SHAHKÜP 16:4 - DAÜLANGPÜ LAIHING (BSI)

⁴ Ammei kahdok kü nyih nyet thahshi meleiyao daw netuhhen vongbong; hatü shongpü nyih om kü jüpü yem kübü phai ha ya-üng hahtükkemhen vongbong.

SHAHKÜP 16:4 Iomraidhean Croise

MÜLANGPÜ 12:10

Ammi vangngaipü thahshi meheyao aoei tetuh; nehah-aoki aojema aw kü jaktüktuh.

MÜLANGPÜ 12:15

Shembüpai, “Nyih nyet ammi daw neshihpü aan hahtuh; shongpü nyih kü ammi laophülei shem leipü daw peü yaktüktuh; mehenangkü üpai hapa nyih mongkü daw shihpü aan hahhenshang büpayü Israel khong kübü katitükhen.

MÜLANGPÜ 12:6

Ammi hapa len nyih anpüali mangngoi thahshi hathü jungei tuhtuh, hatü Israel am nanglak peüi hapa omdhümbaong kü jütuh.

MÜLANGPÜ 12:8

Ha ya-üng jomi phaiyü aw kü shoktü daw neshiüpü aan mü hatü shahyakpü phenlakvungpha mü hahkemtuh.

MÜLANGPÜ 13:7

Nyih nyet mongkü daw neshihpü aan hahtuh, ammi daw shihpü aan lanshei tenotei nevaijü ammei kahdokei daw tetuh.

MÜLANGPÜ 23:18

Ammi ngei kü jakpü moila shuohshingkü daw shihpü meheyao omshi teshuoh; nevaijü mo hepak kü ngei kü shuohpü cheü meheyao nepphei thahshi aoei tetuh.

MÜLANGPÜ 34:25

Ammi ngei kü iy-i jakpü moila mü daw shihpü moila meheyao teshuoh, hatü Hompü Mo kü shuohpü moila meheyao nepnüng thahshi aoei tetuh.

MATHI 13:33

Büpai jomphong kü shao lebü shahlap hük e: Vangsho ongchingü nyüha hüki daw yah-ei aanthüng dok jem kü ha mangpaai thahshi vukpükei nyüke.

SHAHKÜP 16:5

Shembüpa, ammei Kahvangi am kü shuohpü jila jiüjiü kü hapa Hompü Mo yem jühen neaok,