SHAHKÜP 24:17 - DAÜLANGPÜ LAIHING (BSI)

¹⁷ Yenpa-oupa nevaijü hashihhathü kü jiüpü hean ammi aetei teyah, nevaijü bheishe hang nangkü vaümnyülei ashak chüngei teyah.

SHAHKÜP 24:17 Iomraidhean Croise

JOB SHAHSHA APPÜ 22:6

Shahshemi nüngi nüngei jeihinaüthü leipü lop yahnyüke, hatü nüngi shennyakthü leipü büm-ow nyiukei yahtü bümkong tuhphongnyüke.

JOB SHAHSHA APPÜ 24:3

Jomi hashihhathülei gadu yahlangnyüke; hatü vaümnyülei mohohbaong bheishe kü yahlangnyüke.

MÜLANGPÜ 22:20

Shembüpa, ngei mü lenei shennyak üpai lebü kahvang kü jakpü moila shuohhenshang, jütüktuh.

MÜLANGPÜ 23:2

Nejiüpü dou dükhen nüngi khongnyü phei temü; ammi shahphen shingei mechem denpü shuohhen, shahhingi shahshem leitükpü khong phei temü.

MÜLANGPÜ 23:6

Shahphen shingei ammi taopathü kü dah-i nyong teleihü.

MÜLANGPÜ 23:9

Ammi benha kü tenaam; benha hüki mekei deihnya, ammi nying; mehenangkü amao Ijip kahdokei benha vaiyei nyuhampeih.

KANDOK 31:5

Hei nevaijema jomphongi yiü yinghen, hatü shahkungnyü betükhen, hatü hanghipü nanglakthü kü jiüpü nedükaokhen.

CHONGVENBÜ 5:8

Kahmük hük kü taopathü hanghipü, hatü jom kü shahhing hatü jiüpü nedükshuoh-i eejü nüngi hapa kü tethama; mehenangkü lakchongbü hük kü büpa dok kübü lakchongbü hüki veinyüke, hatü jijiphen dok kü shao-üng lebü lakchongbü longpüthü nyüke.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

ISAIAH 3:15

Ngelei nanglakthü ngümtükpü, taopathülei dhe nihtükpü mehe lappüang?” shei Shembüpa, Jeiyong Kahvangi enyüke.

ISAIAH 33:15

Üami kangshangi kamnya, hatü jiüpü enya, aetpüshepü homei nanglei dangpü üami yaktüknya, hatü yawhdou neyah-i laophülei lak yeplangnya, jüteishangteihen tempü küpjan kü dhaong neshaangnya, hatü nemeipü kü nevei-i laophülei mük ngühdainya,

JEREMIAH 22:3

Shembüpai hapakei enyüke: Mehe shahhing hatü jiüpü nyüpa, ha düktuh. Shüveipüthülei lak leipü gühlangshuohpü shennyak yangtuh. Yenpa, hashihha nevaijü vaümnyü kü nejiüpü tedük nevaijü jom kü teshüvei, hatü hapa shing kü mang neshiüpü iy teyenhü.

JEREMIAH 5:28

jom nitei hatü nyülüki leinyüke. Jom mang dou dükhen kü hajük shei neshiü; jomi shahhingi shahphen neshuohnyu; Jomi hashihhathü kü jomei jiüpü hean neshuohnyu, hatü ponghahpüthü kü shahhing nedükshuohnyu.

EZEKIEL 22:29

Hapa kahdok kübü shennyakthüi aeteishenyüke hatü gühnyüke; jomphongi taopathü hatü nehahneyingpüthü kü shüveinyüke hatü yenpa-oupathü kü aeteisheyei nejiüi düknyüke.

EZEKIEL 22:7

Hapa chingnyü kü nyupü peüi nyühipa kü dhüm neshuohnyu; hapa chingnyülei nyupü benhayahathü leipü aeteishenyüke; hashihha hatü vaümnyüthü nyongtüknyüke.

LEVI 19:33

Mechem ammei kahdokei ammei yenpa nyuhen, jom kü ne-ienelemi teno.

MIKA 7:3

Jomei laki mehe ten, ha longi manshi düknyüke; Ongthü hatü shahphenbüthüi yawhdou yünyüke, hatü longhiongthüi jomi ehüpükei ten enyüke, hatü jom peü chemi phaüshah shownyüke.

ZEKHARIAH 7:10

Vaümnyü nevaijü hashihha, yenpa-oupa hatü taopa kü teshüvei. Ammei mongkü hüki hük khüei ten tedeih.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

LUK SHAHSHA APPÜ 3:14

Hahepak kü veshanthü hanei büpa kü, “Hamphongiyao mehe dükhenang?” shei phe. Büpai jangei, “Amphongi üpa leipao lop te-aet nevaijü üpa kao shahshemi tenyonghü– nüngi mehe ang, ha kü mong hüshemei nyutuh” shei e.

SHAHKÜP 1:17

Baong hanei shah tephen; üpa vaihenshang vaijao longpü maanpü aihük mü notuh. Üpa kao tenyem; mehenangkü amphongi shahhingi shahphen shuohpeyü Kahvang leipü nyüke. Amphongi nephenaokhen mü wongpü shahhidou nyujema ngei touei deikei hatü hapayü ngei phenhen.

SHAHKÜP 16:19

Amphongi shahhingi shahshem teleitük nevaijü baong hanei teno. Ammi yawhdou teyah; mehenangkü yawhdoui nyingpühingpüthü mükphüngtüknyeih hatü shahhing epüthülei shah keüdainyeih.

SHAHKÜP 24:13

Büpai yanüng ha kü shihen shingvaishi om dhüküjü yah-ei leiyeishuoh. Büpai am kü mongonghen, hatü hapa kü Shembüpa, ammei Kahvangi am kü mongonghen.

SHAHKÜP 24:18

Amü Ijiplei aa vaihampeih hatü Shembüpa, ammei Kahvangi am bümei leihüpeih shei deih-ei dangtuh; hanangkü ngei hapa shahkung ammi dükhen shuohnyüpeih.

SHAHKÜP 24:6

Ammi bheishe hang nangkü yaong shemshak, hakei-üng ngümteipü dokpa yaong dangkao teyah; mehenangkü hapayü hangkulei shünyüshong vetlangpü kei nyüke.

SHAHKÜP 27:19

“Üami benha kü, hashihha kü, hatü vaümnyü kü shahhing nenonya, hapa shennyak kü thaüvaü hettuh.” Hahepak kü nanglak peüi, “Amen!” shei ehen.

JAKOB 2:6

Shejao ammi taopathü kü dhüm neshuohnyu. Am kü shüveipeyü shemmeithü nevaipü je? Shahphen shingei am müei deipeyü hathü nevaipü je?