SHAHKÜP 18:10 - DAÜLANGPÜ LAIHING (BSI)

¹⁰ Am üpaiyao laophülei hapeüthü moidülei aw kü jakei moila teshuoh, hatü nanglak üpaiyao phongyomei, teteivanei, nyeüeinyaei, thihivam dou dükei,

SHAHKÜP 18:10 Iomraidhean Croise

KAHBHAO 44:5

Hapa kü ngelei shembüi yingteinyeih, hatü phongyomhen nangkü büpai hapa noteinyeih. Amphongi douten dükteke!’ shei etuh” shei etü shom.

2 ONGPATHÜ 16:3

shejao büpai Israel ongthülei lem kü kam. Lebü jatthüi dükteipü jiühitnalai vanglem keiha büpai laophülei hapeü aw kü jakei lajei kü moila shuoh. Hanangkü Israel am shekü Shembüpai hapa kahdok kübü jom changtükpeih.

2 ONGPATHÜ 17:15

Jomi büpalei shahkungnyüthü nebangi mong vaan, hatü büpai chebü chepa am mü vangteishuwteipü, hatü büpai jom kü shuohpü shahvüng yaktük. Jomi yahlak neshiüpü lajeithü kü khümei yahlak neshiüi leidai. “Jomi dükpükei tedük” shei Shembüpai jom kü ngeükhüam shuohlangmao jomi jom ngeih-ei shonei nyupü jatthülei deiaei nyuhteke, hatü Shembüpai tedük shei epü douthü dük.

2 ONGPATHÜ 17:17

Jomi jomei hapeüthü aw kü jakei moila shuoh. Jomi phongyom thiphepü lemphü düktei, hatü Shembüpa mongshihhüei büpa touei mang dükhen shingvaishi jom nyingi jom yutük.

2 ONGPATHÜ 21:6

Büpai cheha aw kü jakei moila shuoh. Büpai phongyom hingletpü, lashüh tetpü dou dük, hatü yimpi laang mü shah eteipü am, hatü tetpüvanpü am kü pheyeiyuei nyu. Büpai Shembüpa touei mang longi dükei, büpa mongshihhü.

2 ONGPATHÜ 23:24

Ngongchong Hilkiah-i Phopshemei dangpü lai kü nyangei nyupü shahkungnyüthü dükhen shingvaishi Josiah ongpai Jerusalem hatü Judah kahdok peü leipü laang kü shah eteipü, lashüh dokpüthü hatü shemongei khümteipü kahvang, lajeithü, hatü kung amei jiühitnalaipü douhinang peü yaktükkem.

1 SHÜPPÜKENGPÜ 10:13

Saul-ü Shembüpa kü hingnelempü nangkü di; büpai Shembüpai epü shah nebang; büpai lem müpü danghen yimpi laang kü pheteke,

2 SHÜPPÜKENGPÜ 28:3

Büpai Ben-Hinnom Kahjilei jakpü moila shuoh, hatü Israel am toueipü Shembüpai changtükpü jatthüi dükpü jiühitpü dou keiha büpai cheha aw kü jakei moila shuoh.

2 SHÜPPÜKENGPÜ 33:6

Büpai Ben-Hinnom Kahjilei chehapeüthü aw kü jakei moila shuoh; büpai phongyomei, teteivanei, thibü kü pheyei hatü yimpi laangthü mü pheyeiyuei nyu. Büpai Shembüpai mongshihhüei mang longi dük.

MÜLANGPÜ 22:17

Shejao yiükhalei chepai büpa mü shem yemhühen nemongjema, büpai chepa kü yiükha shing müü lakshing shuohhen vongbong.

MÜLANGPÜ 22:18

Ammi nyüha thi yemmü netuh-i jütüktuh.

ISAIAH 47:13

Ammi longi phongyomthiphepai am tengdaiteke; Üami vangsho lithathü kü veitü nih-ei khonya, hatü lenja kü veitü teteivanei enya, Jomi am touei mehe vongshüh peikünya, ha kübü nyemyangpha.

JEREMIAH 27:10

Jomi am kü shahshem teteivanei enyüke hatü hapai am ammei kahdok leipü tailuei daihen hean benhen; ngei am changtükhen hatü am mahhen.

JEREMIAH 27:9

Hanangkü am kü, “Amphong mechemao Babylon ongpa chongnephopih” shei epü thibüthü, tetpüvanpüthü, mangh manghteipüthü, lashüh dokpüthü hatü phongyompüthülei shah tebang.

JEREMIAH 32:35

Jomi Molekh kahvang kü jomei hapeüthü jüei moila shuohhen nangkü Hinnom Kahjilei Baal kahvangei moidü lingpeih. Ngei jom kü ha dükhen ne-e, hatü ngelei nanglak Judah am mang thahhühen mü jomi henüng dou dükkahen shei ngelei mong kü leyei nepeiküangpih.

JEREMIAH 7:31

hatü jomi ngei ne-epü, ngelei mongeiyao nelepü dou jomei hapeüthü Hinnom Kahjilei Topheth kahvang kü aw kü jakei moila shuohhen vaümchongthü nedoh-i lingnyüke.

LEVI 19:26

Ammi iy kohshi mepa phai lemao tehah. Ammi phong teyomtei.

LEVI 19:31

Ammi yimpi laang mü shah eteipüthü nevaijü lashüh tetpüthü lemei tedai, hathü yemjema hathüi am mang thahhühen. Ngeiyü Shembüpa, ammei Kahvang.

LEVI 20:6

Shennyak hanei-i yimpi laang mü shah eteipüthü nevaijü lashüh tetpüthü lemei daijema, ngei büpa laophülei nanglak khong kübü katitükhen.

MIKA 5:12

Ngei ammei thihivamthü mahtükhen, hatü am phongyom hingletpü hajük kü nenyuhen.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

PHONGSHANTHÜ DOU 19:19

Phongyomteipüthü jomei lai thaiyei peüi eeshi aw kü jaktük; hatü aw kü jaktükpü laithülei bhei itshuohjü ngin haja pinyipüanei bhei nyuteke.

PHONGSHANTHÜ DOU 8:9

Shaang Simon shei menpü shennyak hüki shelei mebü hapa chingnyülei thihivam dou dükei nyu, hatü Samaria amü thamaei büpayü longpü shennyak hih shei eteihamteke.

GALATIA 5:20

lajei khümpü, phongyompü, jiühitteipü, mophicheü, mükhühpü, mongshihpü, dehilao, neshetnephen, hanteipü,

SHAHKÜP 12:31

Ammi Shembüpa, ammei Kahvang kü jomei vanglem aimü tekhüm; mehenangkü jomi jomei kahvang kü khümshingkü Shembüpai jiühitbenüng doulem kemei düknyüke. Jomi laophülei hapeüthü jüei jomei kahvang kü moila shuohnyüke.

1 SAMUEL 15:23

Venle peyü phongyomthiphepü mang mü maanpü nevai, hatü changmei peyü lajei kü khümpü mang lepeih. Mehenangkü nüngi Shembüpalei shah yaktük, hanangkü büpaiyao nüng ong hean kübü yaktükteke”.

1 SAMUEL 28:3

Shaang, Samuel didai. Hanangkü Israel am kemei büpa kü mahng thepei nyu hatü büpayü büpalei jila Ramahlei vüphong. Sauli kahmük kübü thihivam hatü phongyomteipüthü kemei changtük.

1 SAMUEL 28:7

Hahepak kü Sauli büpalei chongphobüthü kü, “Phongyomteipü nyüha hük yemkütuh; ngei pinnyü touei peiyei phehen hih” shei e. Büpalei chongphobüthüi büpa kü, “Endorlei hük nyüpüja” shei eshuoh.

1 SAMUEL 28:8

Hanangkü Sauli büpa nyingi büpa nevaipükei lingtü mih-ei ow owtü yanüng büpa mü shennyak nyi mütü hapa thibülanyü touei peiyei, “Ngei kü phongyomshih hatü ngei nüng kü men epü shennyakei laangha nyükkütuh” shei e.

1 SAMUEL 28:9

Hapa nyühai büpa kü, “Sauli mehe dükpa ha nüngi nyingei shiühen; büpai kahmük kübü phongyomteipüthü hatü nyüha thibüthü kemei changtükpeih. Ngei nyemdi shei nüngi mehekei ngelei yangnyu kü tai haennya?” shei e.