SHAHKÜP 23:21 - DAÜLANGPÜ LAIHING (BSI)

²¹ Ammi Shembüpa, ammei Kahvang kü vangjema, hapa jiühühen tephei; mehenangkü Shembüpa, ammei Kahvangi hingmei ha am leipü yühen hatü ha nedükjema mang nyüke.

SHAHKÜP 23:21 Iomraidhean Croise

KAHBHAO 28:20

Hapheikü Jakobi, “Ngei daipü yenlem yangkü Kahvang ngei mü nyuei ngei yomjema, hatü hahying shuoh-ei ashakviha owhen yahphüjema,

JOB SHAHSHA APPÜ 22:27

Nüngi büpa kü phopjü büpai jangphahen, hatü nüngi lahtükpü dükaokhen.

MENVIH KESHO 116:18

Büpalei nanglak peü nyupü touei ngei Shembüpa kü lahpü dükhen.

MENVIH KESHO 15:5

Üpai lop kü lop bhüei lop nelushuohnya, hatü nenyingpü am khüei yawhdou neyahnya, üpai hathü dou düknya, büpa nejenleni yangei nyuhen.

MENVIH KESHO 50:14

Kahvang kü menvih shuohpü jakpü moila shuohtuh, hatü Jaipüba kü nüngi lahtükpü düktuh.

MENVIH KESHO 56:12

Nüng kü lahtükpü ngei dükhen vongbong, Oh Kahvang; Ngei nüng kü menvih shuohpü moila shuohhen.

MENVIH KESHO 61:8

Nyihjeih ngei lahpü dükshingkü ngei düngei nüngei men kü menvih kesho lokhen.

MENVIH KESHO 76:11

Nüngi mehe lahtük ha Shembüpa, nüngei Kahvang kü jiüshi düktuh; Büpa shinei nyupüthüi nyemshihanshi nyupüba kü thintho koei peituh.

MÜLANGPÜ 22:24

hatü ngei mongshih vamhen, hatü ngei amü vehok kü mahtükhen, hatü ammei nyüha vaümnyü hatü ammei hapeüthü hashihha leitükhen.

EZEKIEL 18:8

Büpai bhüei danghen kü lop nelushuohnyu, nevaijü lop bhüei neyahnyu. Büpai nemeipü dükhen kübü büpalei lak shümlangnyüke, hatü shahhing shahphenpü shuohnyüke.

JONAH 1:16

Hathü shennyakthüi nyeinya Shembüpa kü nyem, hatü jomi Shembüpa kü jakpü moila shuoh, hatü vangeishuwteke.

JONAH 2:9

Shejao ngei nüng kü menvih shuohpü mü ngei jakpü moila shuohhen. Ngei mehe lah, ha ngei dükhen. Yemleipeyü SHEMBÜPAleipü peinyeih.

NAHUM 1:15

Antolei kahshangthülei chingmeivangmei shahjangmei kotü peiküpü shahjang kobü kü veihümao! Oh Judah nanglakthü, ammei monyü moha motuh, hatü ammi lahtükpü düktuh. Hajük kü nemeipü ami am shak kü neaokhüpih; Jomü chemjalak kü mahdaiteke.

MATHI 5:33

Shao aivang den kü nyupü am kü, “Ammi shahshemi tevang, shejao ammi Shembüpa kü vangtükpü jiüshi düktuh” shei epü ammi danteke.

SHAHKÜP 14:29

Hapa hahyingü ammei jilalei nyupü Levi am shingvaishi nyüke; mehenangkü jomei mükjüp meheyao neshiü, hatü benhathü, hashihhathü hatü vaümnyüthü shingvaishi nyüke. Jom peiyei hüshemshi hahhen, hatü Shembüpa, ammei Kahvangi ammi dükpü lemphüli kü moihimanphahen.

SHAHKÜP 15:3

Ammi yenpa-oupa leipü bheishe hang yühen aok, shejao ammei jeihinaüi shemhen nyupü bheishe hang neyühen.

SHAHKÜP 23:18

hatü hapakei büm yuei latpü lop Shembüpa, ammei Kahvangei shemei lahpü jiühühen shingvaishi koei nepeihen; mehenangkü Shembüpai henüng kü jiühitnyeih.

SHAHKÜP 23:22

Shejao ammi hapakei nelahjema, am mang neshiü.

1 SAMUEL 20:16

Hanangkü Jonathani David am shem mü vangeishuwei, “Shembüpai Davidei vepathü leipü ha yiühen” shei e.