SHAHKÜP 13:6 - DAÜLANGPÜ LAIHING (BSI)

⁶ Ammei jeihinaü meimei-i, nevaijü ammei yeshang nevaijü yiükha, nevaijü ammi bampü shembünyü, nevaijü ammei mongkhen küphüi, “Jeni lebü kahvangthü kü khümshah” (am nevaijü ammei bühipathüi nenyingpü kahvangthü,

SHAHKÜP 13:6 Iomraidhean Croise

KAHBHAO 16:5

Hahepak kü Sarai-i Abram kü, “Hagar-i ngei kü ne-ienelemi dükpeyü nüngi pungpeih. Ngei ngelei aa nüngei lak kü shuohpeih, shejao pinnyüi pinnyü büm nekongpü nyingei ngei kü neienelemnyu khih. Kahvangi ji aa kü shah nyemphenkei” shei e.

2 SAMUEL 1:26

ngei nüng kü mahng thepnyeih, Oh ngelei mongjempa Jonathan; Nüngi ngei kü longi kenpeih; Nyühathüi kenpü mao nyeishi nüngi ngei kü kenpü thamashi.

1 ONGPATHÜ 18:40

Hahepak kü Elijah-i, “Baal kahvangei thibüthü yeptuh; hathü hükao aoei tetuh” shei ngeükhüam shuoh. Hanangkü nanglakthüi hathü yep, hatü Elijah-i hathü peü Kishon Kahjilei müei yiüei jütükkem.

2 ONGPATHÜ 11:18

Hapheikü nanglakthü peü kemei Baal kahvangei phopshemei heih-ei haleipü moidüthü, hatü lajeithü peü khih mü mangtük, hatü moidü tüngei Baal kahvangei ngongpa Mattanao jomi jütük. Ngongpai Shembüpalei shem kü yombüthüi yomei tuhphong.

2 SHÜPPÜKENGPÜ 15:13

Longpü vaijao maanpü vaijao, nyüha vaijao baha vaijao üami Shembüpa, Israel Kahvang neyem jütükhen shei nyuteke.

2 SHÜPPÜKENGPÜ 23:17

Nanglak peü Baal kahvang phopshemei heih-ei ha bentük. Jomi moidü hatü lajeithü kemei mangtüktü Baal kahvangei ngongpa Mattan moidü touei jü.

JOB SHAHSHA APPÜ 31:27

ngelei mongdangei joshi yawh-eiyangei, hatü ngelei lak kü dhüm shuoh-ei jüpjema,

MÜLANGPÜ 13:3

Mosai nanglakthü kü, “Am Ijip leipü aa vaipü kahdok leipü vamei daipü nyih, shinnyih deih-ei dangtuh; mehenangkü Shembüpai büpalei wonghingani am müei ngailangteke. Daw shihpü aan tehah.

MÜLANGPÜ 32:27

Büpai jom kü, “Shembüpa, Israel amei Kahvangi, ‘Shennyak peüi laophü laophülei yanlu laaptuh, hatü baümtapthü shaden hük kübü hük thahshi changteiyei am peüi laophülei jeihinaü, laophülei küphü hatü laophülei chingyow jütuh’ shei enyüke” shei eteke.

KANDOK 18:24

Küphü haneiyü neshennejungnyih; Küphü haneiyü laophülei cheihinaü mao mongkhen-püba nyunyüpeih.

KANDOK 5:20

Ngelei hapeü, mehekei mih-ei nyüha mü nüng hüshemhen? Mükbongjuyungla mü mehekei küei jemhenang?

JEREMIAH 28:15

Hapheikü Jeremiah thibüi Hananiah thibü kü, “Bangtuh, Hananiah! Shembüpai nüng neshomshomi shahshem kü hinglemhen mü nüngi hapa jat yawhlangteke.”

JEREMIAH 28:16

Hanangkü Shembüpai hapakei enyüke: “Ngei hapa kahdok kübü nüng nüngtükhen. Shenüng-üng nüng dihen; mehenangkü nüngi Shembüpa khüei chongventeke.”

JEREMIAH 44:3

mehenangkü jomi mang dükpü, hatü ngei mongshihhüpü nangkü ha vampeih. Halei jom nevaijü nüng nevaijü ambü ampa-i nenyingpü kahvang kü ayingshü jakei khümpeih.

ZEKHARIAH 13:3

hatü thibü hanei dangkao shao vamjema, jom büh jom paümpü nyühipathüi, “Didaikemtuh; mehenangkü ammi Shembüpalei men kü shahshem enyüke” shei ehen, hatü mechem jom teteivanei ejahen, jom büh jom paümpü nyühipathüi-üng jom jütükkemhen.

2 KORINT 5:16

Hanangkü, shaang mü leitü hami üpa kao kahdoknyü phai aimü neveinyih; chem hami Khristayü phai aimü nyingjao hajük kü hapa aimü nenyingnyih.

GALATIA 2:4

Ham aa leihühen shingvaishi Khrista kü hami dangpü bümei hean kü gühshukhen nangkü shahshem vaipüthü hanei ham touei peipeih.

EPHESIA 4:14

Jen hajük kü hashih keiha shennyakthüi mih lueilemhen küpjan ten tempü kon kü yungmok kü phongteipükei nenyuhen hatü nyuhpüvenpü aplük pelük kü nepipohen khih.

SHAHKÜP 11:32

ngei shinnyih am touei tuhphopü shahkungthü ven banghen kenhingtuh.

SHAHKÜP 13:2

büpai epükei yashanyale nevaijü thamapü dou jiüei vamjema, hatü büpai, “Jeni lebü kahvangthü phei müshah, (ammi mangnyingpü kahvang) hatü jeni hathü kü khümshah” shei eküjema,

SHAHKÜP 13:7

yopailei nevaijü tailuei nyupü nanglakthülei kahvangthü),

SHAHKÜP 17:12

Shembüpa, ammei Kahvang chongphopü shahphenbü nevaijü ngongpa kü üpai ven nebanghen jütükhen; hapakei dükpai Israel kübü mang daütükhen.

SHAHKÜP 18:20

Shejao ngei etuh shei nekangpü kü üpa thibüi ngelei men kü ehenshang, nevaijü üpa thibüi lebü kahvangthülei men kü ehenshang, büpayü jütükhen.

SHAHKÜP 19:19

büpai mih kü dükhen shei deihpü hanghi büpa kü dükeishuoh. Ammi hapakei am toueipü mang daütükhen.

SHAHKÜP 21:21

Hahepak kü jomei jila kübü shennyakthüi büpa yaongi shükei jütükhen, hatü hapakei am khong kübü mang daütükhen. Israel am peüi hapa danei nyemhen.

SHAHKÜP 22:21

pinnyü chepalei shem shadenei müei deihen hatü jom ching ami pinnyü yaongi shükei jühen. Mehenangkü pinnyüi chepa amei shemei nyushi mih mü mükbongjuyungei Israel kü veüpong dou dükteke. Hapakei am toueipü mang daütükhen.

SHAHKÜP 24:7

Shennyak hüki jempü Israel shennyak hük yepei daiyei aa kü kei noteijema hatü yutükjema, shennyak yeppü shennyakü jütükhen vongbong. Am toueipü henüng mang daütükhen vongbong.

SHAHKÜP 28:54

Longi kenhing monghapü longhiong shennyakiyao laophülei jeihinaü nevaijü bampü shembünyü nevaijü aopü hapeüthü kao phahji nehuhen,

SHAHKÜP 29:18

Shinnyih hamü yaongshi nyupü baha, nyüha, shemongsha nevaijü jathili üpaiyao Shembüpa, jenei Kahvang toueipü nelepdaihen hatü ha jatthülei kahvangthü kü nekhümhen kentuh. Hapayü shahyakpü pü tünglang hatü leü nemeipü pü kei nyukahen.

SHAHKÜP 8:14

aa vaiyei nyupü Ijip kahdok leipü müei leipü Shembüpa, ammei Kahvang betüktü nechangmeihen kenhingtuh.

KOLOSI 2:4

Üpaiyao amphong kü shahmei eyei nelunelemhühen shingvaishi ngei ha enyeih.

JOSHUA 7:13

Daituh, nanglakthü daütüktuh, hatü jom kü laophü nyingi ngenyih shingvaishi daütüktuh; mehenangkü Shembüpa, Israel Kahvangi, ‘Oh Israel, amphong khongkü ngei mangtüktuh shei epü dou haneilei nyüke; am kübü hapa mangyaktük thahshi am vepa khüei neyaongaokpih’ shei hapakei enyüke.

2 PETER 2:1

Shejao shahshem nyuhbüthü am nanglak khongkü vamteke, hatü ha aihük mü amphong khongkü shahshem nyuhbüthü vamkahen. Jomi joei tenbenüng chudeih koei peikahen; jomi jom angei leipü Shembüpa yaktükhen, hatü laophü nyingkü lomi mahhen koei peikahen.

SHAKEI VAMPÜ 12:9

Hapa longpü Dragon, aivang mebü biü, üpa kü Shepe nevaijü Satan shei nyük, kahdoknyü kemei luhahpüba– büpa hatü büpalei phongshanthü kemei kahdoknyülei shükei shanshih.

SHAKEI VAMPÜ 13:14

hatü hapa yemhalei men kü nyangeihepü dükpai yani ma yahjao meidaipü yemhalei lajei linghen eyei kahdoknyülei nyupüthü luhahteke;

SHAKEI VAMPÜ 20:3

kahshalei shüktük hatü vangbong haja hük manglom thahshi büpai nanglakthü kü nelunelemhen shingvaishi sabi yüptü ha kü füoshang shüngtükteke. Hapheikü büpa kanja shingvaishi ngaihen.

SHAHPHENBÜTHÜ 10:6

Shao Israel ami Shembüpa touei mepa mang, ha dük, hatü Israel ami Baal hatü Astartes kahvangthü, Aram amei kahvangthü, Sidon amei kahvangthü, Moab amei kahvangthü, Ammon amei kahvangthü hatü Philistia amei kahvangthü kü khüm. Israel ami Shembüpa betüktü büpa chongnephopü nangkü,

SHAHPHENBÜTHÜ 2:13

Jomi Shembüpa yakphong, hatü Baal kahvang hatü Astartes kahvang khümei chongphoteke.

SHAHPHENBÜTHÜ 20:13

Israel kübü nemeipü mang shaptükhen shingvaishi Gibeah kü nemeipü shennyakthü shakei ngaishih hatü hamphongi jomphong jütükhen” shei e. Shejao Benjamin ami jempü jeihinaü Israel jatthüi epü kü dhaong neno.

SHAHPHENBÜTHÜ 5:8

Mechem Israel ami kahvang jathü jehahpa, kahmük kü vehoki maei nyuteke, Israel am shennyak haja pinyi khongkü vehok phunglang nohen neshiüi leidai.

1 SAMUEL 18:1

Davidi Saul mü shah eteiyei kempheikü Saulei cheha Jonathani David mü laangha kü hük lei hatü laophü kü kei David kü bam.

1 SAMUEL 18:3

Hatü Jonathani laophü kü kei David kü bampü nangkü büpa mü vangpüshuwpü lingteke.

1 SAMUEL 20:17

Jonathani shao büpai büpa kü bampü nangkü David kü lahhü; mehenangkü büpai laophü kü bampükei büpai büpa kü bam.