SHAHKÜP 27:7 - DAÜLANGPÜ LAIHING (BSI)

⁷ Halei mongjempü moila shuohtuh hatü Shembüpa, ammei Kahvang touei am hahyingei mongongtuh,

SHAHKÜP 27:7 Iomraidhean Croise

NEHEMIAH 8:10

Hapheikü Nehemiah-i hathü kü, “Shemei leituh, hatü meipü hahying hahtuh; vüngnyangpü yiü yingtuh. Ammi nükhiyiü neshiüpü am kao hanei shuohtuh. Shinnyih-ü Shembüpa kü daülangpü nyih; hanangkü mongteshang, Shembüpai shuohpü mongongü ammei wong” shei eteke.

ISAIAH 12:3

Mongongpai ammi yemleipü yungkukthü leipü yung shohen.

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

HABAKKUK 3:18

shejao ngei Shembüpa kü mongonghen; ngei yemleipü Kahvang kü ngei mongmeihen.

PHONGSHANTHÜ DOU 10:36

Büpai Israel nanglakthü touei Jisu Khrista homei chingmei chongvenei shompü shahjangmei ammi nyingei nyüke– büpayü peüei Shembüpa.

ROM SHAHSHA APPÜ 5:1

Hanangkü hinglempai jen dahshakhüpü nangkü jenei Shembüpa Jisu Khrista homei Kahvang mü jen chingmei nyüpeih.

ROM SHAHSHA APPÜ 5:10

Mehenangkü jen Kahvangei vepa vaishi dangkao büpalei Ha dipü homei jen büpa mü mongjem pongpü vaijema, meshük nyeishi mongjem pheikü büpalei yangnyu homei jen yanghen!

SHAHKÜP 12:12

Halei amphongi Shembüpa, ammei Kahvang touei ammei hapeüthü, ammei aathü hatü ammei jilalei nyupü Levi am mü mongongtuh; Levi amü jomei kahdok hayaoha neshiü shei deihtuh.

SHAHKÜP 12:7

Halei, Shembüpa, ammei Kahvangi ammi dükpü lemphü kü moihimanpü nangkü am hatü ammei shem am kemei chemi hahyinghen hatü mongonghen.

SHAHKÜP 16:11

Shembüpa, ammei Kahvang touei ammei hapeüthü, ammei aathü, hatü am mü chemi nyupü Levi am, yenpa-oupathü, hashihhathü hatü vaümnyüthü mü mongongteituh. Hayü büpai jepü khümshingei motuh.

SHAHKÜP 16:14

Ammei hapeüthü, ammei aathü hatü am mü chemi nyupü Levi am, yenpa-oupa, hashihhathü hatü vaümnyüthü mü mongongteituh.

SHAHKÜP 27:6

Shembüpa, ammei Kahvang kü kahmong yaong nebhaoktüki shoei moidü lingtuh hatü halei Shembüpa, ammei Kahvang kü jakpü moila shuohtuh.

SHAHKÜP 27:8

hatü amphongi haongpü yaongthü kü hapa Kahvangei shahkungthü peü meishi lekei nyangtuh.”

PHILIPPI 3:3

Hingshangi japtükpeyü jenphong, Kahvang Laangha kü khümpü, hatü Khrista kü changmeihen hatü phai kü monglemhen changshi nyujao phai kü mong nenyangpeyü jenphong.

PHILIPPI 4:4

Shembüpa kü düngei mongongtuh; shao ngei enyeih, “Mongongtuh.”

KOLOSI 1:20

hatü büpa homei monha Kahvangi dou peü kahdoknyülei vaituh, nevaijü vangsholei vaituh büpa touei mongjemhühen, hatü büpalei shophang iy homei chingmei linghen mong hahpeih.