SHAHKÜP 14:1 - DAÜLANGPÜ LAIHING (BSI)

¹ Amphongü Shembüpa, ammei Kahvangei hapeüthü nyüke. Didaipü am kü mahng thepshingkü amphongi shangbasho tejap nevaijü sho tekup;

SHAHKÜP 14:1 Iomraidhean Croise

KAHBHAO 6:2

Kahvang hathüi hangkuli yiükha nela meipü ee, hatü jomi jepüthü mü shem yem.

KAHBHAO 6:4

Hathü nyih kü hatü haphei kao Nephilim am hapa kahdoknyülei nyu. Mechem Kahvang hathüi hangkulei yiükhathü touei peipa, jomi hathü mü hapeüthü büh. Jomü aivang mebü hampa hatü bümlong wong kohpü men-e shennyakthü nyuteke.

1 ONGPATHÜ 18:28

Hanangkü jomi wong mü lenei phop, hatü jomei vanglem keiha jomei büm kü longkhoih-i vetei adaüpi hümmei büm kü iy mangyen thahshi phop.

ISAIAH 63:16

Abraham hatü Jakobi ham nenyingjao, nüng hamei Pa; Nüngü, Oh Shembüpa, hamei Pa; Aivang den mebü nüngei menü ham Yangbü.

JEREMIAH 16:6

Hapa kahdok kü longpü maanpü peü dihen; jomei mahng nevühen, üpaiyao jom nangkü büm kü nevethahhen hatü sho nekuphen.

JEREMIAH 3:19

Ngei nüngü ngelei hapeü vaishi yahhen, hatü kahdoknyü kü peü mü meipü hapa mongongpü kahdok nüng kü shuohhen shei deihpeih. Nüngi ngei kü “Opa” shei nyükphahen; hatü ngei toueipü yanei nedaikahen shei deihpeih.

JEREMIAH 31:9

Jom thepyaki nyokei leikahen, ngei jom leishingkü phopyaki leikahen. Ngei jomü yungyen lemei mühen; Jom huluh neshuohhen mü jintükpü lem kü müei leihen; Mehenangkü ngeiyü Israel amei pa, hatü Ephraim amü ngelei hashongpa.

JEREMIAH 41:5

shennyak büali thahshi jomei jumum kuptük, ashakviha shaaktük hatü jomei büm kü vettükkemtü Shekhem, Shiloh, hatü Samaria leipü hahying moila hatü ayingshü kotü Shembüpalei shemei moila shuohhen pei.

JEREMIAH 47:5

Mahng theppai Gaza ami sho chaei kuptükhen; Ashkelon am nenmü nyudaiteke. Oh kahjilei aoei nyupüthü, meshük lushi am nyingi ma yahpü nyuhenang?

HOSEA 1:10

Israel amü ienüng neaok, shethen neaoki yungching bhihhiphang kei daei leihen. “Amphong ngelei nanglak nevai” shei jom kü epü nangjei, “Amphongü vanyangyem Kahvangei hapeüthü” shei nyükhen.

LEVI 21:5

Üpa ngongpaiyao sho nejaphen nevaijü jumum nekuphen nevaijü büm kü kaw neshahen.

JOHAN 1:12

Shejao üami büpa yah, büpalei men kü hinglem, büpai hathü peü kü Kahvang hathü leihen ngan shuohteke.

JOHAN 11:52

hatü jat hük shing mon nevai shejao haidaipü Kahvang hathü thaiyei leihen jung teteivanei eteke.

ROM SHAHSHA APPÜ 8:16

hapa Laanghai jenei laangha mü jenü Kahvangei hapeüthü shei denpü shuohnyüke,

ROM SHAHSHA APPÜ 9:26

“hatü jomphong kü, ‘Amphongü ngelei nanglak nevai’ shei epü shing kü jomphong kü, ‘Vanyangyem Kahvangei hathü’ shei ehen.”

ROM SHAHSHA APPÜ 9:4

Jomphongü Israel am, hatü hapeü kei ungei yahpü, müknyinshekhang, vangpüshuwpü, shahkungnyü shuohpü, khümpü hatü lahpüthü peü jomphongei;

ROM SHAHSHA APPÜ 9:8

Hapa lappeyü iy hi phai kübü hapeüthüyü Kahvangei hapeüthü nevai, shejao lahpü kübü vampü lihila kü mon Abrahamei hühihathü shei iehen.

2 KORINT 6:18

hatü ngei ammei Pa vaihen, hatü amphongü ngelei hapeüthü vaihen shei Jeiyong Shembüpai enyüke.”

GALATIA 3:26

mehenangkü Jisu Khrista kü hinglempü homei am peü Kahvangei hapeüthü leiteke.

SHAHKÜP 13:18

mehenangkü hayü Shembüpa, ammei Kahvangei ven danei ngei shinnyih am kü shuohpü shahkungnyüthü ven bangei büpa touei jiüpü dükjü mon danghen.

SHAHKÜP 32:6

Ammi Shembüpa kü hapa keiha düknyu je? Oh ngapa, hatü sholi neshiüpü nanglakthü. Büpayü ammei pa hatü am lingbü nevaipü je?

1 THESALONIKA 4:13

Jeihinaü hatü nyahinaüthü, shidaipüthü nang am kü ha nenyingi netuhhüang nevaijü monglem neshiüpü lebü shennyakthü kei thepeiyoungei netuhhüang.

HEBREW 2:10

Kahvang, üpa shing hatü üpa homei kahdoknyü nyunya, hapeüthü longi müknyinshekhang touei mühen shingvaishi jomei yemleipüba shangpong homei changhüshahühen jiüpü nyuteke.

1 JOHAN 3:10

Üpa Kahvangei ha, üpa kahshihlei ha hapakei jeni nyingdainyeih: Üpai jiüpü nedük nevaijü laophülei jeihinaü hatü nyahinaüthü kü nebam, büpayü Kahvangei ha nevai.

1 JOHAN 5:2

Mechem jeni Kahvang kü bamnya hatü büpalei shahkungnyüthü bangnya, hapa homei jeni Kahvangei hapeüthü kü bamnyüke shei jeni nyingnyüke.