SHAHKÜP 23:18 - DAÜLANGPÜ LAIHING (BSI)

¹⁸ hatü hapakei büm yuei latpü lop Shembüpa, ammei Kahvangei shemei lahpü jiühühen shingvaishi koei nepeihen; mehenangkü Shembüpai henüng kü jiühitnyeih.

SHAHKÜP 23:18 Iomraidhean Croise

1 ONGPATHÜ 14:24

Nyeinya vaishi kahmük kü khümshing peülei büm yupü bahathü nyuteke. Israel am toueipü changtükpü jatthüi dükbenüng jiühitnalai mang lemphü jomphongi dük.

MENVIH KESHO 22:16

Shithü ngei shonei thai, nemeipü shennyakthü ngei shonei thai; jomi ngelei lakhila bhagtükkem.

KANDOK 26:11

Shi hüki laophüi bhaipü hahnüng leipükei, ngapa hüki laophülei ngadou leiyei leiyei düknyüpeih.

ISAIAH 61:8

Mehenangkü Shembüpa ngeiyü shahhing kü bamnyeih; Ngeiyü gühpükaaipü hatü mang kü jiühitnyeih. Ngei hingshangi ngelei nanglakthü kü thintho shuohhen, hatü ngei nedohnetenpü vangpüshuwpü jomphong mü linghen.

EZEKIEL 16:33

Büm yupü shennyak keyü lop shuohnyüpeih shejao amphongiyü am mü mükbongjuyung dükhen nyempeikei shei mih kü yawhdou shuoh-ei hatü thintho-i jom yawhnyüke.

LEVI 18:22

Üpa bahaiyao nyüha mü kei lebü baha mü mükbongjuyung tedük; hapayü jiühitbenüng mang nyüke.

LEVI 19:29

Ammi laophülei yiükha büm yupü am leihüei temangtük, hei vaijema kahdok kemei büm yupü am leihen, hatü nemeipai kahdok makahen.

LEVI 20:13

Baha hüki baha hük mü nyüha mü kei jemteijema, jijinyi-i jiühitbenüng dükteke. Jiji nyiphen jütükhen, hatü jijilei iy jiji shak kü nyuhen.

LEVI 7:16

Shennyak hanei-i büpai lahpü kü jiühüei nevaijü mongongpü moila shuohjema, hapayü büpai moilapü nyih hahhen, shejao aopü nyeipü neppheiyao hahhen.

MIKA 1:7

Pinnyülei pü lajeithü khih mü nihtükhen; hatü phopshemei büm yupüthü kü shuohpü lakleithü peü awi shamtükhen, hatü halei nyupü pü lajeithü peü ngei mahtükhen. Mehenangkü Samaria ami büm yuei hathü dangpü vütei-i büm yupü am kü-üng shuoh-ei kemtükhen.

HABAKKUK 1:13

Ten kü veihen nüngei mükü ahshi-üng daülangpü nyüke, hatü douten dükpü kü nüngi neveihünyu. Shejema mehekei lawlüppüthü kü nüngi hei-üng veishi nyudainya? hatü nemeipüthüi jom mü nyeinya daülangpüthü lühtükpü kü nenmü veishi nyudainya?

MALAKI 1:14

Mi khongkü meipü mi chebaong nyüpeih, hatü ha shuohhen shei lahtü üpai lueilemei kawhikang kohpü yem Shembüpa kü moilanya, büpa thaüvaüthemthetuh. Mehenangkü ngeiyü longpü ongpa hatü jatthü peüi ngelei men kü nyemhen shei Shembüpa Kahvangi enyüke.

MATHI 7:6

Mehe daülangpü nyüpa, ha shi touei teyakphong, hatü ook tou kü yüknyü teshükphong, hei nevaijema jomi la-i shouptükhen, hatü am khih mü nihtükhen yaakkahen.

SHAHKÜP 12:6

Hatouei ammei jakpü moila hatü lebü moilathü, ammei ankhong moila hatü mongmei moila, ammi shuohhen shei lahpü moilathü, ammei mongong moila hatü shongei shaanpü mohoh hatü mi chehathü hatou shingei koei peihen.

SHAHKÜP 22:21

pinnyü chepalei shem shadenei müei deihen hatü jom ching ami pinnyü yaongi shükei jühen. Mehenangkü pinnyüi chepa amei shemei nyushi mih mü mükbongjuyungei Israel kü veüpong dou dükteke. Hapakei am toueipü mang daütükhen.

SHAHKÜP 23:21

Ammi Shembüpa, ammei Kahvang kü vangjema, hapa jiühühen tephei; mehenangkü Shembüpa, ammei Kahvangi hingmei ha am leipü yühen hatü ha nedükjema mang nyüke.

PHILIPPI 3:2

Shithü kü lituh, douten dükpüthü kü lituh, phai vetteipüthü kü lituh.

2 PETER 2:22

Jomphong nangkü hapa kandok shah nyi jiüpeih: “Shi-i laophüi bhaipü touei nyokei leinyeih,” hatü, “ooki hangha lakhenü ookshoilei shoinüng nyokei leinyeih.”

SHAKEI VAMPÜ 22:15

Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.