SHAHKÜP 26:5 - DAÜLANGPÜ LAIHING (BSI)

⁵ Hapheikü Shembüpa, ammei Kahvang tou kü hapakei baonghen, “Hamei bühipayü Aramea am kei longteihampeih, hatü Ijiplei nanglak maani mon yiüei nyuteke, shejao halei nyuei longpü wong kohpü hatü nanglak ahpü jat hük leiteke.

SHAHKÜP 26:5 Iomraidhean Croise

KAHBHAO 12:2

“Ngei-i nüngü jat longpü hük leihühen, hatü ngei nüng kü moihimanhen. Ngei nüngei men longpü leihühen, hatü nüngü moihimanpü leihen.

KAHBHAO 24:4

shejao ngelei kahmük ngelei nanglak touei leiyei ngelei hapeü Isak shing nyüha yemhen shei lahshih” shei eteke.

KAHBHAO 25:20

hatü Isak bong pinyi nyushi Paddan-Aram leipü Aram am Bethuelei yiükha, Labanei chenaü Rebekah mü shem yem.

KAHBHAO 27:41

Shaang chepai Jakob kü moihiman shuohtükpü nangkü Esau-i Jakob kü jiühit, hatü Esau-i büpa nyingi, “Opa dihen nyih ngoikünyüke; hahepak kü Jakob jühen” shei deih.

KAHBHAO 28:5

Hapheikü Isaki Jakob shom, hatü büpa Paddan-Aramei Aram am Bethuelei cheha Laban, Jakob hi Esau nyilei chenyü Rebekahlei chejei touei heih.

KAHBHAO 31:20

Shao Jakobi Aram am Laban kü luteke, ha lappai, büpai büpa kü jom nyaidaihen jung ne-eshuoh.

KAHBHAO 31:24

Shejao Aram am Laban touei yanüng mangh mü Kahvang yiüei büpa kü, “Jakob kü ten vaituh mei vaituh shah phahükao neehen lituh” shei e.

KAHBHAO 31:40

Ngei hapakei ponghah-ei nyupeih: Nyihnüng shaampai, hatü yanüng wohongpai hanghipeih, hatü ngei meishi neshinechongi nyupeih.

KAHBHAO 43:12

Lop shingnyi nyeishi hütuh. Amphongei hanggolei hüshi chongküpü lop hütuh; üpai nyingpa, jomi pungei hüpü vainüng aokpeih.

KAHBHAO 45:11

Ngei nüng kü hahying changshi shuohhen; mehenangkü shao-üng bong nga thahshi münghishaü aoei nyüpeih. Hei vaijema nüng hatü shem am hatü yemhimakthü aeipai nedihen’ shei etuh” shei eteke.

KAHBHAO 45:7

Kahvangi am shekü ngei hatouei shompeyü kahdoknyü kü am yangei tuhhen hatü ammei hühihathü yanghen shingvaishi shompü khih.

KAHBHAO 46:27

Joseph kü Ijiplei hapeü nyi bühjapü ieyei Jakob am shem Ijiplei yiüpü jom pejempüan nyu.

KAHBHAO 47:27

Hapa keiha Israel am Ijip kahdok Goshen shinpü moidoilei nyu, hatü jomi halei shemmei leiyei hüpeü hapeü büh-ei daeisheyei nyu.

KAHBHAO 47:4

Jomphongi Pharaoh kü, “Hamphongü hapa kahdokei yenpa kei kanja nyunüng peiküpeih; mehenangkü Kanan kahdokei münghishaü longi nemei-i peipü nangkü nüngei chongphobüthülei yemhimak kü het ühshing neshiü. Shaang, hami nüng kü khümei phehüpeyü nüngei chongphobüthü kü Goshenei nyuhen hanshih” shei e.

MÜLANGPÜ 1:12

Shejao meshükpa jom bhih-eimaanei leitükhen shüvei, hajükpa jom nyeinya dateke; hanangkü Ijip ami Israel am kü nyemteke,

MÜLANGPÜ 1:5

Jakob kübü phaakpü hapeü hüpeüthü peüshep pejempüan nyuteke. Joseph payü sheleiüng Ijiplei nyuhamteke.

MÜLANGPÜ 1:7

Shejao Israel hapeüthü nanglak longi da, hatü wong koh-ei lei, hatü Ijip kahdokü jomi mateke.

HOSEA 12:12

Jakob Aram kahdokei paüei daiyei, halei Israeli nyüha hük yahhen tata kü chongphoei nyu, hatü nyüha hük nangkü mi yomei nyuteke.

HOSEA 12:13

Shembüpai thibü hük shomei Israel am Ijip leipü mülang, hatü jom jungei yomteke.

PHONGSHANTHÜ DOU 7:15

hanangkü Jakob Ijiplei yiü. Büpa halei di, hatü jenei pathüao halei di,

SHAHKÜP 1:10

Shembüpa, ammei bühipa amei Kahvangi amphongü vangsho lithathü kei dahüpü khih.

SHAHKÜP 10:22

Ammei bühipa Ijip kahdokei pejempüan mon yiüteke, shejao Shembüpa, ammei Kahvangi amphong vangsho lithilen kei dahüteke.

SHAHKÜP 26:4

Ngongpai ammei lak leipü mühdow yah-ei Shembüpa, ammei Kahvangei moidü touei ha haühen.

SHAHKÜP 7:7

Amphongü mih mü hayaoha nyeinya nanglak banghpü nangkü Shembüpai am kü bampü nevaijü jepü nevai; mehenangkü amü kahdoknyü kü peü mü maanpü jat nyuhampeih.