SHAHKÜP 20:1 - DAÜLANGPÜ LAIHING (BSI)

¹ Mechem amphongi ammei vepathü mü hoknüng daihen hatü koyei, koyei kharithü hatü veshanthü am mü nyeishi eehenshang, ammi jom kü tenyem; mehenangkü Ijip leipü am müei leipü Shembüpa, ammei Kahvang am mü nyukahen.

SHAHKÜP 20:1 Iomraidhean Croise

KAHBHAO 26:3

Hapa kahdokei kanja nyutuh, hatü ngei nüng mü nyuhen hatü moihimanphahen. Nüng hatü nüngei hühihathü shing hapa kahdok kemei shuohhen, hatü ngei ampa Abraham kü lahpü ha jiühühen.

2 SHÜPPÜKENGPÜ 14:10

Asa-ao büpa mü thep ponghen heih-ei Mareshah yopailei Zephathah Kahjilei show ling.

2 SHÜPPÜKENGPÜ 14:11

Hahepak kü Asa-i Shembüpa, büpalei Kahvang kü, “Shembüpa, wong kohpü am khüei wong nekohpü am kü sheühhen nüng keipü üpayao neshiü. Ham kü sheühshih, Oh Shembüpa, hamei Kahvang; mehenangkü hami nüng kü mongnyangnyeih, hatü nüngei men kü hapa veshan khongnyü khüei hokhen daipeih. Oh Shembüpa, nüngü hamei Kahvang; nüng kü hangkui teneühü” shei nyükei e.

2 SHÜPPÜKENGPÜ 20:12

Oh hamei Kahvang, nüngi jom kü shah nephenhen je? Ham hahnüng peipü veshanthü mü baong hokhen wong neshiü. Mehe dükhen hami nenyingang, shejao hamei mük nüng kü veinyüpeih.”

2 SHÜPPÜKENGPÜ 20:15

Jahazieli e, “Bangtuh, Jehoshaphat ongpa, hatü Judah hatü Jerusalemei nyupüthü! Shembüpai am kü hapakei enyüke: ‘Hapa veshan khongnyü eeyei am tenyem nevaijü mongtemaan. Mehenangkü vehokü ammei nevai, hapayü Kahvangei.

MENVIH KESHO 118:6

Shembüpa ngei mü nyüpeih; ngei makao nenyemhen. Hangkui ngei kü mehe dükaokhen?

MENVIH KESHO 20:7

Hanei ami koyei khari kü, hatü hanei ami koyei kü mongnyangnyüke, shejao hami Shembüpa, hamei Kahvangei men kü hinglemnyeih.

MENVIH KESHO 23:4

Ngei dipü yingdhüm kahji homei dailangmao ngei mepa kao nenyemhen. Mehenangkü nüng ngei mü nyüpeih; nüngei nyiamlüng hatü lenshuoh-i ngei nyiushem meihünyeih.

MENVIH KESHO 46:11

Jeiyong Shembüpa jen mü nyüke; Jakob Kahvangü jenei penyüsha.

MENVIH KESHO 46:7

Jeiyong Shembüpa jen mü nyüpeih; Jakob Kahvangü jenei penyüsha.

MENVIH KESHO 46:8

Peiyei Shembüpalei douthü kü veituh; büpai kahdoknyü kü lavüngtoipü koei peipü kü veihümao.

MÜLANGPÜ 20:2

Ngeiyü am Ijip kahdok aa laphen kübü müei leipü Shembüpa, ammei Kahvang;

ISAIAH 31:1

Üami Ijiplei sheühpü yemei yiünya, üami koyeithü kü mong nyangnya, üami koyei kharithü kü monglemnya, hatü koyei veshanthü khong kü monglemnya, shejao üami daülangpü Israel Kahvang kü neveinya, nevaijü SHEMBÜPAleipü sheühpü neyemnya, onyükei.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

ISAIAH 43:2

Mechem am yung homei daihen, ngei am mü nyuhen; hatü mechem am yungdang homei daihen, yungi am bhongei neshanlanghen. Mechem am awbhaong kü kamei daihen, awi am kü nekethen; awlomi am kü nelihen.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

JEREMIAH 16:14

Shejoongpa nyihthü ngoikünyüke shei Shembüpai enyüke. Nanglakthüi hajük kü, “Israel am Ijip leipü müei leipü vanyangyem Shembüpa nyüpeih” shei ne-ehen,

ZEKHARIAH 10:5

Jomphongü vehok kü hampathü kei nyuhen. Chingyangshong nyaühut kü vepathü nyeütükhen; jomi hokei koyei veshanthü neütükhen; Mehenangkü Shembüpa jom mü nyüke, hatü jomi koyei kü uopüthü veühühen.

BHEI-IE 10:9

Mechem ammei kahdokei am khüei yaongpü vepa mü thepju kü yaonghenshang, hapa amit vüngtuh. Hahepak kü Shembüpa, ammei Kahvangi am deih-ei danghen, hatü vepathü lak kübü am yanglanghen,

BHEI-IE 23:21

Jakob kü mehe shanghah nevaijü Israel kü mehe shangpong yakyingao ngei ne-eenyu. Shembüpa, jomei Kahvang jom mü nyüke; Büpayü jomei ongpa shei lennyüke.

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

SHAHKÜP 1:29

Shejao ngei amphong kü, “Jom kü tenyem” shei etepih.

SHAHKÜP 2:7

Shembüpa, ammei Kahvangi ammi dükpü lemphüli kü moihimanteke. Mangpü jahpan homei daipü lemyang kemei kü büpai am kü jungteke. Vangbong pinyi thahshi Shembüpa, ammei Kahvang am mü nyu, hatü ammi napü lemphü dangteke.

SHAHKÜP 20:2

Amphong vehok kü layaong shekü ngongpa hük am shekü peiyei veshanthü kü hapakei ehen,

SHAHKÜP 20:3

“Oh Israel am, bangtuh, shinnyih amphongi ammei vepathü mü hokhen layaongnyüke. Amphong mong temaan nevaijü tenyem, tehan nevaijü mong tesho.

SHAHKÜP 31:6

Am wongkoh monglongtuh. Ammi jom kü tenyem nevaijü tehan; mehenangkü Shembüpa, ammei Kahvang am mü daikahen; büpai am netuhphongpih.”

SHAHKÜP 31:8

Shembüpa, büpa nyingi am shekü daihen hatü am mü nyuhen; büpai mechemao am netuhphonghen. Hanangkü am tenyem, tehan.”

SHAHKÜP 7:1

Mechem Shembüpa, ammei Kahvangi am kü hapa kahdok shuohhen shingvaishi müei leihenshang, büpai am mü longpü hatü wong kohpü jat nyet– Hit am, Girgash am, Amor am, Kanan am, Perizz am, Hiv am, hatü Jebus am amphong toueipü changtükhen.

SHAHKÜP 7:18

Shejao jom kü tenyem; Shembüpa, ammei Kahvangi Ijip ongpa Pharaoh hatü nanglakthü kü mehe dükshuohpa ha meishi deihhahtuh.

SHAHKÜP 7:21

Ammi jom kü tenyem; mehenangkü am mü nyupü Shembüpa, ammei Kahvangü longpü hatü nyembenüng Kahvang nyüke.

SHAHKÜP 9:3

Shejao shinnyih Shembüpa, ammei Kahvangi am shekü awyei-i laiyei hahpükei daihen. Büpai am touei jomphong neütükhen, hatü Shembüpai am kü lahpükei ammi jom changtükhen hatü lomi mahtükhen.

JOSHUA 1:5

Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.

JOSHUA 1:9

Nüng wongkoh monglonghen shingvaishi ngei nüng kü etepih. Nüng tenyem nevaijü mong temaan; mehenangkü Shembüpa, nüngei Kahvang nüng dailem peü kü nyukahen.”

JOSHUA 11:9

Shembüpai epükei Joshua-i jom kü dük; büpai vehok koyeithülei laphei chah langtük hatü koyei kharithü aw kü jaktük.

SHAHPHENBÜTHÜ 6:12

Shembüpalei phongshan büpa touei peiyei, “Wongkoh monglongpü hampa, Shembüpa nüng mü nyüke” shei e.

SHAHPHENBÜTHÜ 6:16

Shembüpai büpa kü, “Nüngi aokhen hih; mehenangkü ngei nüng mü nyukahen, hatü nüngi Midian am peü ngümtükhen” shei e.

1 SAMUEL 17:32

Davidi Saul kü, “Hapa Philistia am naüha nangkü üpayao mongtemaan; nüngei chongphobü ngei daiyei büpa mü hokhen hih” shei e.