SHAHKÜP 17:17 - DAÜLANGPÜ LAIHING (BSI)

¹⁷ Ongpai nyüha longi neyahhen; mehenangkü hapai Shembüpa toueipü büpalei mong lepdaihen. Büpai hon hi ngin longi thaiyei netuhhen vongbong.

SHAHKÜP 17:17 Iomraidhean Croise

KAHBHAO 2:24

Hanangkü baha hüki laophülei nyühipa tuhphongtü laophülei nyüha mü mongjemei nyunyeih, hatü jijinyi phai hük leinyeih.

2 SAMUEL 12:11

Shembüpai ha enyüke: Nüngei shemong mong kü-üng nüng homei shanghah hük vamhühen. Nüngei müki eeshi ngei nüngei anyühathü yah-ei lebü shennyak hük kü shuohhen, hatü büpai nyihnüng heshotapa kü jom mü shihen.

2 SAMUEL 5:13

Hebron leipü Jerusalemei peipheikü Davidi nyüha hatü yiükphü longi yah, hatü David kü hapeüthü longi bühjateke.

1 ONGPATHÜ 10:21

Solomon ongpalei yungshong kemei honi mon lingpü shiüteke; hatü Lebanon phaü leipü ongshemei tuhpü dükhi-üm kemei honi mon ling. Ngini mepayao neling; mehenangkü Solomonei hepak kü nginü ahshipü dounyü nevai-i nyu.

1 ONGPATHÜ 10:27

Büpalei nyih kü büpai Jerusalemei nginü bhihhiphang keiha hatü cedarpüyü adhapü keiha bongeilemei noteihü.

1 SHÜPPÜKENGPÜ 14:3

Jerusalemei Davidi nyüha longi yah, hatü hapeüthü longilei pa leiteke.

2 SHÜPPÜKENGPÜ 1:15

Ongpai Jerusalemei hon hi nginü yaongphaang kei, hatü cedar püyü Shephelah leipü bhukjükpüthü kei bhuh-eilinei angteke.

2 SHÜPPÜKENGPÜ 11:21

Rehoboami chenyühathü hatü yiüphüthü peü mü Absalomei yiükha Maakah kü nyeishi bam. Büpa nyüha anpüshet hatü yiükphü pejem nyuteke, hatü yeshang hapüshet hatü yiükha pejemei pa nyuteke.

NEHEMIAH 13:26

Kungyiük yahpü homei Solomon ongpai mang thahpeih. Jatthü khongkü büpa keipü ong nenyuham, hatü büpa kü Kahvangi longi bamei Israel kü büpa ong vaihüpeih, shejao kungyiüki büpa mang thahhüpeih.

MENVIH KESHO 62:10

Aetpüshepü kü hingtelem; angsha kü gühhen kü mongtelem; mop nyeinya dashingkü nüngei mong hathü kü tenyang.

KANDOK 31:3

Nyühathü kü nüngei wong tetük; ongpathü mahtükhen lem kü tekam.

MALAKI 2:15

Kahvangi am pinnyü mü büm hük hatü laangha hük shei nelingangpü je? Hapa kü Kahvangei mükhong mehe nyüpa? Mehenangkü Kahvangi büpa nyingpü hühiha yemteke. Hanangkü am nethe hepak kü lümei yahpü nyüha mü shahhing ne-e-i nenyuhen am nyingi yomtuh.

MATHI 13:22

Hüh chi kü vüpü sheiliyü ha hih; hanei ami hapa shah dannyüke, shejao kahdok yangnyu chudeih mongshang hatü mop vaüpai hapa shah lümtükhünyeih hatü betjük nejüki leidainyeih.

MATHI 19:5

‘Ha tata kü büpai laophülei nyühipa tuhphongtü laophülei nyüha mü chemi nyuhen, hatü jiji phai hük leihen’ shei nyangei nyupü amphongi neieangpü je?

LUK SHAHSHA APPÜ 12:15

Shao büpai jomphong kü, “Lituh! Maong nyeipü lemphü kübü am yanei nyutuh; mehenangkü mop changshi nyupai shennyak hük yangnyu nenyunyih” shei e.

1 TIMOTI 6:17

Shaangpü kahdoknyü kü nyupü shemmeithü kü nechangmeihen, nevaijü shaang nyutü nenyuhen mop kü mongnelemhen etuh, shejao jen hüshemhen shingvaishi lemphü mop changshi shuohpü Kahvang kü monglemhen etuh.

1 TIMOTI 6:9

Shejao üami shemmei leihünya dokpü kü vühen, hatü nanglakthüi lomohpü hatü mahpü sholi neshiüpü hatü yemei dihen taikon kü mandainyeih.