SHAHKÜP 2:4 - DAÜLANGPÜ LAIHING (BSI)

⁴ Ha nanglakthü kü hapa ngeükhüam shuohtuh shei ephüteke: ‘Seirlei nyupü ammei jeihinaü Esaulei hühihathü nyupü kahmük homei daihen yodaiteke. Jomi am kü nyemei shiühen shejao am lituh.

SHAHKÜP 2:4 Iomraidhean Croise

KAHBHAO 25:23

Shembüpai pinnyü kü e: “Nüngei vomei jat nyi nyüke, nüngi bühpü jat nyi laolao yanhen; Hükü hükpa mü wong kohpüba, chejei-i chenaü chongphohen.”

KAHBHAO 36:8

Hanangkü Esau (hapayü Edom) Seir phaüshang kahdokei nyu.

MÜLANGPÜ 15:15

Edom am mübüthü nyemnyüke; nyempai Moab am mübüthü temdaiteke; Kanan am nyaüei yendaiteke.

MÜLANGPÜ 15:16

Nyemhühanhüpü jom shangkü peiteke; Oh Shembüpa, nüngei laklu wong longpai nüngei nanglakthü mangpei thahshi nüngi angei leipü, nanglakthü manghomkem thahshi, nyempai yaong keiha yaongdaiteke.

MATHI 5:16

Hapa keiha am kü nyupü vangngai mih kü nyahütuh; shejüang jomi ammei doumei eeyei vangsholei nyupü ammei Pa kü müknyinshekhang shuohhen.

LUK SHAHSHA APPÜ 12:15

Shao büpai jomphong kü, “Lituh! Maong nyeipü lemphü kübü am yanei nyutuh; mehenangkü mop changshi nyupai shennyak hük yangnyu nenyunyih” shei e.

EPHESIA 5:15

Nüng mekei nyunya lituh– kon nekohpü am kei nevai, kon kohpü am kei nyutuh;

SHAHKÜP 2:3

“Phaüshang kahdok shinei hepak luangi longteiteke; shaangü apsha philei leptuh.

SHAHKÜP 23:7

Ammi Edom am tetuhphong; mehenangkü jomü ammei jeihinaüthü khih. Ammi Ijip am teyakphong; mehenangkü am jomei kahdokei lakeiloiyei nyuhampeih.

PHILIPPI 2:15

shejüang kaokdaipü hatü nyongdaipü den kü amphong eela neshiüpü, daülangpü, kawhikang neshiüpü Kahvang hathü vaihen; hapa kü amphong lithathü kei kahdoknyü kü nyahen.

KOLOSI 4:5

Hepak mei angei haolei nyupüthü touei ammi kon kohshi düktuh.