SHAHKÜP 23:23 - DAÜLANGPÜ LAIHING (BSI)

²³ Ammei jubenyeijaangi mehe enya, ha hingmei dükhen vongbong; mehenangkü ammi mongi aokei jui lahteke.

SHAHKÜP 23:23 Iomraidhean Croise

MENVIH KESHO 116:18

Büpalei nanglak peü nyupü touei ngei Shembüpa kü lahpü dükhen.

MENVIH KESHO 50:14

Kahvang kü menvih shuohpü jakpü moila shuohtuh, hatü Jaipüba kü nüngi lahtükpü düktuh.

KANDOK 20:25

Shennyak hüki daülangpü dou dükhen shei lahtüktü pheilei mon hapa lahpü dükjema, büpa shing hühhihang leidainyüke.

JEREMIAH 44:17

Hami dükhen shei epü lemphü dükhen. Hami Vangsho Onglanyü kü ham hatü lakchongbüthüi Judah jila hatü Jerusalem chingyangshong kü ayingshü jakei, yiü moila langei khümpükei khümhen hih. Hahepak keyü hamü hahying changshi, angeideiyei hatü neshanghah-i nyupeih.

LEVI 27:2

“Israel am kü hapakei etuh” shei e: Shennyak hanei-i Shembüpa kü büpa kü shangpü bhei shuoh-ei daühühen hayaoha vangjema,

BHEI-IE 30:2

Mechem shennyak hüki Shembüpa kü lemhük shuohhen shei vangeishuwhen, nevaijü lemhük nedükhen shei vangpüshuwpü yahhenshang, büpai hapa lahtükpü nemanghen vongbong; büpai dükhen shei etükpü lemphü dükhen vongbong.

MATHI 5:33

Shao aivang den kü nyupü am kü, “Ammi shahshemi tevang, shejao ammi Shembüpa kü vangtükpü jiüshi düktuh” shei epü ammi danteke.

PHONGSHANTHÜ DOU 23:12

Nepphei Jehoda am thaiyei Paul mangjü thahshi nük nehahhen hatü yung neyinghen phaüshah show, hatü vangteiteke.

PHONGSHANTHÜ DOU 23:21

Shejao nüngi jomei yawh kü teshü; mehenangkü jom pinyi mü nyeishi büpa jühen tapei nyüke. Büpa mangjü thahshi nehah neyinghen vangteitü nyüke. Jom shaang temei nyüke, hatü nüngi mongshuohpü mon danei nyüke” shei eteke.

SHAHKÜP 23:22

Shejao ammi hapakei nelahjema, am mang neshiü.

SHAHKÜP 23:24

Ammi hanei amei nyalingngupai kah homei kamjü ammi hahhüpüshük hapa vaümei hahhen aok, shejao ajükao vaümei koei nedaihen.

JOSHUA 9:18

Shejao Israel ami jom ching nehah-aok; mehenangkü Shembüpa, Israel amei Kahvang men kü khong mübüthüi vangeishuwtük. Nanglakthü peüi hapa nang kü eela-ei langmaan.

SHAHPHENBÜTHÜ 11:35

Mechem büpai pinnyü eepa, büpai mongshangei laophülei ashak shaaktük hatü lenei, “Oh ngelei yiükha! Nüngi ngelei mongdang mangtükteke! Mehenangkü ngei Shembüpa kü vangpüshuwpü hük lingpeih, hatü ngei ha mangtüknüng neaok” shei e.

1 SAMUEL 1:11

Pinnyüi, “Oh Jeiyong Shembüpa, nüngi nüngei chongphobü mongshang kü mon-üng veiphülangmeyü hatü nüng chongphobü nebetüki deih-ei dangtü bahanaü hük dangkao yahphülangmeyü ngei büpalei yangnyu den kemei Shembüpa chongphohen lanei shuohhen, hatü büpalei shangjing kü meet-i chemao neshemhen” shei hapakei lah-ei eteke.

1 SAMUEL 14:24

Ha nyih Israel am aeipai longi yüh-eiyangei nyu; mehenangkü Sauli, “Om mangdhü thahshi hatü ngei ngelei vepathü kü bhüh mangyem thahshi üpai hahying hahhenshang büpa kü thaüvaü hettuh” shei vangteke. Hanangkü veshanthü üpaiyao meheyao nehah.