SHAHKÜP 26:2 - DAÜLANGPÜ LAIHING (BSI)

² Shembüpa, ammei Kahvangi am kü shuohpü kahdok kü vampü lemphüli kübü shongpü betjük hanei mühdow kü shihtü Shembüpa ammei Kahvang khümshingei deituh.

SHAHKÜP 26:2 Iomraidhean Croise

2 ONGPATHÜ 4:42

Baal-Shalishah leipü shennyak hüki Kahvang shennyak Elisha kü shongpü betjük kübü barley aungi lingpü aanpha kukha, hatü aungjük ja bhagei peiteke. Elisha-i, “Shennyakthüi ha nyemhahnüng yah-eishuoh” shei e.

2 SHÜPPÜKENGPÜ 31:5

Ngeükhüam danghinüng, Israel ami nekaungi shongpü betjük, yiüja, mainga, nyahjiü hatü kahlei vampü lemphüli shuoh. Jomi lemphü kübü ankhong longi koei pei.

2 SHÜPPÜKENGPÜ 6:6

Shejao ngei kü khümhen shing ngei Jerusalem, hatü ngelei Israel nanglak shak kü ong vaihen ngei David jepeih.’ ”

NEHEMIAH 12:44

Hahepak kü mongong moila, shongpü betjük moila hatü ankhong moila thaipü jaoshing yomhen shennyak jeyei tuh. Shahkungnyüi yüpü aimü chingthü shonei nyupü kahthü kübü Levi am hatü ngongpathü shing shuohpü moila kemei hathüi tuhshingei thaiyei tuhhen eteke; mehenangkü ngongpathü hatü Levi ami chongphopü kü Judah am monghahteke.

NEHEMIAH 13:31

hatü ngei pü moila hatü shongpü betjük moila koei peihen hepak itei shuohpeih. Bampai ngei deih-ei dangtuh, Oh ngelei Kahvang.

MÜLANGPÜ 20:24

Ammi ngei shingvaishi kahdok yah-ei moidü hük mon lingtuh hatü hapa shangkü ammei jakpü moila hatü mongjempü moila, ammei mi, yum hatü mohoh yah-ei ngei kü khümhen shingvaishi am kü shuohpü shing peü kü moilatuh; ngei am touei peikahen hatü moihimanhen.

MÜLANGPÜ 22:29

Nepheidai-i hepak jiüshi ammei puongmong kübü hahying hatü olive mainga moila shuohtuh. Ngei kü ammei hashongpathü moila shuohtuh.

MÜLANGPÜ 23:16

Ammei kah kü sheipü shongpü betjük vetei ammi Hatvet Mo motuh. Ammi kah kü sheipü betjük thailangkempheikü vangbong dohpülei Bang Mo motuh.

MÜLANGPÜ 23:19

Shembüpa, ammei Kahvangei shemei ammei lak kübü vampü shongpü betjük meipü moila deikei. Ammi mi nevaijü yum cheha chenyülei amma mü techeü.

MÜLANGPÜ 34:26

Ammei kah kübü shongpü betjük peü mü meipüba Shembüpa, ammei Kahvangei shemei koei peikei. “Ammi yum cheha chenyülei amma mü techeü.”

JEREMIAH 2:3

Israel amü Shembüpa kü daülangpü, shongpü betjük nyuhampeih. Üami hapa hah, mang thahteke, hatü jom kü shanghah peihampeih shei Shembüpai enyüke.

EZEKIEL 20:40

Mehenangkü ngelei daülangpü kahshang, Israel kahshang shaopülei Israel am phang kemei, jom peü hapa kahdokei jomi ngei chongphohen. Halei ngei jom yahhen, hatü halei ngei jomei moila hatü jomei meipü thintho hatü daülangpü douthü peü yahhen shei Shembüpa Kahvangi enyüke.

EZEKIEL 44:30

Betjük lemphü kübü shongpü betjükthü peü, hatü ammei moila kübü lemphü moila ngongpathülei vaihen; ammei shemei moihiman nyuhen shangmü shongei oukpü aan ngongpathü kü shuohtuh.

EZEKIEL 48:14

Jomi ha neyuhen nevaijü mih mü nejeiteihen; mehenangkü hapayü Shembüpa touei daülangpü nyüke.

LEVI 2:12

Ammi hathüyü Shembüpa kü ammei lak kübü vampü meipü moila kohen aok, shejao hapayü moidü shangkü vong meipü moila kei jakei neshuohhen.

LEVI 2:14

Ammi hahying moila shongpü betjük Shembüpa kü kojema, aw kü shoukei nevaijü ngümtükpü hahying moila shuohtuh.

ROM SHAHSHA APPÜ 11:16

Shongpü hahying kübü aan moila daülangpü vaijema, aopü aan kemei daülangpü nyüke; hatü tünglang daülangpü vaijema kaothüao daülangi nyüke.

ROM SHAHSHA APPÜ 16:5

Jomei shemei nyupü attoi am kao selam ete. Asia kü Khrista touei shongei mong leppü ngei kenpü Epaenetus kü selam ete.

ROM SHAHSHA APPÜ 8:23

hatü lingpü douthü mon nevai, shejao üami shongpü Laangha betjükthü angpa, jenao hapeü kei ungei yahhen, hatü jenei büm angei leihen shingvaishi mongei vaüei-eeyei dannyüke.

1 KORINT 15:20

Shejao hingmei mü Khrista dipü kübü yangei leidai; dipüthü khongkü shongpü betjük.

1 KORINT 15:23

Shejao peüi laophü kü jiüpü ai yangei leihen: Khristayü shongpü betjük; hapheikü büpa yiüshingkü Khristalei lompüthü yangei leihen.

1 KORINT 16:2

Hatyang kü shongpü nyih kü am peüi laophü kü peipü ittü lop yowei tuhtuh; shejüang ngei peishingkü lop nethaihen.

SHAHKÜP 16:10

hatü Shembüpa, ammei Kahvangi am kü shuohpü moihiman aimü Shembüpa, ammei Kahvang kü mongongpü moila shuoh-ei Hahvet Mo motuh.

SHAHKÜP 18:4

Ammei hahying khongkü shongpü betjük, yiü, hatü olive mainga hatü ammei mi kübü shongei jappü mimum kemei jom kü shuohhen;

SHAHKÜP 26:1

Mechem Shembüpa, ammei Kahvangi am kü mükjüp shuohpü kahdok ngoiyei halei chingchingei nyuei daihen,

SHAHKÜP 26:3

Hahepak kü chongphoei nyupü ngongpa kü peiyei, “Jen kü shuohhen shei Shembüpai jenei bühipa kü lahpü kahdokei ngei shinnyih nyunyüpeih shei baongnyüpeih” shei ehen.

JAKOB 1:18

Jenphong büpai lingpü peü mü shongpü betjük leihen shingvaishi büpalei mükhong jiühüei büpai jen shahhing shah-i bühpeih.

JOSHUA 18:1

Hapheikü Israel am khong kemei Shilohlei thai, hatü halei ashakshem veteke. Jomi vehok neü, hatü kahdok jom phangkü tuh.

SHAKEI VAMPÜ 14:4

Jomphongü nyüha mü nesheihpüthü; mehenangkü jom daüeilangei nyu; jomi Mi Cheha melei dai, halei müei dainyüke. Jomphongü hangku khong kübü Kahvang hatü Mi Cheha shingvaishi angei leilangpü shongpü betjükthü nyuteke,