SHAHKÜP 28:1 - DAÜLANGPÜ LAIHING (BSI)

¹ Ammi Shembüpa, ammei Kahvangei ven bangjema hatü shinnyih ngei am kü shuohpü büpalei shahkungthü kenhingei noteijema, kahdok shak kübü jatthü peü shak kü amphong shangei longei anshihhen.

SHAHKÜP 28:1 Iomraidhean Croise

1 SHÜPPÜKENGPÜ 14:2

Israel shak kü ong vaihen shingvaishi Shembüpai büpa chonglingei tuhphongpeih, hatü Israel nanglakthülei men kü büpalei ongching shangei longei anshihpeih shei Davidi nying.

MENVIH KESHO 106:3

Üami shahhing dou dük, hatü daülangshemshepü hepak peü kü dük, jom moihiman.

MENVIH KESHO 111:10

Shembüpa nyempeyü kihikon chongpangpü; ha noteipüthü peü kü danaokpü meipü nyüke. Büpa menvihpü den kü nyunyeih.

MENVIH KESHO 119:128

Nüngei shahkungthü kü jiüshi ngei münyüpeih; shahshem lem peü kü ngei jiühitnyeih.

MENVIH KESHO 119:6

Mechem ngei nüngei shahkung peü deih-ei danghenshang, ngei neveühühen.

MENVIH KESHO 148:14

Büpai laophülei nanglakthü shing vaung; büpa kü hinglempüthü, hatü büpa yopailei nyupü Israel nanglakthü shing vihpülüpü vamhüteke. Shembüpa men longtuh!

MENVIH KESHO 91:14

Üami ngei kü bam, ngei jom yanghen; ngelei men nyingpüthü ngei jom yanglanghen.

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

MÜLANGPÜ 23:22

Shejao büpai epü kü ammi kenhingei bangjema, hatü ngei epü dükjema, ammei vepathü kü ngei vepa vaihen, hatü ngei ammei vepa khüei hokhen.

MÜLANGPÜ 23:25

Ammi Shembüpa, ammei Kahvang kü khümhen, hatü ngei am kü hahying yungying moihimanphahen, hatü ngei am toueipü dinlem peü yahlangphahen.

ISAIAH 1:19

Amphongi-üng mongei ven bangjema, amphongi kahdok kü vampü meipü hahhen;

ISAIAH 3:10

Daülangpüthü kü am-üng vangmei khih shei eyeishuoh; Mehenangkü jomi laophülei lak kübü vampü hahshi nyuhen.

JEREMIAH 11:4

büpa kü thaüvaü hettuh. Ngei am kü epü bangtuh, hatü lemphü düktuh, hatü amü ngelei nanglak vaihen, hatü ngeiyü ammei Kahvang vaihen.

JEREMIAH 12:16

hatü jomi ngelei nanglakthülei lemthü meishi nyingjema, hatü ngelei men kü lah-ei, “Shembüpayü vanyangyem Kahvang” shei shelei jomi Baal kahvang kü lahhen ngelei nanglakthü kü nyuhpükei dükjema, jomao ngelei nanglakthü mü chingchingei nyuhen.

JEREMIAH 17:24

Shejao ammi ngei epü banghen kenhingjema, hatü Sabbath nyih hapa chingnyü penyüsha homei hanggo koei neshüjema, shejao meheyao dou nedüki hapa Sabbath nyih daülangi tuhjema,

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

LUK SHAHSHA APPÜ 11:28

Shejao büpai, “Üami Kahvangei shah danei düknya, hathüang moihiman!” shei e.

LUK SHAHSHA APPÜ 9:48

jomphong kü, “Üpai ngelei men kü hapa naü maanpü yahhenshang, ngei yahnyüke, hatü üpai ngei yahnya, ngei shompüba yahnyüke; mehenangkü amphong khongkü peü mü maanpübayü peü mü longpüba” shei eteke.

JOHAN 15:14

Ngei am kü epü dükjema amphongü ngelei küphüthü.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

GALATIA 3:10

Mehenangkü shahkungnyü douthü kü mongnyangtü nyupüthü peü thaüvaü phangkü nyüke; mehenangkü, “Shahkungnyü lai kü nyangei nyupü douthü peü üpai nedük nevaijü nebangnya, büpa thaüvaü phangkü nyüke” shei nyangei nyüke.

SHAHKÜP 11:13

Hanangkü shinnyih ngei am kü shuohpü shahkungnyü ven bangjema; Shembüpa, ammei Kahvang kü bamjema, hatü ammei mongdang kempai, ammei laangha kempai büpa chongphojema,

SHAHKÜP 11:27

Ngei shinnyih am kü shuohpü Shembüpa, ammei Kahvangei shahkung bangjema moihiman nyüke;

SHAHKÜP 15:5

Ammi Shembüpa, ammei Kahvang kü mon ven bangtuh hatü shinnyih ngei am kü epü shahkungthü kü kenhingei mütuh.

SHAHKÜP 26:18

Hatü shinnyih Shembüpai am kü büpalei nanglak, hatü büpai lahpükei büpalei mophimo shei baongteke, hatü amphongi büpalei shahkungthü peü banghen eteke.

SHAHKÜP 26:19

Büpai lingpü lebü jatthü peü shak kü büpai amphong vihpülüpü, menmei hatü dhüm kü tuhhen hatü Shembüpa, ammei Kahvangi lahpükei amphongü büpa lompü daülangpü nanglak vaihen.

SHAHKÜP 28:13

Shembüpai amphong meijaang nevai, shangjing leihühen; shinnyih ngei am kü shuohpü Shembüpa, ammei Kahvangei shahkungthü kü mong shuohjema, hatü kenhingei hathü noteijema amphong mih phei müpü am nevai, mübü leihühen.