SHAHKÜP 26:8 - DAÜLANGPÜ LAIHING (BSI)

⁸ Hanangkü Shembüpalei laklu wong longpai, hatü nyemshi hanshi yashanyalepü ngani ham Ijip leipü müei leipeih.

SHAHKÜP 26:8 Iomraidhean Croise

MÜLANGPÜ 12:37

Israel am Rameses kübü Sukkoth thahshi la mü dai. Nyüha hashih ne-ie-i baha mon haja kho vok hükshing nyuteke.

MÜLANGPÜ 12:41

Vangbong 430 dohpü nyih Shembüpalei nanglakthü peü Ijip tuhphongtü dai.

MÜLANGPÜ 12:51

Hapa nyih-üng Shembüpai Ijip kahdok leipü Israel am khongmü khongmü müei leilang.

MÜLANGPÜ 13:3

Mosai nanglakthü kü, “Am Ijip leipü aa vaipü kahdok leipü vamei daipü nyih, shinnyih deih-ei dangtuh; mehenangkü Shembüpai büpalei wonghingani am müei ngailangteke. Daw shihpü aan tehah.

MÜLANGPÜ 6:6

Hanangkü Israel am kü, “Ngeiyü Shembüpa, hatü ngei am yanghen hatü Ijip amei aa vaipü laphen kübü bümei leihühen. Ngei jom kü shahphenpü yah-ei peihen nangkü ngelei nyempühanpü lak nohen hatü ngei am angei leihen.

ISAIAH 63:12

Mosalei lakdah philei laophülei müknyinshekhang laki ngan shompü, hatü nedohnetenpü menmei danghen nangkü jom toueiyungching hantükpü,

JEREMIAH 32:21

Nüngi Israel am Ijip leipü nyangeihepü, yashanyale, laklu wong longpai hatü nyempühanpü longpü hutü müei leipeih.

SHAHKÜP 34:11

Shembüpai Mosa shomei Ijip ongpa, büpalei lakchongbüthü, hatü kahmük kempü kü yashanyalepü hatü thamapü dou dükpükei lebü thibü üpayao nedükangpih.

SHAHKÜP 34:12

Mehenangkü Israel am touei Mosai dükpü keiha üpaiyao nganhilong hatü nyempühanpü dou nedükangpih.

SHAHKÜP 4:34

Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

SHAHKÜP 5:15

Amphongü Ijiplei aa vaihampeih, hatü Shembüpa, ammei Kahvangi büpalei laklu wong longpai am müei leipeih. Hanangkü Shembüpa, ammei Kahvangi hapa Sabbath nyih themhen enyüke.