.

2 SHÜPPÜKENGPÜ 12:5

Hahepak kü Shemaiah thibüi Rehoboam hatü Judah am lakchongbüthü kü Shishak peipü nangkü Jerusalemei thaiyei nyushingkü jomphong kü, “Shembüpai hapakei enyüke: Nüngi ngei tuhphongpü nangkü ngeiyao nüng Shishakei lakei tuhphongpeih” shei e.

2 SHÜPPÜKENGPÜ 34:24

Shembüpai hapakei enyüke: Hingmei ngei hapa shing hatü haleipü nanglakthü kü shanghah hatü Judah amei ongpa touei iepü laitap kü nyangei nyupü thaüvaü peü koei peihen.

2 SHÜPPÜKENGPÜ 7:19

Shejao ngei nüng kü shuohpü shahkung hatü vanglemthü yakphongtü lepei daiyei lebü kahvang chongphoei khümjema,

ISAIAH 3:11

Nemeipüthü onyükei! Jom meshük lomoh-ang! Jomi mih kü mehe dükshuoh, hapa jom kao dükshuohhen.

JEREMIAH 11:8

Shejao jomi ha nebang, nevaijü dhaong neshaang, shejao mong vaanei mangi mongpü lem kü peü kampeih. Hanangkü vangpüshuwpülei nyangei nyupü thaüvaü kemei jom touei peihüpeih, shejao jomi ha kao nebang” shei eteke.

JEREMIAH 26:4

Shembüpai hapakei enyüke shei jom kü etuh: Ammi ngelei shah nebangjema hatü ngei am kü shuohpü shahkung kü nemüjema,

JEREMIAH 32:23

Jom peiyei hapa kahdok kaamei yahpeih shejao jomi nüngei ven nebang hatü nüngei shahkung kü nemü; jom kü nüngi düktuh shei epü nedük. Hanangkü nüngi jom kü hathü shanghah koei peipeih.”

JEREMIAH 36:31

Ngei büpa, chehathü hatü büpalei lakchongbüthü jomei mang nangkü hanghihühen; ngei Jerusalemei nyupüthü hatü Judah nanglak kü ngei shuohhen shei epü shanghah peü koei peihen, mehenangkü jomi ngei epü nebangpeih.

JEREMIAH 36:7

Üpai nyingpa, Shembüpalei mongshih longpü hapa nanglak khüei shuohhen shei baongpü nangkü jomi Shembüpa touei mang lah-ei jom mang lem kübü mong lepei leikahen aokpeih” shei e.

JEREMIAH 40:2

Mechem veshan mübüi Jeremiah eepa, büpai büpa kü, “Shembüpa, ammei Kahvangi hapa shanghah-ü hapa shing kü shuohhen temtükpü khih,

YOUNG LAI 2:17

Shembüpai mehe dükhen shei tem, büpai ha dükteke; Büpai shelei mebü epü keiha, phahji neshiüi am mahtükteke. Büpai ammei vepathü kü aokpü danghüteke; Am dopü nangkü jom kü mongong shuohteke.

HOSEA 7:12

Jom daishingkü ngei shang haentü ouhathü kei yephen, jom khongi dükpü mang nangkü ngei jom kü lohhen.

MALAKI 2:2

Ammi ha nebangjema, hatü ngelei men müknyinshekhanghen ammei mong kü nelejema, ngei am kü thaüvaü shomhen, hatü ammei moihimanthü thaüvaütükhen. Hih, ammei mongkü ngelei men müknyinshekhanghen nelepü nangkü ngei hathü peü thaüvaütüktepih shei Shembüpa Kahvangi enyüke.

GALATIA 3:10

Mehenangkü shahkungnyü douthü kü mongnyangtü nyupüthü peü thaüvaü phangkü nyüke; mehenangkü, “Shahkungnyü lai kü nyangei nyupü douthü peü üpai nedük nevaijü nebangnya, büpa thaüvaü phangkü nyüke” shei nyangei nyüke.

SHAHKÜP 11:28

shejao ngei shinnyih am kü epü Shembüpa, ammei Kahvangei shah nebangi ammi shelei nekhümpü kahvangthü kü khümei lemnyong kü daijema thaüvaü nyüke.

SHAHKÜP 28:2

Amphongi Shembüpa, ammei Kahvangei ven bangjema ha moihimanthü peü ammei vaihen.

SHAHKÜP 28:45

Ha thaüvaüthü kemei am kü peikahen. Am mangmahkem thahshi jomi am kü changhen hatü she yeihen; mehenangkü amphongi Shembüpa, ammei Kahvangei shah nebang hatü büpai am kü shuohpü shahkungthü nedük.

SHAHKÜP 29:19

Shinnyih hamü omei nyupü üpaiyao hapa lappü dantüktü laophülei mong vaanei, ngei mongpü lem kü longteijao meihen shei tedeih. Hapai am nemeipü hatü meipü peü aihük mü lomohhen.

SHAHKÜP 29:20

Hapa keipü shennyak khüei nyukahen. Hapa laitap kü nyangei nyupü thaüvaü kemei büpa kü hethen, hatü vangsho phang kübü büpalei men thittükhen.

SHAHKÜP 5:1

Mosai Israel am peü chemi nyükei thaihütü jomphong kü eteke: “Oh Israel am, shinnyih ngei ammi danshi epü shahkungnyüthü bangtuh. Hathü nyingei yahtuh hatü dou leiyei düktuh.

JOSHUA 23:15

Shejao Shembüpa, ammei Kahvangi lahpü meipü kemei mekei neshai-i dhaümei peipa, hapa keiha büpai am kü shuohpü kahdok kübü am mangmahkem thahshi Shembüpai nemeipü douthü kemei koei peikahen.

JOSHUA 23:16

Ammi Shembüpa, ammei Kahvangi shuohpü vangteishuwteipü mangtüktü daiyei lebü kahvangthü chongphoei hathü kü khümjema, Shembüpai am khüei mongshih vamhen, hatü büpai am kü shuohpü kahdok kübü lomi mahtükkemhen” shei e.

SHAHPHENBÜTHÜ 2:15

Israel am vehok kü daishan ieyei Shembüpai jom kü epü keiha büpa jom khüei yaongdai. Jom longi lomoh aühaü kü nyuteke.

1 SAMUEL 4:10

Philistia ami monglongshi hok, hatü Israel amü neneüi laophü laophülei baümtapei nyaiyei lei. Shennyak longi mah. Israel am la mü hokpü veshan haja hapüan mah.