SHAHKÜP 22:1 - DAÜLANGPÜ LAIHING (BSI)

¹ Am mü jempü Israel am jeihinaülei mohoh nevaijü mi lembien lemei daiyei eejema, ha hei-üng tetuhphong; shejao büpa kü müei leiyei shuohtuh.

SHAHKÜP 22:1 Iomraidhean Croise

KANDOK 24:11

Dihen müei lüdaipüthü nüngi yangtuh; jüshingei müei deilangpüthü yepei tuhtuh.

KANDOK 27:10

Nüngi nüngei küphü nevaijü ampalei mongjempa teyakphong; Nüng kü vongshüh dhaümkü shingkü jeihinaülei shem yemei tedai; Tailuei nyupü jeihinaü meyü yopailei nyupü chingyowpa-üng meipüba.

KANDOK 28:27

Üpai taopa kü shuohnya, büpa meheiyao netaohen; shejao üpai jomphong eeyao ne-eepükei nyunya, thaüvaü longi danghen.

ISAIAH 58:7

Aeipüthü kü ammei hahying hanhen, shem neshiüpü taopathü kü loihen shem shuohhen; Bümkong eejü ashakviha shuohhen, hatü laophülei shem am kü sheühhen, hathü hih.

ISAIAH 8:17

Jakob am shem kübü dhe jolangpü Shembüpa kü ngei omdanhen hih; ngei büpa kü hinglemhen hih.

EZEKIEL 34:16

Ngei mahdaipüthü yemhen, paüdaipüthü yemei leihen, hatü ngei jomei makaw thünghen, hatü ngei wong nekohpüthü wong kohhühen, shejao nitshüpü hatü wong kohpüthü mahtükhen. Ngei shahhingi jom kü ühyinghen.

EZEKIEL 34:4

ammi wong nekohpüthü kü wong koh-ei neleihü, tüngpü kü nejung, maju nethüng, paüeiyonei lüdaipüthü müei nelei, mahdaipüthü neyem, shejao kangeishungei loh-ei mangei jom shak kü vanglem lemteke.

LEVI 20:4

Mechem hapa shennyaki laophülei hapeü Molekh kahvang kü shuohhen, hatü nanglak khongi hapa hei-üng tuh-ei büpa nejütükjema,

LEVI 6:3

nevaijü büpai dou mahdaipü hanei dangei hapa nang shahshem eyei, nevaijü büpai shahshemi nedangangpih shei vangei, nevaijü shennyakthüi hapa homei mang thahhen mü büpai henüng mang Shembüpa tou kü thahjema, hatü hingnelemjema,

ZEKHARIAH 7:9

Jeiyong Shembüpai hapakei enyüke: Shahhing shahphenpü shuohtuh; hüki hük mü phahji yahyang huteituh.

MATHI 10:6

shejao Israel am phang mahdaipü mithü touei daituh.

MATHI 15:24

Büpai, “Ngeiyü Israel am phang mahdaipü mithü touei shompeih” shei jangei e.

1 KORINT 9:9

Mehenangkü Mosa shahkung kü ha nyangei nyüke: “Hah tenpü hepak kü mohohlei ju kü tuw tethuh.” Hapayü mohoh nangkü Kahvangi enyu je?

SHAHKÜP 22:2

Hapa jeihinaü am yopailei nenyu, nevaijü büpa üpashang ammi nenyingjema, büpai ha yemei mangpeikei thahshi shemei müei leiyei tuhtuh, hatü büpa yemei peiküjü yah-eishuoh.

1 PETER 2:25

Mehenangkü amphongü mi keiha lemnyongei daiyei nyuteke, shejao shaang mi yombü hatü ammei laangha yombü touei nyokei leiteke.