SHAHKÜP 25:1 - DAÜLANGPÜ LAIHING (BSI)

¹ Mechem shennyak nyi dehenshang, hapayü shahphen shingei deihen, hatü shahphenbüthüi jiüpü shennyak dah shakei hatü nejiüpü shennyak nyonghüei shahphenhen.

SHAHKÜP 25:1 Iomraidhean Croise

2 SAMUEL 23:3

Israel Kahvangi eteke; Israel amei Yaongnyüi ngei kü eteke: Kahvang nyemshi üpai ngelei nanglak kü shahhing kü vanglem lemnya,

1 ONGPATHÜ 8:32

nüngi vangsho leipü hapa bangtuh, hatü düktuh hatü pungpüba nyonghüei büpai dükpü büpalei shangjing kü kohütuh, hatü jiüpüba kü jiüpü shangshi thintho shuoh-ei dah shakhütuh.

MÜLANGPÜ 22:9

Mohoh, gadu, mi, ashakviha nevaijü mahdaipü dou dangjü shembü nyi vamei ngelei, ngelei shei aetteijema, jijiphen Kahvang khümshingei deihen; Kahvangi üpa nyonghühen, büpai hükpa shennyak kü shing nyi shemhühen vongbong.

KANDOK 17:15

Üpai nejiüpü shennyak hük dah shakhünya, hatü üpai jiüpü shennyak-ang nyonghünya, jiji nyiphen Shembüpa touei jiühitbenüng nyüke.

ISAIAH 1:17

Jiüpü dükhen nyingtuh, shahhing yemtuh, neaoknethangpüthü kü sheühtuh. Hashihhathü kü jiüpü düktuh, vaümnyülei shahphentuh.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

ISAIAH 11:4

shejao taopathü kü daülangshemshepai, hatü kahdoknyü kü nehahneyingpüthü kü shahhingi shahphenhen. Büpai büpalei ju kübü nyiamlüngi kahdoknyü kü bheihen, hatü büpalei ju kübü ngüi nemeipüthü jütükhen.

ISAIAH 5:20

Ten kü mei shei epüthü, hatü mei kü ten shei epüthü; Vangngai nangjei vangnyak, vangnyak nangjei vangngai leitükpüthü; Vüngnyang nangjei shahyak, shahyak nangjei vüngnyangpü shihpüthü onyükei!

ISAIAH 5:23

Yawhdou nangkü mang kü mang shei nedeihpü, shejao mang neshiüpüthü kü jiüpü nedükpüthü!

JEREMIAH 21:12

Oh David am shem, Shembüpai hapakei enyüke: “Nepnüng dhom ieyei shahhing dou düktuh; Shüveipüthülei lak leipü gühlangshuohpü shennyakthü yangtuh. Hei nevaijema ammi dükpü mang nangkü ngei mongshih vamhen, hatü üpaiyao nemetaokhen mü aw kei bahhen.

YOUNG LAI 3:35

Jaipüba touei shennyak hük kü jiüpü nedükpü;

YOUNG LAI 3:36

shennyak hük kü shahhing nedükpü kü Shembüpai henüng keipü kü neveinyu je?

EZEKIEL 44:24

Dehilao kü jomphongü ngelei shahkung aimü shahphenbü vaihen; mohitap peü nangkü jomi ngelei shahkung hatü vanglemthü peü jiüshi nohen, hatü jomi ngelei Sabbath nyih daülangi tuhhen.

HABAKKUK 1:13

Ten kü veihen nüngei mükü ahshi-üng daülangpü nyüke, hatü douten dükpü kü nüngi neveihünyu. Shejema mehekei lawlüppüthü kü nüngi hei-üng veishi nyudainya? hatü nemeipüthüi jom mü nyeinya daülangpüthü lühtükpü kü nenmü veishi nyudainya?

HABAKKUK 1:4

Hanangkü shahkungnyü juwdai hatü shahhing neshiü. Shennyak tenthüi daülangpüthü kü shonlangteke; hanangkü shahhingü shahshem leitükteke.

MALAKI 3:18

Shao chem, ammi daülangpüthü hatü nedaünelangpüthü aa kü, hatü Kahvang chongphopüthü hatü büpa chongnephopüthü aa kü baong hanei eehen.

MATHI 3:10

Shaangao pü chongei ay haüshi nyüke; betjük meipü nejükpü pü agtükhen hatü awbhaong kü shüktükhen” shei e.

SHAHKÜP 17:11

Jomi shuohpü shahphen aimü düktuh hatü ha kübü nyonghidah kü teleplük.

SHAHKÜP 24:22

Ijiplei aa vaihampeih shei nebetüki deihtuh. Hanangkü ngei hapa shahkung ammi dükhen shuohnyüpeih.