SHAHKÜP 25:19 - DAÜLANGPÜ LAIHING (BSI)

¹⁹ Mechem Shembüpa, ammei Kahvangi am kü mükjüp shuohpü kahdok kü shonei nyupü vepathü kübü yangei nyuhen, vangsho phangkü üpaiyao deih-ei nedanghen shingvaishi ammi Amalek am jütüktuh. Ammi hapa tebetük.

SHAHKÜP 25:19 Iomraidhean Croise

1 SHÜPPÜKENGPÜ 4:43

Jomi nemah-i nyushuohpü Amalek am kemei jütüktü jom halei nyuei daipeih.

ESTHER 3:1

Hathü dou vampheikü Xerxes ongpai Agag am Hammedathalei cheha Haman büpa mü nyupü lakchongbüthü peü shak kü shaopü uoshing kü uohü.

ESTHER 7:10

Hanangkü Mordekai jühen nangkü lingpü anshai pülüng shangei jomphongi Haman bakla kü bheanei jü. Hahepak kü ongpa mongshihpü meidai.

MÜLANGPÜ 17:14

Hahepak kü Shembüpai Mosa kü, “Deih-ei danghen shingvaishi hapa vehok neüpü laitap hük kü nyangtuh hatü Joshua-i danshi ietuh. Ngei vangsho phangkü Amalek am chemjalak kü deiheilehen kübü thitei yaktükhen” shei eteke.

MÜLANGPÜ 17:16

Büpai, “Shembüpalei khüamlung shaoshi notuh! Shembüpai hüdenhalenshi Amalek am mü hokhen” shei eteke.

MÜLANGPÜ 33:14

Shembüpai, “Ngei am mü omshi daihen hatü ngei am kü aokpü shuohhen” shei eteke.

SHAHKÜP 12:9

mehenangkü am nyiumeishing hatü Shembüpa, ammei Kahvangi am kü mükjüp shuohpü kahdok mangngoi.

SHAHKÜP 21:23

amphongi hapa mahng vangnyak kemei pülei sheüshi tetuhphong. Büpa ha nyih-üng vütüktuh; mehenangkü üpa pü kü sheünya, büpa Kahvangei thaüvaü phangkü nyüke. Shembüpa, ammei Kahvangi am kü mükjüp shuohpü kahdok nyeteinyangei tetuh.

SHAHKÜP 26:1

Mechem Shembüpa, ammei Kahvangi am kü mükjüp shuohpü kahdok ngoiyei halei chingchingei nyuei daihen,

SHAHKÜP 3:18

Hahepak kü ngei amphong kü hapakei epeih, “Shembüpa, ammei Kahvangi amphong kü hapa kahdok shuohteke. Shejao hokaokhen shennyakthü kemei hokhen shingvaishi Jordan yung homei ammei jeihinaüthü Israel am shekü daituh.

SHAHKÜP 9:14

Ngei lak neyingi jom mahtükhen hatü vangsho phang kübü jomei men thittükhen, hatü ngei nüngü jom mü wong kohpü hatü longpü jat hük leihühen” shei ephüteke.

JOSHUA 11:23

Shembüpai Mosa kü epükei Joshua-i kahdok kemei yah; hatü Joshua-i Israel jat ieyei kü hapa kahdok mükjüp hanei shuoh. Hapheikü mon kahdok kü hokpüheipü dohteke.

JOSHUA 23:1

Hepak longi daipheikü Shembüpai Israel am kü jom shinei nyupü vepathü peü kübü nyiumei shuoh, hatü hahepak kü Joshuayü longi viüdaitü nyu,

JOSHUA 6:3

Veshanthü kemei hapa chingnyü shinei nyih kü chem shinhen. Hapakei nyih vok shinhen.

JOSHUA 7:12

Hanangkü Israel ami vepathü khüei neyangaoki nyemei nyaipü khih; hanangkü jomphongao mahhen shangteke. Ngei teyah shei epü dou amphongi nemangtükpü thahshi ngei am mü nenyuküpih!

1 SAMUEL 14:48

Büpai longi mangshi hok, hatü Amalek am neütük, hatü Israel am kü nemeipüthü peü kübü yangei tuh.

1 SAMUEL 27:8

David hatü büpalei shennyakthüi Geshur, Girzi hatü Amalek am hahteke. Mehenangkü Telam kübü Shur hatü Ijiplei aongpü lemei jom chingchingei nyuteke.