SHAHKÜP 26:11 - DAÜLANGPÜ LAIHING (BSI)

¹¹ Am hatü ammei shemongsha kü Shembüpa, ammei Kahvangi lemphü doumei shuohpü shingvaishi am hatü Levi am hatü am mü lakeiloiyei nyupüthü peü mongongtuh.

SHAHKÜP 26:11 Iomraidhean Croise

NEHEMIAH 8:10

Hapheikü Nehemiah-i hathü kü, “Shemei leituh, hatü meipü hahying hahtuh; vüngnyangpü yiü yingtuh. Ammi nükhiyiü neshiüpü am kao hanei shuohtuh. Shinnyih-ü Shembüpa kü daülangpü nyih; hanangkü mongteshang, Shembüpai shuohpü mongongü ammei wong” shei eteke.

CHONGVENBÜ 3:12

Hangkuli shingvaishi mongonghen hatü yemmü nyupü thahshi mei dükhen mü lenei lebü meipü meheyao neshiü shei ngei nyingpeih.

CHONGVENBÜ 3:13

Peüi hahhen, yinghen hatü laophüi dükpü dou kü mongong danghen, hapayü Kahvangei thintho khih.

CHONGVENBÜ 5:18

Hapayü meipü khih shei ngei eepeih: Kahvangi shuohpü yangnyu nyih shohük mong aa kü shennyak hük shingvaishi hahhen, yinghen hatü laophüi dükpü dou kü hüshemei nyuhen, hapa-üng büpalei lashüh khih shei ngei nyingpeih.

CHONGVENBÜ 7:14

Mechem hepak vangpan meihenshang, mongongtuh, shejao mechem hepak ten peihen, Kahvangi hayao hatü hükpayao lingpeih shei deihtuh. Hanangkü shennyak hüki ngoikahen nang meheyao nenyingaokpih.

ISAIAH 65:14

Ngelei chongphobüthüi mongkü mongongpai kesho lokhen, shejao amü mongkü tüngpai thephen, hatü laangha mangei mahng thephen.

ZEKHARIAH 9:17

Jom meshük veinyuhüshi hatü dhe meishi chongkahen! Hahyingi nethethü hatü yiünaüi nelathü wong kohhühen.

1 KORINT 9:11

Hami am kü laangha li haiphei vaijema, hami am leipü mop danghenü ahshi ahdaipü je?

SHAHKÜP 12:12

Halei amphongi Shembüpa, ammei Kahvang touei ammei hapeüthü, ammei aathü hatü ammei jilalei nyupü Levi am mü mongongtuh; Levi amü jomei kahdok hayaoha neshiü shei deihtuh.

SHAHKÜP 12:18

Shembüpa, ammei Kahvang touei am hatü ammei hapeüthü, ammei aathü hatü ammei jilalei nyupü Levi am kemei Shembüpa, ammei Kahvangi jepü shingei hathü moilathü hahhen, hatü halei ammi dükpü lemphüli shingvaishi mongongteihen.

SHAHKÜP 12:7

Halei, Shembüpa, ammei Kahvangi ammi dükpü lemphü kü moihimanpü nangkü am hatü ammei shem am kemei chemi hahyinghen hatü mongonghen.

SHAHKÜP 16:11

Shembüpa, ammei Kahvang touei ammei hapeüthü, ammei aathü, hatü am mü chemi nyupü Levi am, yenpa-oupathü, hashihhathü hatü vaümnyüthü mü mongongteituh. Hayü büpai jepü khümshingei motuh.

SHAHKÜP 27:7

Halei mongjempü moila shuohtuh hatü Shembüpa, ammei Kahvang touei am hahyingei mongongtuh,

SHAHKÜP 28:47

Mehenangkü am angei deiyei nyushingkü mongongshi Shembüpa, ammei Kahvang chongnepho.

PHILIPPI 4:4

Shembüpa kü düngei mongongtuh; shao ngei enyeih, “Mongongtuh.”