SHAHKÜP 23:5 - DAÜLANGPÜ LAIHING (BSI)

⁵ Shejao Shembüpa, ammei Kahvangi Balaami epü kü nebang; am shingvaishi thaüvaü-ü moihiman leipeih; mehenangkü Shembüpa, ammei Kahvangi am kü bamteke.

SHAHKÜP 23:5 Iomraidhean Croise

2 SAMUEL 16:12

Shembüpai ngelei shanghah kü veihen hatü shinnyih ngei hapa thaüvaü dangpü shing lemhük meipü nyokei yahphahen aokpeih” shei e.

NEHEMIAH 13:2

Mehenangkü jomi Ijip leipü Israel am leishingkü hahying yungying neshuoh, shejao Israel am kü thaüvaühen lop shuohtü Balaam shak. Shejao hamei Kahvangi hapa thaüvaü moihiman leihüpeih.

MENVIH KESHO 73:1

Hingmei Kahvangü Israel am, hatü mongdang daülangpüthü kü meinyüpeih.

KANDOK 26:2

Shing nelingi piteipü ajekha kei, nevaijü khihmang ouha yüteipü keiha, nüngi danghen neshangpü kü thaüvaü nehetnyih.

JEREMIAH 31:3

Peihdaipü hepak kü Shembüpa ham touei vamei eteke: “Nedohnetenpü bampai ngei nüng kü bampeih; Hanangkü nedoh-i ngei bampü nüng kü hupeih.

EZEKIEL 16:8

Shao mechem ngei am peih-ei daipa, ngei am kü veishuohjü amü chühimai yemhen hepak ngoidaitü nyuteke. Ngei am bümkong nyupü kü ngelei bhagthuh-i jümhüpeih, hatü ngei am mü lah-ei vangpüshuwpü lingpeih hatü amü ngei lompü leihüpeih shei Shembüpa Kahvangi enyüke.

MIKA 6:5

Ngelei nanglakthü, Moab am Balak ongpai am kü mehedükhen küpjan tempa? hatü Beorlei cheha Balaami mehe jangshuohpa, deih-ei dangtuh. Ammi Shembüpai shahhing dükpü nyinghen shingvaishi Shittim kübü Gilgal thahshi yendai shingkü mehe heüpa, ha nyingtuh.

MALAKI 1:2

Shembüpai enyüke, “Ngei am kü bamnyüpeih.” Shejao, “Nüngi ham kü mekei bamnya?” shei ammi enyüke. Esau-ü Jakobei chejei nevaipü je? shei Shembüpai enyüke. Halangmao ngei Jakob kü bam,

BHEI-IE 22:35

Shejao vangsho phongshani Balaam kü, “Ha shennyakthü mü daituh, shejao ngei mehe nüng kü epa, hapa mon etuh” shei e. Hanangkü Balaam jomphong mü dai.

BHEI-IE 22:5

Amaw kahdok Euphrates yungyen yopailei Peorlei cheha Balaam nyükhen shingvaishi phongmokbü shomei Balaki eteke: “Ijip leipü nanglak khong hük peiyei shing peülei yaüshi nyüke, hatü ham yopailei nyüke.

BHEI-IE 24:9

Mailang keiha jom lemeileyei nyunyüke; mailang chenyüi keiha üpai jom phukaokhen? Üpai am moihimannya, jom kao moihimanhen, hatü üami am kü thaüvaühen, jom kao thaüvaühen.”

ROM SHAHSHA APPÜ 11:28

Shahjangmei nangkü ammei men kü jomphongü Kahvangei vepathü, shejao jepü philei jomü chebü chepalei men kü bampüthü;

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

ROM SHAHSHA APPÜ 9:13

Ha nyangei nyüke: “Ngei Jakob kü bampeih, shejao ngei Esau kü jiühitpeih.”

2 KORINT 4:17

Mehenangkü hapa maanpü hatü kansho hük shangpongpü homei ham shing shetei neaokpü nedohnetenpü müknyinshekhang temnyanyüke;

SHAHKÜP 2:29

Seirlei Esaulei hühihathü hatü Arlei Moab ami mongpükei ham kü ammei kahdok homei daiyei Jordan yungyen homei Shembüpa, hamei Kahvangi ham kü shuohpü kahdok ngoihen mongshih.

SHAHKÜP 33:3

Hingmei nüngi nanglakthü kü bamnyüke; daülangpüthü kemei nüngei lakmongei nyüke. Nüngei la touei jom peü aümei shanyüke, hatü nüng leipü shahkung yahnyüke.

SHAHKÜP 4:37

Mehenangkü büpai ammei bühipa kü bampü nangkü, büpai amphong jeteke, hatü büpalei wong longpai büpai amphong Ijip leipü müei leiteke.

JOSHUA 24:10

Shejao ngei Balaami epü kü nebang; hatü büpai leiyei am kü moihimanpeih; hapakei ngei büpalei lak leipü am yangei tuhpeih.”